Normandos

De Biquipedia
Ir ta: navego, busca
Normandos
Normaunds
  (†)
1000-1100, Norman. - 033 - Costumes of All Nations (1882).JPG
Normandos (1000-1100)
Rechions con comunidatz importants
Flag of Basse-Normandie.svg Normandía
Flag of England.svg Anglaterra
Flag of Naples.svg Nápols
Flag of Sicily.svg Secilia
Armoiries Bohémond VI d'Antioche.svg Antioquía
Idiomas
Normando
Relichión
Catolica
Mapa
Normans possessions 12century-fr.png
Territorios gobernatos por os normandos en o sieglo XII

Os normandos estioron un pueblo de luenga romanz que amaneixió en l'actual Normandía en o sieglo X por a fusión d'os vikingos con a población autoctona galorromana y franca y fuoron asimilatos por atros pueblos en o sieglo XIII. Parlaban una luenga d'Oil relacionata con l'actual normando y yeran catolicos.

Por o Tratado de Saint-Clair-sur-Epte o duque Rollón heba de convertir-se a lo cristianismo, y tamién lo facioron os vikingos baixo o suyo mando. Os descendients d'estos vikingos prenioron tamién a luenga romanz (o galo-romanz d'a zona controlata por os normandos evolucionaba dende o latín ta o idioma normando).

Dende a suya tierra d'orichen en Normandía prenioron o control de muitas zonas d'Europa Occidental y tamién participoron en as Cruzatas. As dinastías normandas tenioron muita influencia en a historia politica, melitar y cultural d'Europa.

Etnonimo[editar | editar código]

O etnonimo normand(o) provién d'a traza de dicir "hombre d'o norte" en luengas chermanicas (nort manni, north men, norse men), referindo-se a los vikingos. Encara se fa servir como sinonimo de viquingo en bellas luengas europeas como o castellán. Sindembargo a identidat cultural d'os normandos (referindo-nos a los habitants medievals de Normandía) yera diferent tanto a la identidat d'os conqueridors viquingos como a la d'os galorromans orichinals y os suyos vicins franceses d'o sud.

Historia[editar | editar código]

En l'anyo 896 una colla de vikingos daneses s'estableixioron en a desembocadura d'o río Sena.[1] En l'anyo 911 se fació o Pacto de Saint-Clair-sur-Epte en o que o chefe danés Rollón plegó a un alcuerde con o franco Carlos lo Simple; d'alcuerdo con este pacto Rollón recibió en feudo as tierras d'a baixa Sena, que dende ixe inte se dicirían "Normandía" y esdevenirían o primer estato normando en Occident baixo a forma d'un ducato[2] vasallo d'o rei de Francia Occidental.

En o sieglo XI dimpués d'a Batalla de Hastings prenioron o poder d'o Reino d'Anglaterra. A nobleza normanda esdevinió una clase dirichent en Anglaterra. Dimpués tamién prenioron o poder d'Irlanda, Galas, y zonas d'Escocia. A Dinastía Plantagenet yera d'orichen normando.

Os bizantins contratoron mercenarios normandos pa reconquerir o sud d'Italia y Secilia a los longobardos y os aglabís. Manimenos una vegata vencitos os longobardos y forachitatos os ablabís os normandos prenioron o poder creyando-se o Reino de Secilia, gobernato por a Casa d'Altavilla.

Os normandos tamién participoron en as cruzatas contra os musulmans en Al-Andalus y Siria. En Siria prenioron o control d'o Prencipato d'Antioquía. Rocher de Tony quereba creyar en l'Al-Andalus un estato cristián gobernato por ell. Atros normandos participoron en o Setio de Balbastro, pero dimpués d'a victoria fuoron vencitos por os musulmans. Tamién participoron normandos en a "cruzata por Tudela".

Referencias[editar | editar código]

  1. Hermann Kinder, Werner Hilgermann, Manfred Hergt Atlas Histórico Mundial. De los orígenes a nuestros días Akal, 2007. p 139
  2. Jose-Ramón Julià: Atlas de Historia Universal. Tomo I: De los orígenes a las crisis del siglo XVIII. Editorial Planeta. pp170 pp166