Infinitivo en aragonés
O infinitivo en aragonés deriva d'o infinitivo latín.
En latín bi heba quatre conchugacions con os suyos quatre infinitivos. Seguindo con una tendencia propia d'o iberrorromanz, as conchugacions 2º y 3º latina, as con con e (-ēre a 2º y -ĕre a 3º) se fusionoron pasando os verbos d'a tercera ta la segunda, a diferencia d'o que se desvinió en as atras luengas neolatinas. En as atras luengas neolatinas permaneixió a diferencia entre ixas conchugacions con e y d'esta traza en as luengas galorromances bi ha infitivos en -re, (que trobamos tamién en benasqués).
| 1ª Conchugación | 2ª Conchugación | 3ª Conchugación |
| Aduyar | Deber | Partir |
En ribagorzán y ansotán a -r final no se pronuncia, pero s'ha d'escribir d'alcuerdo con as reglas ortograficas, que compatibilizan diferents pronunciacions locals con una sola ortografía.
En chistabín, (y en o pasato en atras variedatz de l'aragonés) bi ha una -e paragochica, y os infinitivos se pareixen a lo latín cantare, partire, ecetra.
En benasqués, que ye l'aragonés de l'Alta Ribagorza occidental u Val de Benás, y ye transicional con o catalán y l'occitán trobamos infinitivos en -re: beure ("beber") y vinre ("venir").
