Gallur
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Gallur | |||
| Municipio d'Aragón | |||
| |||
 | |||
| Entidat • País • Provincia • Comarca |
Municipio Aragón.svg){kind=small} ZaragozaRibera Alta d'Ebro | ||
| Partiu chudicial | Zaragoza | ||
| Superficie | 41,70 km² | ||
| Población • Total |
2576 hab. (2013) | ||
| Altaria • Meyana |
254 m. | ||
| Distancia • 50 km |
enta Zaragoza | ||
| Alcalde | Antonio Luciano Liz Gaspar | ||
| Codigo postal | 50650 | ||
| Parroquial • Archidiocesi • Arcipestrau • Parroquia |
Zaragoza Gallur Sant Pero d'Antioquía | ||
| Ríos | Ebro | ||
| Coordenadas | |||
| Web oficial | |||
Gallur ye un municipio de la provincia de Zaragoza, situau en la comarca de la Ribera Alta d'Ebro. La suya población ye de 4.514 habitants (2017), en una superficie de 41,70 km² y una densidat de población de 108,23 hab/km².
Toponimia
Lo toponimo Gallur deriva d'una composición toponimica en latín feita con un substantivo ya desapareixiu seguiu d'un chenitivo plural GALLŌRUM ("de los galos"), que quedó fosilizau.[1]. En castellano d'Aragón a vegadas Gallur puede pronunciar-se Gallud. O también podría provenir de gailur, cima en euskera.
En lo termin municipal de Gallur se trobó un bronce que feba mención de la celebración d'uns chuegos en un pago de los galos, PAGUS GALLŌRUM. Lo Pagus feba referencia a una agrupación humana intermedia entre la familia romana y la tribu y, devez, circunscripción territorial.
Lo escudo d'armas de lo castiello desapareixiu teneba un gallo, y seguntes la leyenda se creye que por ixo lo lugar prene este nombre. Manimenos, ye fácil que lo escudo siga una adaptación a partir de lo nombre.
Bi ha un microtoponimo d'orichen aragonés, Punyigré, que ye deformación de Pui Negret y s'escribiba latinizau como Podium Negret en 1132.[2]
Cheografía
Gallur ye situau en materials cuaternarios d'Ebro, en la marguin dreita y entre Ebro y la Canal Imperial d'Aragón. Representa una crucillada de camins naturals y carreteras.
Gallur ye a una distancia de 50 km de Zaragoza, la capital de la suya provincia y d'Aragón.
Mugas
Lo suyo termin municipal muga a lo norte con Taust (en Cinco Villas); a l'este con Pradiella d'Ebro y Boquinyeni; a lo sud con Magallón (en lo Campo de Borcha); y a l'ueste con Magallón y Mallén, los dos en lo Campo de Borcha.
Historia
Gallur puet estar, seguntes bel historiador, l'antiga ciudat prerromana de FORUM GALLŌRUM, construita pa complegar los pueblos celtas de la comarca. Pa la mayor parte d'historiadors, manimenos, FORUM GALLŌRUM ye l'actual Gurrea de Galligo.
Seguntes Agustín Ubieto Arteta, la primera cita documentada de lo lugar, que apareixe con los nombres de Gallur, Gallurr, Galur, Galurr y Galurre, ye en 1125, en l'articlo de José María Lacarra Documentos para el estudio de la reconquista y repoblación del valle del Ebro, en Estudios de Edad Media de la Corona de Aragón, Zaragoza (1946).[3]
L'orichen de lo lugar ye l'antigo castiello, ya desapareixiu, de lo sieglo XII.
Demografía
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
Administración
Reparto de concellers
| Partiu | 1979 | 1983 | 1987 | 1991 | 1995 | 1999 | 2003 | 2007 | 2011 |
| Chunta Aragonesista | 4 | ||||||||
| Partido Popular | 4 | ||||||||
| Partido de los Socialistas de Aragón | 3 | ||||||||
| Total | 11 | ||||||||
Alcaldes
| Lechislatura | Nombre | Partiu politico |
|---|---|---|
| 1932–1933 | María Domínguez Remón | Partido Socialista Obrero Español |
| 1979–1983 | José Luis Adiego | Independient |
| 1983–1987 | José Luis Zalaya | Partido Socialista Obrero Español |
| 1987–1991 | José Luis Zalaya | Partido Socialista Obrero Español |
| 1991–1995 | José Luis Zalaya | Partido Socialista Obrero Español |
| 1995–1999 | José Luis Zalaya | Partido Socialista Obrero Español |
| 1999–2003 | José Luis Zalaya | Partido Socialista Obrero Español |
| 2003–2007 | Antonio Luciano Liz Gaspar | Chunta Aragonesista |
| 2007–2011 | Antonio Luciano Liz Gaspar | Chunta Aragonesista |
| 2011–2015 | Antonio Luciano Liz Gaspar | Chunta Aragonesista |
| 2015–2019 | Yolanda Salvatierra Pérez | Partido Socialista Obrero Español |
| 2019–2023 | Yolanda Salvatierra Pérez | Partido Socialista Obrero Español |
| 2023–2027 | María Pilar Capdevila Manero [4] | PSOE |
Fiestas
- Cadiera de Sant Per, 22 de febrero.
- Sant Antón de Padua, 13 de chunio.
- Sant Per Apóstol, 29 de chunio.
Vinclos externos
Se veigan as imáchens de Commons sobre Gallur.- Pachina web oficial.
Referencias
- ↑ (en) Paul M. Lloyd: From Latin to Spanish: Historical phonology and morphology of the Spanish language. American Philosophical Society, 1987 - pp 276-278.
- ↑ (es) Juan Antonio Frago Gracia: Toponimia navarroaragonesa del Ebro (IV): Orónimos. Archivo de Filología Aragonesa. ISSN 0210-5624, Vol. 30-31, 1982 , pachinas. 23-62.
- ↑ (es) Ubieto Arteta, Agustín: Toponimia aragonesa medieval, Valencia 1972.
- ↑ (es) Consulta el listado de alcaldes que han sido proclamados en Aragón en Heraldo de Aragón
| Municipios d'a comarca Ribera Alta d'Ebro | |
|---|---|
| Alagón | Alcalá d'Ebro | Bárbols | Boquinyeni | Cabanyas d'Ebro | La Choyosa | Figueruelas | Gallur | Grisén | Luceni | Pedrola | Pinsec | Pleitas | Pradiella d'Ebro | Remolinos | Sobradiel | Torres de Berrellén |
| Lugars d'o municipio de Gallur | |
|---|---|
| Gallur | Sant Antonio |