Mespilus germanica

De Biquipedia
Ir a la navegación Ir a la búsqueda
Mespilus germanica
Néflier (Mespilus Germanica).jpg
Mespilus germanica
Denominacions populars
Garimbastera, galimbastera, marimbastera, malimbastero, niespolera europea
Clasificación scientifica
Dominio:
Eukaryota
Reino:
Plantae
División:
Espermatophyta
Subdivisión:
Magnoliophyta
Clase:
Magnoliopsida
Orden:
Rosales
Familia:
Rosaceae
Subfamilia:
Amygdaloideae
Tribu:
Maleae
Chenero:
Mespilus
Especie:
M. germanica
Descripción
Mespilus germanica
L.,

A garimbastera (forma más amplament documentada en aragonés,[1] anque tamién se documenta variants suyas como galimbastera,[1] marimbastera,[1] malimbastera u malimbastero.[1] Nombre scientifico Mespilus germanica), que tamién se puede dicir niespolera[1] europea[2], ye un árbol u arbusto caducifolio d'a familia d'as Rosacias, clasificau en a tribu Maleae, conoixiu sobre tot por o suyo fruito comestible: a garimbasta, una niéspola borde.

Anque en l'actualidat quasi no se'n culle, as garimbastas fuen una fruita d'agüerro muit consumida en Europa, por o que a garimbastera tamién serviba como árbol fruital domestico. Agora, quasi todas as garimbastas proceden d'eixemplars bordes que viven en selvas mixtas y en as marguins de campos y camins.

Descripción[editar | editar código]

A garimbastera ye un árbol natural, anque no pocas vegadas os eixemplars bordes se troban con forma d'arbolet u d'arbusto en competencia con atras especies. A corona ye baixa y aplanada, con ramas retuertas dende una altaria baixa.

A fuellas son oblongas y largas, d'uns 15 cm de largo por 5 d'amplo, con a ladera aserrada u lisa. Verde intensas, son tiercas y con a nervadura muit marcada, y de regular caducas, anque en clima Mediterranio y emplazamientos asolanaus y bien recuestos contra os oraches, puede trobar-se eixemplars que se comporten como perennifolios.

A flor ye pentamera, típica en as rosacias, con una corola de petalos blancos bien vistables y numerosos estambres arredol d'un chineceu multicarpelar infero. O tiempo de florada ye de mayo y chunio.

Fruito[editar | editar código]

O fruito, que se conoix de forma propia como garimbasta,[1][3] ye un pomo en sentiu botanico. Madura en agüerro. Más chicorrón que as niéspolas d'o nispolero de Chapón, tiene un aspecto a-saber-lo más basto y menos agradable a la vista, o que puede haber feito causa de que no tienga guaire valgua comercial.[3]

Pa minchar-la, a garimbasta cal cullir-la en noviembre quan a l'árbol ya no le queda quasi fuellas, y contino alzar-la en un puesto seco pa que remate de madurar. A garimbasta que se plega de cullir ye agria y tiene a pulpa blanca: a millor ye muit madura, que quasi pareix pasada, con a pela marrón y a pulpa tova y parda (como en atras fruitas quan se pasan). Nomás alavetz se troba dulce y con un toque acido en gustar-la.

Imáchens[editar | editar código]

Referencias[editar | editar código]

  1. 1,0 1,1 1,2 1,3 1,4 1,5 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7
  2. A cultura y o consumo d'a garimbasta son autoctonos y por tanto anteriors a la introducción en Europa d'a niespolera de Chapón en a Edat Moderna, a fruita d'a qual ye a principal que conoixemos hoi como niéspola. Por ixo, a primer niéspola que se conoixeba en Europa, y a la qual feba referencia ixe nombre en primeras ye a garimbasta. Y a garimbastera, la primer niespolera propiament dita en un sentiu historico.
  3. 3,0 3,1 (es) ¿Es tiempo de (...) "garimbastas"?, consultau lo 24 de chunio de 2018.

Se veiga tamién[editar | editar código]

Vinclos externos[editar | editar código]