They Died with Their Boots On

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

They Died with Their Boots On
Títol	They Died with Their Boots On
Póster d'a cinta.
Ficha tecnica
Dirección	Raoul Walsh
Dirección artistica	John Hughes
Producción	Hal B. Wallis Robert Fellows
Guión orichinal	Aeneas MacKenzie Wally Kline Lenore J. Coffee
Musica	Max Steiner
Soniu	Dolph Thomas
Fotografía	Bert Glennon
Montache	William Holmes
Escenografía	Eddie Edwards
Vestuario	Milo Anderson
Actors	Errol Flynn Olivia de Havilland Arthur Kennedy Charley Grapewin Gene Lockhart Anthony Quinn George P. Huntley Jr. Stanley Ridges John Litel Walter Hampden Sydney Greenstreet Regis Toomey Hattie McDaniel Minor Watson Joseph Crehan
Datos y cifras
País(es)	Estaus Unius
Anyo	1941
Debantadera	21 de noviembre de 1941 (Nueva York, Estaus Unius)
Chenero(s)	Cine de western Cine belico Cine biografico
Durada	140 min.
Idioma(s)	Anglés
Companyías
Productora(s)	Warner Bros. Pictures
Distribución	Warner Bros. Pictures
Presupuesto	1,358.000 dólars
Recauto	4,014.000 dólars
Informacions en bases de datos especializadas:

They Died with Their Boots On (títol orichinal en anglés, en aragonés Morioron con as suyas botas puestas; enguerada en Aragón con o títol en castellano de Murieron con las botas puestas. Morioron con as botas puestas en aragonés) ye una cinta de western belico y biografico estausunidense, dirichida en l'anyo 1941 por Raoul Walsh seguntes un guión orichinal d'Aeneas MacKenzie, Wally Kline y Lenore J. Coffee y producida por Hal B. Wallis y Robert Fellows ta la productora Warner Bros. Pictures. Con una dirección de fotografía de Bert Glennon y una Banda Sonora Orichinal de Max Steiner (cal destacar-ne la inclusión d'a canción Garryowen, una chiga irlandesa que yera la favorita d'o cheneral Custer), en l'elenco d'a cinta se puet trobar a destacaus actors como Errol Flynn, Olivia de Havilland, Arthur Kennedy, Charley Grapewin, Gene Lockhart, Anthony Quinn, George P. Huntley Jr., Stanley Ridges, John Litel, Walter Hampden, Sydney Greenstreet, Regis Toomey, Hattie McDaniel, Minor Watson y Joseph Crehan. Ista cinta estió la ueitena y zaguer vegada que compartioron elenco los actors Errol Flynn y Olivia de Havilland, protagonistas masculín y femenín d'a cinta.

A cinta presenta una versión edulcorada y muit ficticia d'a vida d'o cheneral de Caballería George Armstrong Custer de l'exercito estausunidense dende la suya dentrada en l'Academia Militar de West Point dica la suya muerte en a batalla de Little Bighorn. Cal parar cuenta de que lo rodache d'a cinta s'escaició en l'anyo 1941, estando enguerada en Nueva York o 21 de noviembre, poquez días antes de l'ataque a Pearl Harbor o 7 d'aviento, que precipitó la dentrada d'Estaus Unius en a Segunda Guerra Mundial, y la sociedat estausunidense amenistaba tener herois en ixos momentos de dificultaz. Asinas, se presenta en a cinta la situación que conduz a la batalla final como una baralla entre politicos corruptos d'una man y l'heroico cheneral Custer d'atra, con os indios como sufridors d'as maquinacions d'os politicos corruptos de Washington. Tanimientres, seguntes o guionista y historiador Alex von Tunzelmann:^[1]

En iste biopic d'o cheneral Custer bi hai mas errors que las balas que voloron en a batalla de Little Bighorn.

