Salvatierra d'Esca

Salvatierra d'Esca
Municipio d'Aragón
Anvista de Salvatierra d'Esca.
Entidat  • País  • Provincia  • Comarca	Municipio Aragón  Zaragoza Chacetania
Superficie	81,2 km²
Población  • Total	273 hab. (2005)
Altaria	582 m.
Distancia  • 180 km	enta Zaragoza
Codigo postal	50684
Ríos	Esca
Coordenatas	42°40’ 4’’N 1° 0’25’’U
Salvatierra d'Esca Situación de Salvatierra d'Esca en Aragón

Salvatierra d'Esca (Salvatierra de Esca en castellán) ye un municipio d'a provincia de Zaragoza, situato en a comarca d'a Chacetania. Perteneixe a lo partito chudicial d'Exeya d'os Caballers y a la diocesi de Chaca. A suya población ye de 273 habitants (2005), en una superficie de 81,2 km² y una densidat de 3,36 hab/km².

Aragonés

Huei se i charra castellán con muitos aragonesismos. Bi ha qui crei que se i charró vasco dica o sieglo XIX porque n'ixe sieglo os habitadors d'o lugar no quereban a un mosén por no charrar vasco, y doncas, no poder confesar-los.

Cheografía

Salvatierra d'Esca ye en a val de Roncal, a piet d'a sierra de Leire, d'a sierra d'Orba y d'a sierra d'Illón, y ye trescruzata por o río Esca, afluent d'o río Aragón en o entibo de Yesa.

O suyo termin municipal muga a o norte con Burgui, municipio navarro en a val de Roncal; a l'este con Fago y a Canal de Berdún; a o sud con Sigüés y a l'ueste con Bigüezal en o termin municipal de Romanzado, tamién en Navarra.

D'o suyo termin municipal fa parte o lugar de Lorbés, a l'este d'o municipio, en a muga con a Canal de Berdún.

Historia

Dica l'anyo 1208, o suyo nombre estió Obelba, con as variants Ovelva, Ouelva, Ovelba, Ubelba y Okelba. A primera cita d'a localidat estió, seguntes Agustín Ubieto, en l'anyo 890-900, recullita en o Cartulario de San Chuan d'a Peña, editato en Valencia en 1962 por Antonio Ubieto Arteta.

O 13 de marzo de 1301 o rei Chaime II d'Aragón ordenó que os habitadors de Ull y Filera se transladasen a A Reyal, un termin de Salvatierra on bi heba un puyalón on se construyó dimpués una población. En l'anyo 1430 Alifonso V d'Aragón vendió a villa d'A Reyal a los churatos de Sos d'o Rei Catolico. L'1 de setiembre de 1464 Chuan II d'Aragón donó A Reyal a Ferrando d'Alvarado.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón	3	4	3	1	2	1	1	1	4
Izquierda Unida	-	-	-	-	-	-	-	-	1
Partido Aragonés	-	3	4	6	5	3	5	5	-
Chunta Aragonesista	-	-	-	-	-	-	1	1	-
Independientes	-	-	-	-	-	3	-	-	-
Unión de Centro Democrático	4	-	-	-	-	-	-	-	-
Total	7	7	7	7	7	7	7	7	5

Fiestas

• 20 de chinero
• 19 de marzo
• 15 d'agosto
• 6, 7, 8, 9 y 10 de setiembre

Veyer tamién

• Lista de municipios de Zaragoza

Referencias

Lugars d'o municipio de Salvatierra d'Esca
Focheto | Lorbés | Salvatierra d'Esca