Bichuesca

De Biquipedia
Ir a la navegación Ir a la búsqueda
Bichuesca
Municipio d'Aragón
Castiello y ilesia de Bichuesca
Castiello y ilesia de Bichuesca.
Entidat
 • País
 • Provincia
 • Comarca
Municipio
Flag of Aragon.svg Aragón
Flag of Zaragoza province (with coat of arms).svg Zaragoza
Comunidat de Calatayú
Superficie 57,10 km²
Población
 • Total

99 hab. (2016)
Altaria 920 m.
Distancia
 • 139 km

enta Zaragoza
Codigo postal 50316
Ríos Manubles
Coordenatas 41°32’24’’N 1°55’12’’U
Bichuesca en Aragón
Bichuesca
Bichuesca
Situación de Bichuesca en Aragón

Bichuesca (Bijuesca en castellán) ye un municipio d'a provincia de Zaragoza situato en a comarca d'a Comunidat de Calatayú.

A suya superficie ye de 57,10 km² y a suya población de 114 habitants (2009, en l'anyo 1920 bi heba 896 habitants). A suya densidat de población ye de 2,00 hab/km².

Cheografía[editar | editar código]

A localidat de Bichuesca se troba situata a una distancia de 50 km d'a ciudat de Calatayú, a capital d'a suya comarca, 56 de Soria y 139 de Zaragoza, a capital d'Aragón.

Trescruzato por o río Manubles, afluent d'o Xalón, se troba a una altaria de 920 metros dencima d'o libel d'a mar.

Mugas[editar | editar código]

O suyo termin municipal muga con Verdello, con un cantón d'o termin de Torre la Palla, con Malanquiella, con Clarés de Ribota, con Turrillo en territorio aragonés y con Deza, con La Alameda y con Carabantes en territorio d'a provincia de Soria.

Toponimia[editar | editar código]

Seguntes Joaquín Caridad Arias ye un toponimo d'orichen celta que sería relacionato con bells toponimos gallegos actuals (Vixoi, Vixou, Vixán, Vixoteira), bells toponimos celtas antigos (Vigiacum, Vigobri y talment Bigorra), y bells antroponimos antigos (Vigius, Vigio y una trobata en as inscripcions de Luixón, Biho-tus). A terminación -uesca vendría d'a terminación -essica.

Esta localidat ye citata en a Bula de Lucio III de 1183, en a que aprobaba a patrimonialidat d'as ilesias d'a Comunidat de Calatayú dimpués que Alifonso I d'Aragón lis dase lo fuero:

Ec. de Verdello c.p.s. , Ec. de Villosca cum pertinentiis suis, Ec. de Turrillo c.p.s., ..

Si s'escribiba con -ll- se puet explicar como una hipercorrección feita por o escriba, en base a que en bellas variedatz d'aragonés como o tensino a -LL- latina evolucionó ta -ch-, feito que ye en retacule. Manimenos en a Edat Meya bi ha chent con apellito de Villuesca en os textos provinients de Calatayú.

En "Rationes decimarum Hispaniae (1279-80): Aragón y Navarra" s'escribe Viivesca.

En atros textos medievals como as Cronicas d'os Chudeces de Teruel la claman Vijuesca. En o Fogache de 1495 s'escribe Vixuesca, castellanizato ya con x como atros lugars de l'este de Zaragoza y Teruel (Castexón, Val de Conexos, Foz de la Viexa, ecetra..., que en aragonés cheneral estioron con -ll- y en aragonés d'as comunidatz aragonesas estioron con -ch-). En 1610 l'astronomo João Batista Labanha escribe Biguesca. En o sieglo XVII a x castellana esdeviene a j velar actual.

Demografía[editar | editar código]

Evolución demografica
1910 1920 1930 1940 1950 1960 1970 1981 1991
- 128 - - - - - - 138

1992 1994 1996 1997 1998 1999 2000 2001 2002
- - 148 - - - - 133 -

2003 2004 2005 2006 2007 2008 2009 2010 2011
- 109 - - - - 114 - -

2012 2013 2014 2015 2016 2017 2018 2019 -
- - - - - - - - -

 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | editar código]

Reparto de concellers[editar | editar código]

Eleccions municipals
Partito 1979 1983 1987 1991 1995 1999 2003 2007 2011
Partido de los Socialistas de Aragón 5
Total 5

Alcaldes[editar | editar código]

Lista d'alcaldes
Lechislatura Nombre Partito politico
19791983
19831987
19871991
19911995
19951999
19992003
20032007
20072011
20112015 Ángel Millán Marín Rubio Partido de los Socialistas de Aragón

Molimentos y puestos intresants[editar | editar código]

O suyo castiello estió una fortaleza mui important estratechicament por a suya situación mugant con Castiella. En 1357 Pero IV lo Cerimonioso mandó fortificar o castiello y a ilesia anque o rei de Castiella Pero I lo Cruel lo conquistó en a invasión de 1358. Dimpués se tornó a conquistar por parti d'Aragón y se perdió atra vegada en a enrestida de 1362. Dezaga d'a remontadura zaguera Pero IV lo mandó escatumbar, encara que nomás se fació en parti.

Tamién son intresants o "Pozo de los Chorros", cascant d'augua con una gorga en o río Manubles poco antis de dentrar en Bichuesca, a Fuent de "los canyos" y o puent román.

Fiestas[editar | editar código]

As fiestas patronals se celebran o día 15 d'agosto, festividat d'a Virchen d'o Castiello, y o 16 d'agosto día de Sant Roque.


 
Municipios d'a Comunidat de Calatayú
Abanto | Alconchel de Fariza | Alfama d'Aragón | Alfarba | Aninyón | Arandiga | Ateca | Belmont de Gracián | Bichuesca | Bordalba | Bubierca | Cabrafuent | Calatayú | Calmarza | Campiello d'Aragón | Carenas | Castellón d'Alfarba | Castellón de las Armas | Cervera de la Canyada | Cetina | Cimballa | Clarés de Ribota | Codos | Contamina | Charaba | Embit de Fariza | Fariza | El Fraixno | Fuents de Xiloca | Godollo | Ibdes | Malanquiella | Maluenda | Mara | Miedes d'Aragón | Mont-reyal de Fariza | Monterd | Montón | Morata de Xiloca | Morés | Moros | Munebrega | Nuella | Nuévalos | Olvés | Orera | Paracuellos de Xiloca | Paracuellos de la Ribera | Pozuel de Fariza | Ruesca | Sabinyán | Sediles | Sisamón | Terrer | Tobet | Torralba de Ribota | Torre Fermosa | Torre la Palla | Turrillo | Val Torres | Verdello | Viliella de Xiloca | Villafelich | Villalba | Villa Luenga | Villarroya de la Sierra | La Viluenya