Cleto Torrodellas Español

De Biquipedia
Ir a la navegación Ir a la búsqueda
Iste articlo trata sobre o poeta estadillano Cleto Torrodellas Español. Se veiga Pablo Recio ta l'articlo sobre o suyo sobrín, Cleto Torrodellas Mur.
Cleto Torrodellas
Retrato de Cleto Torrodellas
Retrato de Cleto Torrodellas
Información personal
Calendata de naixencia 26 d'abril de 1868
Puesto de naixencia Estadilla
Calendata de muerte 7 de mayo de 1939
Puesto de muerte Estadilla
Ocupación ferrero, escritor (poeta)

Cleto Torrodellas Español (Estadilla, 26 d'abril de 1868[1] - 7 de mayo de 1939) estió un escritor y poeta aragonés. Ye considerau o poeta costumbrista en aragonés mas popular de totz os tiempos[1].

Ferrero de profesión, yera conoixiu en a redolada como lo ferrero d'Estadilla. Con 46 anyos, habió de deixar de treballar de ferrero por problemas de salut. Isto le premitió de tener mas tiempo ta atros quefers, entre ells, o d'escribir.[2].[1]

A suya obra poetica, escrita en aragonés baixorribagorzano, ye costumbrista y tiene trazas populars. L'autor se consideraba un poeta silvestre u poeta del terrunyo.[3] Morió en Estadilla, o 7 de mayo de 1939 dimpués de 7 anyos de malotía. Deixó escritos más de vinticinco romances.[2] En 1979, Francho Nagore editó as poesías de Cleto Torrodellas, en a obra Cleto Torrodellas. Versos y romances en Ribagorzano. En 2011, Xavier Tomás y Chusé Raúl Usón editan toda a suya obra conoixida en aragonés incluindo bellas troballas d'os zaguers anyos, que yera ineditas, en a obra Cleto Torrodellas (1868-1939). Obra en aragonés ribagorçano.

En a suya honor, o Concello d'Estadilla y l'asociación cultural L'Aurora convocan de conchunta, con carácter bianyal, o Premio literario Cleto Torrodellas ta treballos en aragonés ribagorzano.

Bibliografía[editar | editar código]

Referencias[editar | editar código]

  1. 1,0 1,1 1,2 Xavier Tomás Arias y Chusé Raúl Usón (Eds.).: Cleto Torrodellas (1868-1939). Obra en aragonés ribagorçano. Biblioteca Pirineus. Xordica Editorial. ISBN 978-84-96457-58-4, 2011.
  2. 2,0 2,1 Biografía de Cleto Torrodellas en o sitio web de l'Asoziazión d'Empresarios d'o Semontano de Balbastro. [1]
  3. A bida, a obra y a fabla de cleto de Torrodellas por Francho Nagore Laín. [2].