Entre las muitas incorreccions y incoherencias d'a cinta, Alex von Tunzelmann destaca que qui anunció que s'heba descubierto oro en as Black Hills y ubrió la puerta ta lo lurte de buscadors que provocó la revuelta d'os lakotas y la guerra estió chustament o cheneral George Armstrong Custer.^[1]

Como en cualsiquier cinta tenyida d'heroísmo (y lo chenero d'o western no en ye una excepción) s'amenista un heroi, que en ista cinta no puet estar so que o cheneral George Armstrong Custer interpretau por Errol Flynn; pero tamién s'amenista un antiheroi, que (y ista ye una d'as novedaz d'a cinta) no ye pas l'indio, a qui s'amuestra en a cinta con bella benevolencia, so que os politicos corruptos encarnaus dende lo principio d'a cinta por o papel de Ned Sharp, interpretau por Arthur Kennedy.^[2] Ned Sharp representa lo contrapunto d'orden frent d'as tendencias anarquicas de Custer y, d'atra man, representa tamién a importancia d'os diners, d'o comercio y d'o capitalismo frent a la importancia que Custer li atorga a la gloria.^[2]

Argumento

George Armstrong Custer plega en l'Academia Militar de West Point con un extravagant uniforme inspirau en l'uniforme de Joachim Murat que él mesmo heba disenyau y acompanyau d'o suyo canelerio, estando confundiu por os sentinelas con un cheneral. Dende lo primer momento Custer amuestra poco intrés por a disciplina militar pero destaca por as suyas cualidaz como chinete de Caballería, estando lo zaguero d'a suya clase de cadetz cuan se produz la batalla de Fort Sumter y emprencipia la Guerra Civil Estausunidense. Lo Gubierno d'Abraham Lincoln decide incorporar a l'exercito estausunidense la mayor cantidat posible de cadez como oficials debant d'a necesidat imperiosa de reunir tropas ta luitar contra la sublevación d'os Estaus Confederaus d'America y la mayor parte d'a clase de Custer marcha enta los suyos destins, pero Custer ye arrestau como gosa escayecer.

alavez plega en l'Academia de visita con su pai la choven Libbie Bacon, qui s'enamora d'o choven cadet, que li corresponde, pero lo claman ta incorporar-se ascape a las filas de l'exercito y marcha sin responder a la invitación que li heba feito Libbie ta que la visitase de tardada. En plegar en Washington, DC Custer precura sin guaire exito obtener un destín de mando de tropas, pero lo mantienen en aspera dica que casualment troba en un restaurant a lo tenient cheneral Winfield Scott, chefe de l'exercito estausunidense, qui li consigue un destín en una unidat de Caballería a on fa una acción heroica que li comporta una medalla, una ferida de guerra y un permiso, que aproveita ta visitar la suya ciudat natal, Monroe, a on tamién i vive Libbie. Sindembargo, encara que tien una carta de presentación escrita por un cheneral amigo d'o pai de Libbie, un malentendiu fa que iste se niegue a recibir-lo.

Tanimientres, por una error burocratica, bien luego se troba nombrau cheneral d'a Brigada de Michigan, una unidat de Caballería formada por cuatre rechimientos. L'actuación de Custer con succesivas cargas de caballería d'os rechimientos d'a Brigada (1º de Michigan, 5^eno de Michigan, 6^eno de Michigan y 7^eno de Michigan) en a batalla de Gettysburg ye decisiva ta frenar l'abance d'a caballería de l'exercito confederau de J. E. B. Stuart que menazaba la ciudat de Washington, la capital.

Dende alavez, Custer manda con a-saber-lo d'exito unidaz d'a Caballería estausunidense mientres la guerra, dica que remata y torna en a suya ciudat natal, a on finalment fa la voda con Libbie. Bien luego se cansa d'a vida civil, y prencipia a tener problemas d'alcoholismo y la suya muller pide aduya a lo cheneral Scott, qui troba un destín ta Custer en o territorio de Dakota mandando lo 7^eno de Caballería en Fort Lincoln. Cuan Custer i plega en o suyo destín, troba que lo rechimiento ye una colla de zorrizos indisciplinaus que amenista lo liderazgo d'un chefe riguroso. Qui fomenta l'alcoholismo d'a tropa y amás vende armas a lo indios ye Ned Sharp, que ya heba estau enemigo de Custer mientres que yeran cadez en l'Academia Militar de West Point. Custer troba una ferramienta ta fomentar l'esprito de cuerpo d'as tropas en una canción que li heba ensenyau un britanico, Garryowen. Lo 7^eno de Caballería bien luego gana una mereixida fama por a suya disciplina, y contiene a los colonos que quieren dentrar en o territorio indio ilegalment, vulnerando los tractaus entre los indios y lo Gubierno estausunidense.

