Chineceu

De Biquipedia
Ir a la navegación Ir a la búsqueda
Iste articlo tracta sobre o concepto botanico de chineceu. Pa atros usos d'a parola chineceu, se veiga Chineceu (desambigación).
Representación esquematica d'o chineceu d'una flor.

O chineceu (pronunciau /tʃine'θew/ (AFI)) ye o conchunto d'as partes reproductivas femeninas en as flors d'as plantas anchiospermas. O chineceu ye o quarto y más distal d'os verticilos d'a flor, y en chunto con l'androceu, uno d'es dos consideraus fértils.

A la practica, o chineceu ye formau basicament de o pistilo, anque muitas especies vechetals en tienen más d'uno por cada flor, por o qual un chineceu puede estar formau por uno u más d'un pistilo. O pistilo ye feito de carpelos, unas fuellas modificadas que son capables de fer ovulos vechetals por o interior, y os carpelos pueden estar soldaus entre se (formando un chineceu gamocarpelar u sincarpico) u libres (chineceu dialicarpelar u apocarpico).

Etimolochía[editar | editar código]

A parola chineceu ye un cultismo d'uso scientifico, formau a partir d'o latín <GYNAECĒUM, dende o griego <γυναικεῖον, "gynaikeîon", que ye como se deciba la parte d'a casa reservada pa las mullers en l'Antiga Grecia.[1]

Se veiga tamién[editar | editar código]

Referencias[editar | editar código]