Idioma anglico escocés

Iste articlo ye sobre o idioma escocés chermanico. Ta atros emplegos se veiga idioma escocés.

Anglico escocés Scots
Atras denominacions:	{{{atras denominazions}}}
Parlato en:	Escocia, Irlanda d'o Norte
Rechión:	{{{rechión}}}
Parladors:	1,5 millons
Posición:	{{{rank}}} (Ethnologue 1996)
Filiación chenetica:	Indo-europeya  Chermanica   Occidental    Anglico escocés
Estatus oficial
Oficial en:	Garra país
Luenga propia de:	{{{propia}}}
Reconoixito en:	Escocia
Regulato por:	Sin regular
Codigos
ISO 639-1
ISO 639-2	sco
ISO 639-3	{{{iso3}}}
SIL	sco
Distribución de l'anglico escocés.

L'anglico escocés u scots ye una luenga chermanica que se charra en as Tierras Baixas d'Escocia, antimás d'en partes d'Irlanda d'o Norte. As luengas que en son mas amanatas son l'anglés y o frisón: antiparte, a suya mesma existencia como luenga ye controvertita, en estar considerata por muitos como un simple dialecto de l'anglés.

Dialectos

Se considera que l'anglico escocés tien cinco dialectos:

• Escocés d'o norte, que se charra en o territorio escocés a o norte de Dundee.
• Escocés central, charrato dende Fife y Perthshire dica Lothians y Wigtownshire.
• Escocés d'o sud, fablato en a redolada d'a muga entre Escocia y Anglaterra.
• Escocés insular, propio d'as islas Shetland y d'as islas Orkney.
• Escocés de l'Ulster, que charran en l'Ulster y atros puestos amanatos d'Irlanda os descendients d'os colons escoceses que se i troban.

Historia

Expansión historica de l'anglico escocés. En color roya extensión d'a luenga anglo-saxona u anglés antigo a principio d'o sieglo IX en a partida norte d'o Reino de Northumbria; en color narancha (sumando-se a la roya) extensión de l'anglico escocés primerenco a principios d'o sieglo XV; en color amariella (sumando-se a las anteriors) extensión actual de l'anglico escocés.

En a Edat Meya l'anglico escocés s'estendilló en qualques zonas d'Escocia a costa d'o gaelico escocés. Os reis concedioron feudos a nobles anglonormandos que introducioron o feudalismo, y fundoron burgos u ciudatz fortificadas que pobloron con colons angleses y flamencos. D'esta traza en os burgos se cheneralizó l'uso d'un luengache que evolucionará ta l'actual anglico escocés, luengache que s'estendilló por o sud d'Escocia y as Lowlands. La nobleza y la cort parlaban francés u anglonormando entre os sieglos XII y XIV, pasando dimpués a charrar anglico escocés.

A reforma protestant suposó un retacule de l'anglico escocés debant de l'anglés. A versión d'a Biblia de Chinevra d'os calvinistas se tradució a l'anglés. Os calvinistas u presbiterians fundoron escuelas en Escocia pa estendillar-sen. En 1579 s'imposó que en totas as casas tenesen una biblia en luenga vulgar, ye dicir, en anglés. A unión d'Escocia con Anglaterra facioron que l'anglés estase a luenga d'o poder y en l'anyo 1611 o rei Chacobo VI d'Escocia fació imposar una sola versión d'a Biblia en Anglaterra y Escocia.

Referencias

Familia chermanica

- Diasistema norrén occidental: Islandés | Feroés | Norn | Noruego (Nynorsk) - Diasistema norrén oriental: Noruego (Bokmål) | Danés | Sueco | Gotlandés - Diasistema occidental anglico: Anglés | Escocés - Diasistema occidental frisón: Frisón occidental | Frisón septentrional | Frisón oriental - Diasistema occidental baixo franco: Afrikaans | Neerlandés - Diasistema occidental baixo alemán: Baixo alemán - Diasistema occidental alto alemán: Alemán estándar | Alamanico | Austro-baverán | Limburgués | Luxemburgués | Yídix - Diasistema oriental: Gotico