Epila

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Epila Épila
Municipio d'Aragón
Anvista d'Epila.
Entidat  • País  • Provincia  • Comarca	Municipio  Aragón  Zaragoza Val de Xalón
Partiu chudicial	L'Almunia de Donya Godina
Superficie	194,3 km²
Población  • Total	4704 hab. (2025)
Altaria  • Meyana	336 m.
Distancia  • 42 km	enta Zaragoza
Alcalde	Martín Llanas Gaspar
Codigo postal	50290
Chentilicio	Epilano
Parroquial  • Archidiocesi  • Arcipestrau  • Parroquia	Zaragoza L'Almunia de D. Godina Santa María la Mayor
Coordenadas
Epila Epila en Aragón

Epila (Épila en castellano) ye una villa y municipio aragonés d'a provincia de Zaragoza, situato en a comarca de Val de Xalón. A suya población ye de 4.372 habitants (2020), en una superficie de 194,3 km² y una densidat de población de 22,50 hab/km².

Cheografía

Ye situau en o Plano de Placiencia, prolongación d'a ribera d'Ebro por a cuenca d'o río Xalón, a 336 metros d'altaria sobre o livel d'a mar y a una distancia de 42 km de Zaragoza, a capital d'a suya provincia y d'Aragón.

En los uellos de Toronyel brolla l'augua provinient d'un acuifero que se carga con l'augua infiltrada en la sierra de Nava Alta y que sale a traviés d'un encabalgamiento de lo Sistema Iberico soterrau por los materials cenozoicos de la depresión d'Ebro.

Historia

En os monts de Rodanas bi ha una espelunga con materials dende o Bronce final dica o periodo tardorromano. Si en o Bronce final yera un lugar d'apedecamiento, en a epoca celtiberica y hispanorromana yera una espelunga sagrata.

En l'actual Santuario d'a Virchen de Rodanas se troboron dos supuestas fundicions de fierro y restos de ceramica celtibera y romana.

Seguntes as escavacions arqueolochicas, o primer asentamiento humán conoixito se localizó en o Cabezo de Ballesteros, drentro d'o casco urbán actual, y os chacimientos datan d'o sieglo VIII-VII aC. Seguntes os historiadors, Epila yera una población celtibera clamata n'ixa epoca Bis polis, en l'anyo 748 aC. A ciudat estió una aliata de Numantia en as Guerras numantinas, y fue destruyita por os romanos.

Dimpués en tiempos d'os romanos pasó a Segontia, Segonia como atras ciudaz peninsulars con o mesmo nombre (Segontia fendo referencia a la segunda ciudat d'a calzata dende Caesar Augusta (Zaragoza) ta Emérita Augusta (Merida). Tamién se relaciona con o nombre Hispalis. D'esta epoca data o puent viello sobre o Xalón.

En 1119, o rei Alifonso I d'Aragón la conquerió y l'adhibió a lo reino d'Aragón.

Lo 21 de chulio de 1348 en Epila tubo lugar a batalla d'Epila en a cual l'exercito d'o rei Pero IV d'o Reino d'Aragón, con aduya de fuerzas catalanas y o refirme de bels nobles reyalistas y bellas ciudaz d'Aragón, vencioron a Unión Aragonesa. Chuan Ximénez d'Urreya, sinyor de Biota, mandaba as tropas d'a Unión Aragonesa, y Pero IV con Lope de Luna mandaba as tropas reyalistas fiels a o rei. Unión Aragonesa estió derrotada por l'exercito reyal lo que suponió que os nobles aragoneses perdioron la autonomía debant d'a monarquía.

Nombre

A parte d'a posible relación con l'antiga Ispalis, bi ha atra interpretación que diz que Epila ye un nombre godo relacionato con Ávila.

Demografía

Evolución demografica

1362 f 1495 f 1842 1857 1860 1877 1887 1897 1900 - - 2.424 3.919 3.926 3.447 3.835 3.660 3.669

1910 1920 1930 1940 1950 1960 1970 1981 1991 4.899 5.447 5.680 5.696 5.416 5.072 3.893 3.829 3.812

1992 1994 1996 1997 1998 1999 2000 2001 2002 - - 3.957 - 3.959 3.943 3.971 4.019 4.048

2003 2004 2005 2006 2007 2008 2009 2010 2011 4.050 4.089 4.164 4.184 4.251 4.682 - 4.765 4.720

2012 2013 2014 2015 2016 2017 2018 2019 2020 4.746 4.734 4.593 4.545 4.452 4.413 4.402 4.386 4.372

2021 2022 2023 2024 2025 2026 2027 2028 - 4.368 4.447 - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón	-	7	6	7	7	8	5	7	6
Partido Popular	-	2	3	2	2	2	3	3	4
Partido Aragonés	-	2	2	2	1	1	2	1	1
Chunta Aragonesista	-	-	-	-	-	-	1	0	0
Independientes	4	-	-	-	1	-	-	-	-
Partido Comunista de España	2	-	-	-	-	0	-	-	-
Total	6	11	11	11	11	11	11	11	11

Alcaldes

Lista d'alcaldes

Lechislatura	Nombre	Partiu politico
1979–1983	Martín Llanas Gaspar	Independient
1983–1987	Martín Llanas Gaspar	Partido de los Socialistas de Aragón
1987–1991	Martín Llanas Gaspar	Partido de los Socialistas de Aragón
1991–1995	Martín Llanas Gaspar	Partido de los Socialistas de Aragón
1995–1999	Martín Llanas Gaspar	Partido de los Socialistas de Aragón
1999–2003	Martín Llanas Gaspar	Partido de los Socialistas de Aragón
2003–2007	Martín Llanas Gaspar	Partido de los Socialistas de Aragón
2007–2011	Martín Llanas Gaspar	Partido de los Socialistas de Aragón
2011–2015	Martín Llanas Gaspar	Partido de los Socialistas de Aragón
2015–2019
2019–2023
2023–2027	Jesús Bazán Sanz	PSOE

Puestos d'intrés

• Ilesia de Santa María la Mayor.
• Santuario d'a Virchen de Rodanas.
• Muralla.
• Palacio d'o conte d'Epila.

Fiestas

• De verano; 16, 17, 18, 19 y 20 de setiembre.
• De primavera; 40 días dimpués d'o dominche de cuasimodo.
• Carnaval tradicional.

Personalidaz naixitas d'Epila

Categoría principal: Naixitos d'Epila.

Se veiga tamién

• Linia 200 d'Adif.

Vinclos externos

• Se veigan as imáchens de Commons sobre Epila.

Lugars d'o municipio d'Epila
Poblaus: Epila | Fabrica Azucarera Despoblaus: Sunyén

• Datos: Q1553092
• Multimedia: Épila / Q1553092