Chinete

Un chinete^[1] (u si ye muller chineta^[1], en grafía SLA ginete) ye qui tien muita traza pa montar caballos.

A palabra "chinete" deriva d'o nombre d'a confederación berber zanata, probablement a traviés de l'arabe. O suyo dominio d'o caballo lis permitió estar una d'as confederacions tribals mes importants d'a Berbería medieval y d'Al-Andalus. Alavez a palabra s'adchetivó en as luengas romances peninsulars, pa dicir a qui tien sabe ir a caballo, como dimpués se desvenirba con o gaucho, o huaso, o llanero, o vaquero u o charro entre atros. Precisament a palabra "chinet" ye documentata en a Cronica de Sant Chuan d'a Penya en relación a la caballería mora:

Et vn dia mientres ques tractaua aquesta paz, vn moro qui de aquesta paz era tractador con XXX ginets vino al dito Rey guiado et dixole que con él quería faular en su compañía, por tractar de la paz secretament.

La traza de montar d'os invasors musulmans, con estribo curto y chinollos doblatos se deciba montar a la chineta.

Curiosidaz

En Cuba a palabra castellana jinete ("chinete") ha orichinato una denominación de jinetera pa una clase de muller publica.

Referencias

1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

Datos: Q1365155
Multimedia: Riders / Q1365155

[DACC-1] 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[1]