Plego (cheolochía)

De Biquipedia
Ir ta: navego, busca
Un plego anticlinal.

Un plego ye una estructura cheolochica que consiste en un deformación plastica en la que se puet veyer unas superficies paralelas con forma d'ondas que corresponden a anteriors superficies planas y paralelas.

Los plegos son mes evidents en rocas sedimentarias, que presentan una serie de plans d'estratificación orichinariament horizontals, paralelos y bien visibles que a més pueden deseparar materials de resistencia y comportamiento diferent, y fan que se veigan y se puedan estudiar bien. En atros tipos de rocas se fan plegos pero ya no son tan fácils d'estudiar, de fueras de determinadas rocas volcanicas u vulcano-sedimentarias.

Seguntes lo criterio que se fa servir se distingue diferents clases de plegos. D'alcuerdo con l'antigüedat de los materials de lo nuclio tenemos anticlinals si los materials mes antigos son en lo nuclio y sinclinals si en lo nuclio son los materials mes modernos.