Pero Ned Sharp y lo suyopai manipulan ta lograr la destitución de Custer, que marcha enta Washington ta denunciar-ie la corrupción reinant. Mientres la suya ausencia, se revocan la suyas órdenes y se fomenta la invasión por buscadors d'oro d'os territorios indios de Black Hills y esclata una guerra contra los lakotas que defienden las suyas tierras. Finalment, Custer consigue que lo President d'os Estaus Unius Ulysses S. Grant li permita de tornar en Fort Lincoln y recuperar lo mando d'o rechimiento, marchando heroicament a luitar contra los indios, morindo él y la mayor parte d'o rechimiento en a batalla de de Little Bighorn.

Producción

Sobre un guión orichinal, la cinta se concibió dende un primer momento ta estar protagonizada por Errol Flynn y asinas l'anunció la productora Warner Bros. en chinero de 1941,^[3] pero lo rodache no prencipio dica que l'actor remató la filmación d'unatra cinta que yera interpretando, Dive Bomber.^[4]

O rodache, por limitacions de presupuesto, se fació en una zona rural a lo canto d'a ciudat de Los Angeles y no pas en os escenarios reals d'os escaicimientos, como yera la intención orichinal. Mientres lo rodache morioron tres personas: la primera por una cayida d'o caballo, en crevando-se lo cuello, la segunda en tener un infarto de miocardio, y la tercera, empalau por una espada que portaba mientres una carga de caballería en cayer tamnién d'o suyo caballo. L'actor Jim Thorpe (que no amanixe en os títols de credito d'a cinta) tenió una baralla con Errol Flynn mientres lo rodache, noquiando-lo.^[5]

En ista cinta nomás que un amerindio amanixe con un papel individualizau, Crazy Horse, estando amás l'actor Anthony Quinn un d'os actors d'a cinta con oríchens amerindios; antiparte, ta representar a los nativos americanos en a cinta s'esleyó nomás que a 16 nativos sioux, estando los atros papels interpretaus por filipins.^[5]

Ta la Banda Sonora Orichinal d'a cinta, Max Steiner adaptó una chiga tradicional de musica irlandesa, Garryowen, que yera la canción favorita d'o cheneral Custer. Tanimientres en a trama d'a cinta se presenta como una canción que li ensenya un oficial que proveniba de l'exercito britanico. La productora fació servir partes recicladas d'a banda sonora de They Died with Their Boots On ta las cintas Silver River y Rocky Mountain, dos cintas de western posteriors protagonizadas por Errol Flynn.

Elenco^[6]

