Arn: Tempelriddaren

Arn: Tempelriddaren
Títol	Arn: Tempelriddaren
Póster d'a cinta.
Ficha tecnica
Dirección	Peter Flinth
Producción	Waldemar Bergendahl Leif Mohlin Jan Marnell
Disenyo de producción	Anna Asp
Guión adaptau	Hans Gunnarsson
Basau en	novelas de Jan Guillou
Musica	Tuomas Kantelinen
Fotografía	Eric Kress
Montache	Olivier Bugge Coutté Anders Villadsen
Vestuario	Albert Collins Kicki Ilander
Actors	Joakim Nätterqvist Sofia Helin Stellan Skarsgård Vincent Pérez Simon Callow Steven Waddington Jørgen Langhelle Gustaf Skarsgård Michael Nyqvist Bibi Andersson Sven-Bertil Taube Milind Soman Alex Wyndham Nicolas Boulton Thomas W. Gabrielsson Jakob Cedergren Julia Dufvenius Lina Englund Morgan Alling Fanny Risberg Anders Baasmo Christiansen Driss Roukhe Mirja Turestedt Joel Kinnaman
Color	Color by DeLuxe
Narrador	Sven-Bertil Taube
Datos y cifras
País(es)	Suecia Dinamarca Noruega Finlandia Alemanya Marruecos
Anyo	2007
Debantadera	17 d'aviento de 2007 Suecia 26 d'aviento de 2007 Noruega 11 de chinero de 2008 Dinamarca 22 de febrero de 2008 Finlandia
Chenero(s)	Cine epico Cine de drama Cine historico Cine belico Cine de romance
Durada	139 min
Idioma(s)	Sueco Anglés Latín Arabe Francés
Companyías
Productora(s)	AMC Pictures Arion Communications Ltd. Dagsljus Filmequipment Danmarks Radio Det Danske Filminstitut Eurimages Europa Film Sound Production Film i Väst Juonifilmi Programa MEDIA d'a Unión Europea Molinare Studio SF Norge A/S Sandline Production Sheba Films Soundchef Studios Suomen Elokuvasäätiö Svensk Filmindustri Svenska Filminstitutet TV2 Norge TV4 Telepool Tju-Bang Film Yleisradio
Distribución	Svensk Filmindustri
Presupuesto	210 millons de coronas
Succesión de cintas
Succedita por	Arn: Riket vid vägens slut (2008, Peter Flinth)
Informacions en bases de datos especializadas:

Arn: Tempelriddaren (títol orichinal en sueco, en aragonés Arn: o templero, enguerada en Aragón con o títol en castellano d'Arn: el caballero templario, en aragonés Arn: o caballero templero) ye una cinta de cine epico de drama historico belico y de romance de l'anyo 2007 coproducida por o cine sueco, lo cine danés, o cine noruego, o cine finés, o cine alemán y lo cine marroquín, dirichida por Peter Flinth seguntes un guión adaptau por Hans Gunnarsson (basau en o personache d'Arn Magnusson creyau por Jan Guillou ta las suyas novelas d'a clamada trilochía d'as Cruzadas u trilochía d'Arn). Conta con una dirección de fotografía d'Eric Kress, una banda sonora orichinal de Tuomas Kantelinen, y una producción cinematografica de Waldemar Bergendahl, Leif Mohlin y Jan Marnell ta las productoras AMC Pictures, Arion Communications Ltd., Dagsljus Filmequipment, Danmarks Radio, Det Danske Filminstitut, Eurimages], Europa Film Sound Production, Film i Väst, Juonifilmi, o Programa MEDIA d'a Unión Europea, Molinare Studio, SF Norge A/S, Sandline Production, Sheba Films, Soundchef Studios, Suomen Elokuvasäätiö, Svensk Filmindustri, Svenska Filminstitutet, TV2 Norge, TV4, Telepool, Tju-Bang Film] y Yleisradio. Os aàctors que fan parte de l'elenco d'a cinta son, entre d'atros, Joakim Nätterqvist, Sofia Helin, Stellan Skarsgård, Vincent Pérez, Simon Callow, Steven Waddington, Jørgen Langhelle, Gustaf Skarsgård, Michael Nyqvist, Bibi Andersson, Sven-Bertil Taube, Milind Soman, Alex Wyndham, Nicolas Boulton, Thomas W. Gabrielsson, Jakob Cedergren, Julia Dufvenius, Lina Englund, Morgan Alling, Fanny Risberg, Anders Baasmo Christiansen, Driss Roukhe, Mirja Turestedt y Joel Kinnaman.

