Pruiquimat

Este articlo tracta sobre lo lugar de Pruiquimat u Pueyo d'Esera. P'atros emplegos de los toponimos Pueyo y Pui se veigan Pueyo (desambigación) y Pui (desambigación).

Pruiquimat
Despoblato d'Aragón
Ermita de Santa Clara
Entidat  • País  • Provincia  • Comarca  • Municipio	Despoblato Aragón  Uesca Ribagorza Graus
Población  • Total	0 hab.
Altaria	666 m.
Codigo postal	22430
Coordenatas	42°13’16’’N 0°20’18’’E
Pruiquimat Situación de Pruiquimat en Aragón

Pruiquimat, (pronunciau /prui-ki-'ma/, en aragonés orichinal Pueyo d'Esera, en idioma castellán Puycremat) ye un lugar de Ribagorza situau a 9 km de Graus, perteneixient a este municipio. Huei ye despoblau.

Toponimia

Lo toponimo Pruiquimat se pronuncia /Pruiquimá/ en baixo-ribagorzano. Antigament se dició Pueyo d'Esera (1208); pero cambió ta Puy d'Esera y Puy Cremat, seguntes se vei en una mención de 1428: Grostan es sus aldeas, y es a saber Puy d'Esera alias, Puycremat. La forma Puycremat s'escribió tamién con grafía catalana, Puig Cremat (1339, 1359), chunto u deseparau. La forma Puycremat cambió ta las formas actuals con metatesi, confusión de e por i y perda de -t final:

• Puy Cremat > Pruy quemat > Pruiquimá.

En la zona atra variant de lo nombre ye Pruquemá, que sintió Jean-Joseph Saroïhandy en 1896 a un grausino. La perda de la -t final en participios lexicalizaus se vei en baixo-ribagorzano (forá en estadillano d'antismás en cuenta de forat). La -t final etimolochica s'escribe, igual que se fa en atras palabras, encara que no se pronuncie.

Molimentos

• Ilesia romanica.