Lacuna de Gallocanta
| Gallocanta | |
|---|---|
 |
|
|
|
|
| País |  Aragón |
| Estato | {{{estato}}} |
| Provincia | {{{probinzia}}} |
| Comarca | Campo de Daroca |
| Municipio | {{{municipio}}} |
|
|
|
| Tipo | lacuna |
| Orichen | {{{orichen}}} |
| Superficie | km² |
| Altaria | 1.000 m |
| Longaria | 7,7 km |
| Amplaria | 2,8 km |
| Fondura | 1,5 m |
| Volumen | hm³ |
| Fuent | |
| Desagüe | |
| {{{mapa}}} | |
A cuenca d'a Lacuna de Gallocanta u Laguna de Gallocanta ye en metat d'o Sistema Iberico. Ye amugada en o norte por as sierras de Santa Cruz y Valdellosa, y ta par d'o sud por os monts d'Odón y Torralba d'os Sisons. Ye a bells 1.000 metros d'altaria, tien 7'7 km de longaria y 2'8 km de amplaria, y cuenta con una fondaria en os puestos más fundos de 1'5 m. A Lacuna de Gallocanta no siempre tien augua en a suya cuenca, ya que i hai periodos de plevias y de sequera.
Os lugars que fan rolde a la lacuna son: Gallocanta, Berrueco, Tornos, Bello, Las Cuerlas. Una mica más leixos trobamos: Santet, Fuset, Torralba de los Sisons, Odón y Castellón de Tornos.
Contenius |
Cheolochía [editar]
Ocupa o fondón d'una fosa tectonica en una zona on materials mesozoicos descansan sobre materials d'a era paleozoica. Os materials paleozoicos, viellos y con grau de metamorfismo, tienen poqueta porosidat (encara que sigan en o suyo orichen piedras d'arena) y fan de libel impermiable. Estos materials afloran enta l'este d'a lacuna fendo elevacions d'o terreno, desfendo-se en bloques de latos rectos, con un modelato de tipo berrocal que da nombre a dos lugars Berrocal y o Berrueco. Os materials mesozoicos afloran millor enta l'ueste. O centro d'a cuenca sedimentaria ye pleno, como ye normal, de materials quaternarios resultato d'a erosión recient d'o debandito.
Flora [editar]
A lacuna, por estar quasi un ambient estepario, y por a man de l'ombre, ye plena de campos de cerials, tornasols, bells panizals, hortals y campos d'alfalz. En os monts encara se i puede veyer pins, carrascas u chaparras, caixicos y chinebros. An que i hai augua se troban os chopos y azarolleras. Os árbols que fan fruita más comuns son as almendreras, encara que se pueden trobar bellas manzaneras. Antes más se cautivaba a vinya y o zafrán.
I ha gran cantidat de plantas halofilas que soportan muita salinidat y, por ello, perfectas t'a lacuna. O sistema cuenta con bells endemismos y especies en protección como a Puccinella pungenns y o Luthrum flexousom, y bellas Orchis palustris.
Fauna [editar]
Encara que a lacuna, debito a la suya salinidat, no puede albergar peixes, sí que i ha un important numero d'aves, reptils y anfibios por os arroyos y as basas, y mamifers por as sierras y monts. Cuenta con mas de 220 especies diferents d'aves, entre as mas importants os vueitres, alicas, grudas, porputz u "baubas" y fochas.
Entre os mamifers podemos trobar-ie: corzos, paniquesas, rabosas, gatos montesins, bell ciervo, chabalins, fuinas, conillos, taixugos, etc. Son comuns en as basas y arroyos d'a redolada as ranas, zapos, fardachos u "ardachos" (que se minchaban fa poco tiempo), sargantanas u "sangartesas" y bellas especies de serpients como as gripias.
