Val de Sarasaz

De Biquipedia
Ir ta: navego, busca
Val de Sarasaz
Zaraitzu ibarra
Otsagi, Euskal Herria.jpg
Río Anduña en Ochogabia
Administración
Estato
Comarca Comarca de Roncal y Sarasaz
'
'
Cabecera {{{cabecera}}}
Capital
Localidatz Chaurrieta, Esparza, Ezcároz, Gallués, Güesa, Izalzu, Ochogabia, Oronz y Sarriés
Chentilicio saracenco/salacenco
Cheolochía
Acceso
Ríos Río Sarasaz
Largaria
Orientación Norte-Sud
Cheolochía
Tipo
Macizo Pireneus
Mapa
Pyrenees topographic map-ca.svg
City locator 10.svg

A val de Sarasaz (Zaraitzu ibarra en vasco, en castellán valle de Salazar) ye una val pirenenca situata en a parte noreste de Navarra, en l'antiga merindat de Sangüesa.

A lo norte muga con Sola, en o departamento d'os Pireneus Atlanticos (Francia), a l'este con a val de Roncal, a lo sud con l'almiradío de Navascués y a val alta d'Urraúl y a l'ueste con a val d'Ezcua. A entidat historica-administrativa coincide con una val natural.

En a suya part norte s'alza a sierra d'Abodi (1.520 m), bellas altarias importants d'a val son a tuca Orhi (2.018 m), Bileta (1.408 m), Montenia (1.237 m), Lizarraga (1.204 m), Askomurrua (1.026 m), Remendia (1.381 m) y Aburua (1.030 m).

Ochagavía ye o lugar más poblato d'a val, a suya zona principal ye a d'o río Sarasaz por o suyo paso por cinglos y lugars politos.

En a val huei se charra castellán y euskara batua, pero encara bi ha chent viella que charra o dialecto vasco local.

Toponimia[editar | editar código]

Escudo d'a val de Sarasaz.

La primera mención d'o nombre apareixe en los documentos de lo monesterio d'Irach, on ye Sarasaz (1111); asinas ye en muitos textos medievals escritos en latín u en romance navarro, trobando-sen as variants como Sarasaitz, Sarasazu, Srassasso.

Por eixemplo, en lo prologo de lo Fuero Cheneral de Navarra se troba asinas:

Entonz se perdió Espayna ata los puertos, sinon Galicia, las Asturias, et daquí Alava et Vizquaya, et de la otra part Baztán et la Berrueza et Deyerri et en Anssó, et sobre Iaca et encara en Roncal et Sarasaz et en Sobrare et en Aynssa

La forma oficial en castellán s'imposó en lo sieglo XVII por etimolochía culta y influencia de l'apellito Salazar.

Luenga[editar | editar código]

En lo sieglo XX ha ido desapareixendo lo uso de lo vasco, encara que a fins d'este sieglo bi ha habito intentos de recuperación, con cursos. Los parlants patrimonials de lo dialecto vasco local son cada vegata més viellos.

En lo proceso de castellanización d'esta val ha influito la transuancia en las Bardenas Reyals, que suposaba contacto con riberos y aragoneses y conoxencia de l'aragonés y castellán, romances que en vasco se dicen erdara. En la parla castellana actual de la val de Sarasaz bi ha aragonesismos que pueden remontar-sen tanto a tiempos antigos quan no se charraba que vasco pero que con la transuancia heban de comunicar-sen con aragonesoparlants, como a los zaguers sieglos quan lo uso de lo vasco minguó y podioron entrar aragonesismos a traviés de lo castellán rechional d'Aragón y Navarra.

Aragonesismos quaternatos en la val de Sarasaz son vacivo, vacieta, badina, ecetra...

Municipios[editar | editar código]

Municipios d'a val de Sarasaz.

S'endica entre parentesis os nombres en basco: