Mespilus germanica

*Mespilus germanica*
Mespilus germanica
Denominacions populars
garimbastera / galimbastera, marimbastera, garimbastero / galimbastero, marimbastero, niespolera / niaspolera, niezpolera, nispolera, nizpolera, miespolera / miezpolera, niespolero / niaspolero, niezpolero, miespolero / miezpolero, mispolero, mizpolero
Clasificación cientifica
Dominio:	Eukaryota
Reino:	Plantae
División:	Espermatophyta
Subdivisión:	Magnoliophyta
Clase:	Magnoliopsida
Orden:	Rosales
Familia:	Rosaceae
Subfamilia:	Amygdaloideae
Tribu:	Maleae
Chenero:	Mespilus
Especie:	M. germanica
Descripción
*Mespilus germanica* L.,

A garimbastera^[1]^[2]^{[nota 1]} (nombre cientifico Mespilus germanica), que tamién se puede dicir niespolera^{[nota 2]}^[3], ye un árbol u arbusto caducifolio d'a familia d'as rosacias, clasificau en a tribu Maleae, conoixiu sobre tot por o suyo fruito comestible: a garimbasta, una niespola borde.

Anque en l'actualidat cuasi no se'n culle, as garimbastas fuen una fruita d'agüerro muit consumida en Europa, por o que a garimbastera tamién serviba como árbol fruitero domestico. Agora, cuasi todas as garimbastas proceden d'eixemplars bordes que viven en selvas mixtas y en as marguins de campos y camins.

Descripción

A garimbastera ye un árbol natural, anque no pocas vegadas os eixemplars bordes se troban con forma d'arbolet u d'arbusto en competencia con atras especies. A corona ye baixa y aplanada, con ramas retuertas dende una altaria baixa.

A fuellas son oblongas y largas, d'uns 15 cm de largo por 5 d'amplo, con a ladera aserrada u lisa. Verde intensas, son tiercas y con a nervadura muit marcada, y de regular caducas, anque en clima Mediterranio y emplazamientos asolanaus y bien recuestos contra os oraches, puede trobar-se eixemplars que se comporten como perennifolios.

A flor ye pentamera, típica en as rosacias, con una corola de petalos blancos bien vistables y numerosos estamens arredol d'un chineceu multicarpelar infero. O tiempo de florada ye de mayo y chunio.

Fruito

O fruito, que se conoix de forma propia como garimbasta,^[2]^[4] ye un pomo en sentiu botanico. Madura en agüerro. Mas chicorrón que as niespolas d'o nispolero de Chapón, tiene un aspecto a-saber-lo mas basto y menos agradable a la vista, o que puede haber feito causa de que no tienga guaire valgua comercial.^[4]

Pa minchar-la, a garimbasta cal cullir-la en noviembre cuan a l'árbol ya no le queda cuasi fuellas, y contino alzar-la en un puesto seco pa que remate de madurar. A garimbasta que se plega de cullir ye agria y tiene a pulpa blanca: a millor ye muit madura, que cuasi pareix pasada, con a pela marrón y a pulpa tova y parda (como en atras fruitas cuan se pasan). Nomás alavez se troba dulce y con un toque acido en gustar-la.

Imáchens

Notas

↑ Con as variants galimbastera, marimbastera y malimbastera. Tamién conoixida con as variants masculinas garimbastero, galimbastero, marimbastero y malimbastero.
↑ Con as variants niaspolera, niezpolera, nispolera, nizpolera, miespolera y miezpolera. Tamién conoixida con as variants masculinas niespolero, niaspolero y niezpolero, miespolero, miezpolero, mispolero y mizpolero.

Referencias

↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
1 2 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7
↑ A cultura y o consumo d'a garimbasta son autoctonos y por tanto anteriors a la introducción en Europa d'a niespolera de Chapón en a Edat Moderna, a fruita d'a cual ye a principal que conoixemos hoi como niespola. Por ixo, a primer niespola que se conoixeba en Europa, y a la cual feba referencia ixe nombre en primeras ye a garimbasta. Y a garimbastera, la primer niespolera propiament dita en un sentiu historico.
1 2 (es) ¿Es tiempo de (...) "garimbastas"?, consultau lo 24 de chunio de 2018.

Se veiga tamién

Vinclos externos

Se veigan as imáchens de Commons sobre Mespilus germanica.
Wikispecies tiene un articlo sobre Mespilus germanica.

Datos: Q146186
Multimedia: Crataegus germanica / Q146186
Especies: Crataegus germanica

[3] Con as variants galimbastera, marimbastera y malimbastera. Tamién conoixida con as variants masculinas garimbastero, galimbastero, marimbastero y malimbastero.

[4] Con as variants niaspolera, niezpolera, nispolera, nizpolera, miespolera y miezpolera. Tamién conoixida con as variants masculinas niespolero, niaspolero y niezpolero, miespolero, miezpolero, mispolero y mizpolero.

[DACC-1] (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[VIDALLER-2] 1 2 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7

[Niespola-5] A cultura y o consumo d'a garimbasta son autoctonos y por tanto anteriors a la introducción en Europa d'a niespolera de Chapón en a Edat Moderna, a fruita d'a cual ye a principal que conoixemos hoi como niespola. Por ixo, a primer niespola que se conoixeba en Europa, y a la cual feba referencia ixe nombre en primeras ye a garimbasta. Y a garimbastera, la primer niespolera propiament dita en un sentiu historico.

[Sabiñánigo-6] 1 2 (es) ¿Es tiempo de (...) "garimbastas"?, consultau lo 24 de chunio de 2018.

[1]

[2]

[nota 1]

[nota 2]

[3]

[4]