Islas Sealtainn
As islas Sealtainn (nombre en gaelico escocés, islas Shetland en anglés) son una colla de islas de l'ocián Atlantico septentrional situatas entre as islas Feroe, ta o sudueste de Noruega, y Gran Bretanya. Con una latitut bell poquet por dencima d'os 60º N, representan a estrimera septentrional d'o Mar d'o Norte. Administrativament son uno d'os 32 condatos d'Escocia.
As islas tienen un total de 1469 km² de superficie, con una población de bells 22.000 habitants, d'os que bells 7.000 viven en Lerwick, a capital.
O clima ye humido y fresco (anque suavizato por a influencia d'a corrient d'o Golfo). Lerwick acumula 1.140 mm en 181 días de precipitación por anyada. As temperaturas, sin guaires variacions anyals (por a suya latitut), son de 7 °C de meya, con 12 °C en chulio y agosto, y 3 °C en chinero y febrero.
[editar] Historia y cultura
Dimpués de estar colonizatas por os nordicos y fer parti de Noruega en a Edat Meya, as islas pasoron a la corona escocesa o 20 de febrero de 1472. En a Segunda Guerra Mundial, barcas procedents d'as islas Shetland proporcionoron aduya a la Noruega ocupata, y acullioron fuyitivos.
Como luenga d'a población, l'antigo norn d'orichen escandinavo fue sustituito por o gaelico escocés.
