Blesa

Blesa
Municipio d'Aragón
Entidat  • País  • Provincia  • Comarca	Municipio Aragón  Teruel Cuencas Meneras
Superficie	80,4 km²
Población  • Total	122 hab. (2006)
Altaria	711 m.
Distancia  • 115 km	enta Teruel
Codigo postal	44790
Patrons	Sant Chaime y Santa Ana
Ríos	Aguas
Coordenatas	41° 3’ 0’’N 0°52’58’’U
Blesa Situación de Blesa en Aragón

Blesa ye un municipio de la provincia de Teruel, situato en la comarca de las Cuencas Meneras. La suya población yera de 122 habitants (2006) en una superficie de 80,4 km².

Cheografía

Chunto a lo río Aguas, ye chusto en lo cabo de la Depresión de l'Ebro y l'empecipio de lo Sistema Iberico. En lo lugar bi ha un plego anticlinal con materials churasicos y nuclio de chesos de lo Triasico Superior (Keuper) con chacintos de Compostela. Dezaga lo plego, a lo sud ye una cuenca sedimentaria terciaria.

Mugas

Lo suyo termin municipal muga con Muniesa, con Plou, con Uesa, con Mont-fort, con Plenas, con Moyuela y con Moneva.

Toponimia

Blesa ye un toponimo d'etimolochía desconoixita, pero que s'ha quiesto relacionar con lo Bleto (puesto con Bletos). Lo parexito con la planta Blesa/Belesa puede estar un caso d'homonimia. Blesa ye un apellito present en Sant Per de Calanda, y se pareix a bel antroponimo román documentato tipo Belsa, que tamién ye un apellito, n'este caso documentato en Foz Espalda y Mosqueruela.

Parla

En Blesa como en toda la redolada se charra un castellán con substrato aragonés (parla baturra). En la toponimia blesina mos trobamos uno de los pocos casos de participios en -ato, -ito alzatos en Teruel: hoyica Esgarrata, por la embotata de la familia propietaria.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Compromiso por Aragón									4
Partido Popular									1
Total									5

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	María Ángeles Cólera Herranz
2011–2015	María Ángeles Cólera Herranz	Compromiso con Aragón

Fiestas

• 17 de chinero, Sant Antón.
• 15 de mayo, Sant Isidro Labrador.
• 25 y 26 de chulio, fiestas mayors (Sant Chaime y Santa Ana).

Vinclos externos

• http://www.blesa.info/
• http://rutas.blesa.info