Diners
- Ta l'antiga moneda con iste mesmo nombre, se veiga dinero (moneda).
Os diners[1][2] (u dinero[1][nota 1] en singular) (d'o latín < DENARIU "denario")[3] son un medio d'intercambio de mercaderías. Ye decir, os diners, se pueden intercambiar por cualsiquier tipo de bien material u servicio. En cheneral, cal que o que se fa servir como dinero sía escaso, bien porque s'emplega un bien naturalment escaso, como l'oro u atros metals preciosos, u bien porque se fa artificialment escaso, como sería o caso d'as monedas y billez de banco.
En l'actualidat, os diners son una abstracción, a lo menos en as sociedaz industrializatas. A mas gran parti d'a reserva monetaria d'un país no existe fisicament, sino como una entidat contable. As monedas y os billez (os diners en efectivo) son os tipos de diners fisicos mas habituals huei lo día, encara que materials como l'oro u l'archent encara mantienen as propiedaz esencials d'o dinero. En primerías d'o sieglo XXI, l'uso de diners electronicos (tarchetas de credito u debito) ye cada vegata mas frecuent en os países industrializatos.
Notas
[editar | modificar o codigo]- ↑ Con a variant diner
Referencias
[editar | modificar o codigo]- ↑ 1,0 1,1 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (an) Silbia Garcés Lardiés, Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.25
- ↑ (es) Santiago Bal Palazios:Vocabulario dialectal del habla de Maella (Aragón), Gubierno d'Aragón, 2000, ISBN 84-7753-840-9, p.96
