Val de Roncal

Val de Roncal Erronkariko ibarra
Val de Roncal amán d'Urzainqui
Administración
Estato
País	Navarra
Comarca	Roncal-Sarasaz
'
'
Cabecera	{{{cabecera}}}
Capital
Localidatz	Burgui, Garde, Isaba, Roncal, Urzainqui, Uztárroz y Vidángoz
Chentilicio	{{{chentilicio}}}
Cheolochía
Acceso
Ríos	Río Esca
Largaria
Orientación	Norte-Sud
Cheolochía
Tipo
Macizo	Pireneus
Mapa

A Val de Roncal (Erronkariko ibarra en vasco y Erronkariko ibaxa en vasco roncalés) ye una comarca natural d'a Comunidat Foral de Navarra y a mas oriental d'as vals pirenencas d'a merindat de Sangüesa. Tien dirección Norte-Sud como quasi totas as vals d'o pireneu meridional, y la trescruza o río Esca. Bi ha siet villas: Burgui, Garde, Isaba, Roncal, Urzainqui, Uztárroz y Vidángoz.

Muga a o norte con Francia (departamento de Pireneus Atlanticos), a l'este con a val d'Ansó (Uesca), a o sud con Salvatierra d'Esca (Zaragoza) y a l'ueste con a val de Sarasaz (Navarra).

Se i troba a tuca mas alta de Navarra: a Meseta d'os Tres Reis (2.424 m), on o C.D. Navarra ha posato una estatua de Sant Francisco Xabier.

O clima ye entre subalpín en as partes mas altas y submediterranio en as baixas.

Cultura

Isaba.

• Museu etnografico d'Isaba en una ermita.
• Centro d'Interpretación d'a Naturaleza de Roncal.
• Un dolmen en Belagua, amán d'una ermita.
• Casa Museu de Julián Gayarre.
• Mausoleu de Julián Gayarre (obra de Mariano Benlliure).
• Arquitectura popular.

Gastronomía

• O queso de Roncal, primer queso espanyol con denominación d'orichen.

Parla

Ta más detalles, veyer l'articlo Dialecto roncalésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Localización d'a Val de Roncal en Navarra.

Dica o sieglo XIX se i charraba vasco roncalés (Uskara), que teneba mas relación con dialectos d'o País Vasco francés que con dialectos de Navarra u Guipuzcoa. Os hombres deixoron de charrar roncalés en o sieglo XX porque s'avegaban a charrar en castellán quan yeran en as Bardenas Reyals u Cinco Villas con o ganato trasumant y dimpués continaban emplegando-lo en lurs casas. Nomás que una familia (que ya no vive en a val) y presonas aislatas y muito viellas charran o roncalés. Os atros que charran vasco en a val de Roncal charran o euskera batua y no son fablants nativos.

En o castellán d'a val de Roncal bi ha aragonesismos.

Ocio

As atraccions toristicas mas importants d'a val son:

• Macizo de Larra-Belagua y a val de Belagua.
• Pistas de esquí de fundo.
• Senders senyalizatos y lo paisache pirenenco.