Man (orografía)

De Biquipedia
Ir ta: navego, busca
Iste articlo trata sobre a man como acceso cheografico d'as montanyas. Ta atros usos d'a parola se veiga man (desambigación).
La Man Pazina, a man d'a Sierra d'as Zucas t'a Val de Pineta. Ye un eixemplo de toponimo a on man se-bi fa patent.

Una man ye o conchunto de faldadas u versants d'una sierra u sarrato que, per a suya disposición formando bella suerte de rengla, trancan uno d'es cantos d'una val. Aintro d'un sentito més amplo, a parola man puet usar-se como un sinonimo de versant ta qualsiquier mont u montanya, encara que ista no sía parti de brenca formación.

Polisemia d'a parola man[editar | editar código]

Modernament, a parola man ha plegato altros significatos més difusos, estando emplegata d'habitual ta muitas atras cosas fuera d'a descripción cheografica. Asinas, en aragonés se diz man también d'os cantos ocultos d'os puestos (A man de zaga d'a casa), d'os conchuntos de fincas que perteneixen t'a mesma persona u familia (Allá en a man de (Casa) Chorche) u que están agrupatas en o mesmo puesto (a man d'o Cosinyor). No ye difícil d'imachinar que totz ixes significatos vienen directament d'o sentito cheografico d'a parola.

Atros significatos que no son tan amanatos a ixe sentito son talment més metaforicos; Una man de güellas (muitas güellas chuntas, ye como decir "un montón de"), también emplegada ta elementos incontables: Una man de grano.