Actor	Papel	Notas
Errol Flynn	Cheneral George Armstrong Custer
Olivia de Havilland	Elizabeth Bacon Custer
Arthur Kennedy	Ned Sharp
Charley Grapewin	California Joe
Gene Lockhart	Samuel Bacon
Anthony Quinn	Crazy Horse (Tȟašúŋke Witkó u Caballo Barrenau)
Stanley Ridges	Comandant Romulus Taipe
John Litel	Cheneral Philip Sheridan
Walter Hampden	William Sharp
Sydney Greenstreet	Tenient cheneral Winfield Scott
Regis Toomey	Fitzhugh Lee
Hattie McDaniel	Callie
George P. Huntley Jr.	Tenient "Queen's Own" Butler
Frank Wilcox	Capitán Webb
Joe Sawyer	Sarchento Doolittle
Minor Watson	Senador Smith
Eddie Acuff	Cabo Smith	No acreditau
Tod Andrews	Cadet Brown	No acreditau
Cyril Archambault	Guerrero lakota	No acreditau
Irving Bacon	Vendedor d'uniformes	No acreditau
Walter Baldwin	Colono	No acreditau
Roy Barcroft	Oficial	No acreditau
Hank Bel	Oficial d'o 1º de Michigan	No acreditau
Brooks Benedict	Admirador	No acreditau
Edward Biby	Oficial	No acreditau
William A. Boardway	Oficial	No acreditau
John Bose	Soldau	No acreditau
Hobart Bosworth	Mr. Cartwright	No acreditau
Rudy Bowman	Soldau	No acreditau
Truman Bradley	Oficial d'o 7^eno de Michigan	No acreditau
Moses Brave	Guerrero lakota	No acreditau
Virginia Brissac	Muller	No acreditada
Walter Brooke	Cadet Rosser	No acreditau
Jack Budlong	Chinete de Caballería	No acreditau
Lane Chandler	Sentinela	No acreditau
Spencer Charters	Chefe d'a estación	No acreditau
Leo Chasing Hawk	Chefe d'os exploradors indios	No acreditau
Noble "Kid" Chissell	Ciudadán	No acreditau
G. Pat Collins	Cabo	No acreditau
Clancy Cooper	Conductor d'o tren	No acreditau
Tex Cooper	Soldau	No acreditau
Victor Cox	Soldau	No acreditau
Joseph Crehan	President Ulysses S. Grant	No acreditau
Wade Crosby	Cambrero en Fort Lincoln	No acreditau
Russell Custer	Client d'o bar	No acreditau
Steve Darrell	Oficial	No acreditau
Andrew DeRockbraine	Qui rescata a Crazy Horse	No acreditau
Joe Devlin	Joe	No acreditau
Moses Dog	Guerrero lakota	No acreditau
George Eldredge	Capitán Riley	No acreditau
Alvin Elk Nation	Chefe d'os oglala	No acreditau
Amos Elk Nation	Chefe Blackfeet	No acreditau
Martin Faust	Oficial	No acreditau
Frank Ferguson	Secretario de Grant	No acreditau
Francis Ford	Veterano	No acreditau
William Forrest	Aduyant	No acreditau
Dick French	Oficial	No acreditau
Alberta Gary	Jane	No acreditada
Slim Gaut	Soldau	No acreditau
Sol Gorss	Aduyant	No acreditau
Jesse Graves	Criau negro	No acreditau
Michael Grey Eagle	Guerrero lakota	No acreditau
Raymond Hairy Chin	Guerrero lakota	No acreditau
John Hamilton	Coronel	No acreditau
Chick Hannan	Soldau	No acreditau
Carl Harbaugh	Sarchento	No acreditau
Al Haskell	Soldau	No acreditau
Weldon Heyburn	Oficial d'Estau Mayor	No acreditau
Herbert Heywood	Periodista	No acreditau
Russell Hicks	Coronel d'o 1º de Michigan	No acreditau
Max Hoffman Jr.	Sarchento que recibe telegrafo	No acreditau
Edna Holland	Enfermera	No acreditau
William Hopper	Tenient Frazier	No acreditau
Joseph Fast Horse Sr.	Chefe sioux	No acreditau
John Hudkins	Soldau d'o 7^eno de Caballería	No acreditau
Selmer Jackson	Capitán McCook	No acreditau
Annabelle Jones	Criada d'o tocín	No acreditau
Edward Keane	Congresista	No acreditau
Fred Kelsey	Cambrero en Fort Lincoln	No acreditau
Jack Kenny	Colono	No acreditau
Joe King	President de l'audiencia	No acreditau
Paul Kruger	Oficial	No acreditau
Harry Lewis	Choven	No acreditau
Vera Lewis	Enfermera chefe	No acreditau
Arthur Loft	Tillaman	No acreditau
Ian MacDonald	Soldau	No acreditau
Eric Mayne	Congresista	No acreditau
Frank Mayo	Ordenanza	No acreditau
Frank McCarroll	Soldau	No acreditau
Sam McDaniel	Cambrero que sirve a Custer	No acreditau
Frank McLure	Oficial	No acreditau
Patrick McVey	Cabo Jones	No acreditau
Robert Milasch	Ciudadán	No acreditau
Frank Mills	Client d'o bar	No acreditau
Mike Morelli	Client d'o bar	No acreditau
Edmund Mortimer	Propietario d'o restaurant	No acreditau
Charles Morton	Soldau	No acreditau
Jack Mower	Operador d'o telegrafo	No acreditau
George Murphy	Soldau de Caballería	No acreditau
Richard Neill	Propietario d'o restaurant	No acreditau
Anna Q. Nilsson	Mrs. Taipe	No acreditada
Frank Orth	Client d'o bar	No acreditau
Eddie Parker	Sentinela	No acreditau
Tex Parker	Soldau	No acreditau
Bob Perry	Oficial	No acreditau
Aileen Pringle	Mrs. Sharp	No acreditada
Jack Red Bear	Chefe shoshone	No acreditau
George Reed	Charles	No acreditau
Bob Reeves	Corneta	No acreditau
Renie Riano	Enfermera	No acreditau
Addison Richards	Aduyant	No acreditau
John Ridgely	Segundo tenient Davis	No acreditau
Orie Robertson	Soldau de Caballería	No acreditau
Virginia Sale	Enfermera	No acreditau
Robert Schoenhut Sr.	Guerrero sioux	No acreditau
James Seay	Tenient Walsh	No acreditau
Frank Shooter	Guerrero lakota	No acreditau
Garland Smith	Oficial	No acreditau
Hugh Sothern	Comandant Smith	No acreditau
Harry Strang	Ordenanza	No acreditau
Ray Teal	Client d'o bar	No acreditau
Jim Thorpe	Indio	No acreditau
Jack Tornek	Soldau	No acreditau
Minerva Urecal	Enfermera	No acreditau
William Village Center	Chefe d'os miniconjou	No acreditau
Dick Wessel	Sarchento Brown	No acreditau
Joshua White Shield	Chefe d'os cheyennes	No acreditau
Gig Young	Tenient Roberts	No acreditau
Francis Zahn	Chefe sin arco	No acreditau
Louis Zamperini	Soldau	No acreditau
Victor Zimmerman	Coronel d'o 5^eno de Michigan	No acreditau