En a Suecia de meyaus d'o sieglo XII, Arn Magnusson ye un nino miembro d'a Casa de Folkung. Cuan se troba a rafe d'a murte, sus pais fan a promesa d'adedicar-lo a Dios si salva la suya vida y como consecuencia dentra en un monesterio peteneixient a la Orden de Cistels a on un d'os monches, que ye un antigo templero li amuestra cómo fer servir as armas, en considerar que la suya misión ye la d'estar un soldau de Dios. Cuan creixe, s'enamora de Cecilia Algotsdotter y la dixa embarazada. Cuan Cecilia li conta ixo a su chirmana, esta piensa que su pai no puet pagar dos vodas y que si Cecilia se casa ella no podrá casar-se mai, asinas que s'inventa que Arn heba teniu relacions sexuals con ella antes de conoixer a Cecilia. D'atra man, Arn aduya a lo suyo amigo Knut Eriksson a recuperar a cadiera reyal en colaborando en a muerte de Karl Sverkersson y como consecuencia se converte en enemigo d'o clan d'iste, que poseye importants vinclos en a Ilesia Catolica de Suecia. Ta castigar-lo, condenan a él y a su promesa Cecilia a 20 anyadas de servicio a Dios, en zarrando-los en monesterios diferents. Cecilia se troba perseguida por a mai superiora d'o suyo conveno, que perteneixe a lo clan d'os esnemigos d'Arn, y a iste lo ninvían a servir como militar d'a Orden d'o Temple en Tierra Santa, partecipando asinas en as Cruzadas y en a protección d'o Reino de Cherusalem contra Saladín. Arn destaca por as suyas cualidaz humanas y militars y amuestra estar un hombre d'honor dica lo punto de salvar a vida de Saladín. Mientres, Cecilia ha feirto amistat con una atra Cecilia a qui han zarrau tamién en o mesmo convento a on se troba ella y que ye la promesa de Knut, qui bien luego recupera la corona y se converte en rei. Arn prencipia a tener problemas con un atro templero y cuan Arnau de Torroja dixa d'estar o superior d'a Orden, se troba perseguiu por o nuevo gran mayestre, Cherardo de Richefort. Cuan en a batalla de Hattin os templers son exterminaus por Saladín, Arn queda feriu, pero lo salva personalment Saladín, qui fa que lo leven enta Domás ta que lo curen, tornando-li asinas o favor que li heba feito en salvar a suya vida d'antes mas. Asinas, Arn puet tornar en Suecia.

A cinta s'ambienta en o sieglo XII en Suecia y en bels lugars d'os actuals estaus de Palestina, Israel y Siria, incluyindo-ie as ciudaz de Cherusalem y Domás, y las suyas escenas se filmoron en cuantas localidaz d'Escocia, incluyindo-ie Edimburgo, en Marruecos y en localidaz d'o condau de Västra Götaland en Suecia.

Ye una cinta que ha recibiu bels premios y nominacions, en destacando una nominación en os Premios d'o Cine Europeu (Premio d'o Publico a la Millor Cinta) en a suya 21^ena edición.

Elenco

Actor	Papel	Notas
[[]]	'

Se veiga tamién

• Cine en 2007.
• Cintas de 2007.

Vinclos externos

• (en) Arn: Tempelriddaren en Internet Movie Database.
• (sv) Arn: Tempelriddaren en Svensk Filmdatabas.
• (en) Arn: Tempelriddaren en TCM Movie Database.
• (en) Arn: Tempelriddaren en Netflix.
• (en) Arn: Tempelriddaren en Letterboxd.
• (es) Arn: Tempelriddaren en FilmAffinity.
• (en) Arn: Tempelriddaren en a web d'os Premios d'o Cine Europeu.
• (fr) Arn: Tempelriddaren en Allociné.
• (en) Arn: Tempelriddaren en AllMovie.