Arnau de Torroja

De Biquipedia
Ir a la navegación Ir a la búsqueda
Arnau de Torroja
Gran Mayestre d'o Temple
Armoiries Arnaud de Toroge.svg
Escudo d'Armas d'Arnau de Torroja.
Reinato 1180-1184
Naixencia 1122
Solsona
Muerte 30 de setiembre de 1184
Verona
Predecesor Eudes de Saint Amand
Succesor Cherardo de Richefort
Dinastía Linache d'os Torroja

Arnau de Torroja naixito de Solsona mas u menos en l'anyo 1122 y muerto en Verona o 30 de setiembre de 1184, estió un templer catalán que s'adubió a Gran Mayestre de la suya Orden entre 1180 y 1184 quan morió.

Datos presonals[editar | editar código]

Yera de lo linache de los Torroja, senyors de Solsona. No se conoix la calendata de naixetura, pero yera prou viello quan morió o en 1184 en Verona, y ya teneba més de 70 anyatas quan lo esleyoron Gran Mayestre succedendo a Eudes de Saint Amand, muerto en captividat en Domás. Ya heba servito a la orden muitos anyos enantes y heba estato mayestre templero d'Aragón y Provenza.

Carrera melitar[editar | editar código]

Reconquiesta[editar | editar código]

La suya carrera melitar se desembolicó primero y principalment en la Reconquiesta aragonesa. Atorgó Carta Puebla a Lecinacorba en 1177 a fuero de Zaragoza. No conoixeba la situación politica de los Estatos Latins d'Orient, pero yera hombre tanato en la disciplina y funcionamiento de la suya orden.

Conflictos con los Hespitalers[editar | editar código]

Lo suyo mayestrato ye marcato por barallas entre templers y hespitalers, que iban ganando poder politico. Arnau de Torroja acceptó la meyación de lo Papa Lucio III y lo rei de Cherusalém Balduín IV pa rematar con ixas barallas fraticidas.

La situación politica se fació més dificil en 1184, quan Reinaldo de Châtillon saqueyó l'actual Chordania con aduya de bells templers y hespitalers. Arnau demostró gran sabieza politica negociando con Saladín, que yera preparato pa vengar-se d'ixa incursión.

Embaixata en Europa[editar | editar código]

Ixe anyo Arnau de Torroja y lo gran mayestre hespitaler fuoron ta Europa pa demandar a los reis e a lo Papa que ninviasen una nueva cruzata, que feba falta pa esfensar los Estatos Latins d'Orient, que yeran amenazatos por lo creixient poder de Saladín, que heba achuntato los musulmans locals. En este viache Arnau de Torroja prenió una malautía y morió en Verona, lo 30 de setiembre de 1184.

Vinclos externos[editar | editar código]


Predecesor:
Eudes de Saint Amand
Gran mayestre de l'Orden d'o Temple
1180 - 1184
Succesor:
Cherardo de Richefort