Aguilaniu

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Aguilaniu
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Ribagorza Graus
Partiu chudicial	Balbastro
Población  • Total	20 hab.
Altaria  • Meyana	646 m.
Distancia  • 81 km	enta Uesca
Codigo postal	22430
Parroquial  • Diocesi  • Arcipestrau	Balbastro-Monzón Sobrarbe-Ribagorza
Coordenadas	42° 5’46’’N 0°20’23’’E
Aguilaniu Aguilaniu en Aragón

Aguilaniu ye un lugar de Ribagorza situau a 9 km de Graus, pertenexient a este municipio. Teneba 20 habitants en 2018.

Cheografía

Aguilaniu ye en la versant norte de la sierra de la Carrodilla, que fa de man de la val de Sarrón.

Toponimia

Lo toponimo Aguilaniu u Guinaliu presenta diferents variants Aguinaliu, Aliganiu, Ginaliu y Gilaniu. La primera mención en 987 ye Castro Aquilanido. En 1078 se nombraba a un Ondiscalo de Aquila Nido cuan lo rei Sancho I d'Aragón cedió Castallenas a Gombal Remón pa que lo poblase y i construise un castiello; lo texto ye en latín medieval con elementos romances y toponimos que encara son reconocibles:

et per illa korte que fuit de Ondiscalo de Aquila Nido et descendit per illa ualle que es denante illa torre de Asna Morte et descendit per illa ualle de Auellanosa usque ad illa eroçita de illa uia de Banabar que est ad radice de illa kapeza de Galling.

En la parla baixo-ribagorzana actual la forma Guinaliu ye normal y ye un caso d'aferesi de silaba inicial. En las poesías de Cleto Torrodellas tamién se troba como Guinaliu:

No solo digo a Estadilla,

tamé los de Calasanz,

los de Fonz, Guinaliu y Alins,

son amigos de chugá.

Cerca de lo lugar bi ha un microtoponimo relacionau: La Penya l'Anyedo.

Molimentos

• Ilesia romanica tardana.
• Casas pendidas en lo cinglo.
• Salinas romanas.