Viliella de Xiloca

	Viliella de Xiloca
	Municipio d'Aragón
Entidat; • País; • Provincia; • Comarca	Municipio; Aragón; Zaragoza; Comunidat de Calatayú
Partiu chudicial	Calatayú
Superficie	10,4 km²
Población; • Total	; 67 hab. (2013)
Altaria; • Meyana	; 597 m.
Distancia; • 94 km	; enta Zaragoza
Alcalde	María Ángeles Ruiz López
Codigo postal	50343
Parroquial; • Diocesi; • Arcipestrau	; Tarazona; Calatayú
Coordenadas	41°16’28’’N 1°36’14’’U
	Viliella de Xiloca Viliella de Xiloca en Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre lo lugar de Viliella situau en la val de Xiloca. Pa atros emplegos de lo toponimo se veiga Viliella.

Viliella de Xiloca (Velilla de Jiloca en castellano) ye un municipio aragonés de la provincia de Zaragoza, situau en la comarca de la Comunidat de Calatayú.^[1]

La suya población ye de 67 habitants, en una superficie de 10,4 km² y una densidat de población de 6,39 hab/km².

Cheografía

La localidat de Viliella de Xiloca ye situada a piet de la loma d'el Morrón, a 597 metros d'altaria dencima de lo livel d'a mar en la marguin dreita de la ribera de Xiloca, y a una distancia de 94 km de la ciudat de Zaragoza, la capital de la suya provincia y d'Aragón.

Toponimia

Lo toponimo Viliella ye un derivau de villa con lo diminutivo -iella, que viene acompanyau en este y atros toponimos homonimos d'un fenomeno de disimilación de lo fonema -ll-:

Villiella > Viliella.

La forma con Viliella pareixe haber predominau sobre la forma Villiella orichinal por estar mas facil pronunciar (eufonía), y ye la base sobre la que se produció la castellanización toponimica, orichinando la forma moderna actual Velilla.

A vegadas en los textos medievals s'escribe latinizau sin diftongo, como en un texto de 1177 cuan lo rei Alifonso II d'Aragón donó un prau en Burbaguena y se fa mención d'un mayordombre Petro de Sancto Vincencio in Villella.

La forma romance Viliella sale ya en textos escritos en latín, como en lla Bula de Lucio III:

Ecclesiam de Morata cum pertenenciis suis, Ecclesiam de Viliella cum pertenenciis suis, Ecclesiam de Malonda con pertenenciis suis.

Podemos leyer bella mención a Viliella u Villiella en la Colección diplomática de Santa María la mayor de Calatayud:

Paschual de Espanna, vezino de Viliella, et a los vuestros, dos vinas de la dita eglesia

porque de dereyto et de feyto pudies terminar mellor la verdat, en aquel logar fizo leyr al concello de Villiella el mandamiento que el avia del sennor rey ante los bonos homnes

En lo fogache de 1405 ordenau en las Corz de Maella de 1404 s'escribe Domingo Gallego, jurado de Viliella.

Tres antroponimos de lo lugar vecín de Fuents de Xiloca en lo fogache de 1495 amuestran lo diftongo en -iella: Miguel de Viliella, Anthon de Viliella y Anthon de Villiella.

Bi ha toponimos cognatos de Viliella en Castiella. Se presentan baixo la forma Velilla (con la excepción d'un Villela en Burgos). Respecto a los toponimos Velilla que se troban en Castiella, que presentan -l- en cuenta de -ll- como podríanos esperar, lo filologo José Luis Gutiérrez Cebrecos opina que la forma teorica con -ll- (Villilla) documentada en 1153, que deriva de lo latín VILLELLA, ye poco eufonica y se simplifica cambiando fonemas, fendo disimilación ta Velilla.

En microtoponimia se puede trobar toponimos como La Caseta, Cerezuelo / Cerezuel, Correntias, Costeras, loma d'el Morrón, Manzanera, Menucel, Momblán (mont Blanc), morrón de Villalba, Parada mala, Prau Codujal, El Rato, El Recuenco, La Secana, La Torreta, Val Mayor, Val Nuevo, Val de Rebuén / Val de Regüén, Veran, Virgen de los Tornos,

Historia

Viliella de Xiloca feba part de la Comunidat d'Aldeyas de Comunidat de Calatayú. Por estar en la val de Xiloca, yera en Sexma d'el río Xiloca.

Demografía

Evolución demografica

1362 f	1495 f	1842	1857	1860	1877	1887	1897	1900
-	-	150	400	379	444	449	448	500

1910	1920	1930	1940	1950	1960	1970	1981	1991
588	650	578	606	560	389	280	198	141

1992	1994	1996	1997	1998	1999	2000	2001	2002
-	-	130	-	122	121	116	114	116

2003	2004	2005	2006	2007	2008	2009	2010	2011
117	114	109	104	95	108	-	-	-

2021	2022	2023	2024	2025	2026	2027	2028	-
-	71	-	-	-	-	-	-	-

1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									5
Total									5

Alcaldes

Lista d'alcaldes
Lechislatura	Nombre	Partiu politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011
2011–2015	María de los Ángeles Ruiz López	Partido de los Socialistas de Aragón
2015–2019
2019–2023
2023–2027	María Ángeles Ruiz López ^[2]	PSOE

Fiestas

Referencias

Vinclos externos

www.ElPregoneroDeVelilla.org.

Veyer tamién

Lista de municipios de Zaragoza.

Municipios d'a Comunidat de Calatayú

[1] (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.530

[2] (es) Consulta el listado de alcaldes que han sido proclamados en Aragón en Heraldo de Aragón

[1]

[2]