Se veiga tamién

Referencias

↑ ^1,0 ^1,1 (en) Alex von Tunzelmann: They Died With Their Boots On: overdressed, overblown and so over, en The Guardian, 11 de febrero de 2009.
↑ ^2,0 ^2,1 (fr) Pierre-Simon Gutman: "La charge fantastique" de Raoul Walsh, en L’Avant-Scène Cinéma, numero 676, octubre de 2020.
↑ (en) Warner Bros. Stories Listed: Million Dollars Worth of Plots on Hand for Films to Be Made in 1941, en Los Angeles Times, 3 de chinero de 1941, p. 10.
↑ (en) "Dive Bomber" Is Next Vehicle Of Errol Flynn, en The New York Times, 15 de febrero de 1941, p. 9.
↑ ^5,0 ^5,1 (en) Trivia de They Died with Their Boots On en Internet Movie Database.
↑ (en) They Died with Their Boots On en Internet Movie Database.

Vinclos externos

(en) They Died with Their Boots On en Internet Movie Database.
(en) They Died with Their Boots On en AllMovie.
(en) They Died with Their Boots On en TCM Movie Database.
(en) They Died with Their Boots On en l' American Film Institute Catalog de l'American Film Institute.
(en) / (es) They Died with Their Boots On en FilmAffinity.

Datos: Q1534778

[Tunzelmann-1] 1,0 ^1,1 (en) Alex von Tunzelmann: They Died With Their Boots On: overdressed, overblown and so over, en The Guardian, 11 de febrero de 2009.

[Cahiers-2] 2,0 ^2,1 (fr) Pierre-Simon Gutman: "La charge fantastique" de Raoul Walsh, en L’Avant-Scène Cinéma, numero 676, octubre de 2020.

[3] (en) Warner Bros. Stories Listed: Million Dollars Worth of Plots on Hand for Films to Be Made in 1941, en Los Angeles Times, 3 de chinero de 1941, p. 10.

[4] (en) "Dive Bomber" Is Next Vehicle Of Errol Flynn, en The New York Times, 15 de febrero de 1941, p. 9.

[IMDB-5] 5,0 ^5,1 (en) Trivia de They Died with Their Boots On en Internet Movie Database.

[6] (en) They Died with Their Boots On en Internet Movie Database.

[1]

[2]

[3]

[4]

[5]

[6]