Garimbasta

De Biquipedia
Ir a la navegación Ir a la búsqueda
Garimbasta.

A garimbasta ye o fruito caracteristico d'a garimbastera u niespolera europea (Mespilus germanica); ixo ye, un tipo concreto de niéspola, considerada borde y de menor calidat, que a diferencia d'as niéspolas de cautivo (producidas por o nispolero de Chapón) se culle en agüerro y no pas en primavera.

Ye un fruito dulce, con a pela de color marrón verdisca mesmo quan ye madura, por o que cal pretar-la con os didos antes de pillar-la pa asegurar-se que le ha gosau arribar la hora. Ye aspra por o exterior, más arronchada y chicorrona que as niéspolas comuns, y con as restas d'o caliz floral más evidents. Si se culle enantes de que sía bien madura, o gusto ye amargo y se torna muit amarga quan se le ha pasau o tiempo, por a qual cosa s'ha de minchar quan ye en o suyo punto: con a pulpa marrón, tova, y d'aspecto una mica farinoso (como pasada, pero no en ye); alavetz ye dulce.

Si se culle humeda u mullada, cosa mica rara contando que ye fruita de noviembre, y se quiere guardar bells días s'ha de secar con bell material absorvent, como por eixemplo papel de periodico; Caso contrario se putrirá a-escape. Tradicionalment yera tipico secar-las metendo-las en a palla.

Se veiga tamién[editar | editar código]

Vinclos externos[editar | editar código]