Republica de China

	Republica de China; 中華民國; Zhōnghuá Mínguó
(En detalle)	(En detalle)
	Lema nacional:
	Himno nacional: Himno Nacional d'a Republica de China
	Situación d'a Republica de China
Capital	Taipei
Mayor ciudat	Taipei
Idiomas oficials	Chinés
Forma de gubierno President; Premier	Republica ; Tsai Ing-wen; Su Tseng-chang
Establimiento; - Declarata; - Reconoixita	Revolución de Xinhai; 10 d'octubre de 1911; 1 de chinero de 1912
Superficie; • Total ; • % augua ; Mugas	Posición 137º; 35.980 km² ; 2,8 % ; 2.572 km
Población; • Total (2022); • Densidat	Posición 47º; 23 264 640; 656 hab/km²
PIB (PPA); • Total (2019); • PIB per capita	Posición 16º; EUR€ 566.606 millons; EUR€ 24.004
Moneda	Nuevo Dolar Taiwanés
Chentilicio	Taiwanés/a
Zona horaria	UTC+8
Dominio d'Internet	.tw
Codigo telefonico	+850
Prefixo radiofonico
Codigo ISO	158 / TWN / TW
	Miembro de: APEC, UNPO

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Republica de China (Tradicional: 中華民國; Simplificato: 中华民国; Tongyong Pinyin: JhongHuá MínGuó; Hanyu pinyin: Zhōnghuá Mínguó), dita tamién Taiwán ye un territorio asiatico formato por un archipelago de islas d'as que la isla de Taiwán u Formosa ye a mas ampla y important. A Republica de China deixó d'estar miembro d'as Nacions Unidas, cuan os países miembros decidioron que fuese miembro a Republica Popular China. Taiwán ye reconoixita como a Republica de China por 23 países no estando reconoixita por a mayoría d'os países d'o mundo, encara que ha tenito y tien relacions economicas y militars con muitos d'élls.

A suya capital ye Taipei y tien 2.494.813 d'habitants aproximadament, a suya aria metropolitana conoixida como Nuevo Taipei, en tien alredor de 4.030.954 estando l'aria metropolitana mas gran d'o país. Atras ciudaz importants son Kaohsiung, Taichung, Tainan y Taoyuan.

Historia

Lo territorio que ocupa actualment la Republica de China que incluye la isla de Taiwán, y atras chicotas islas y archipielagos, ha estau habitada dende fa a lo menos 30.000 anyos; la suya población orichinal pareixe ser ye d'orichen malayo y austronesio, an se desenvolvió una sociedat agraria d'a cuala se conoixe poco a causa d'a falta de documentos escritos. No ye dica la plegada d'os europeus en o sieglo cuan se prencipian a tener testimonios escritos d'a historia d'a isla. Los portugueses estioron los primers europeus en plegar a lo territorio, denominando la isla Formosa (ye decir, "fermosa"), manimenos, los primers en asentar-se estioron los espanyols, qui construyioron un poblau denominau San Salvador, en o norte d'a isla. Los neerlandeses, per la suya parte, s'asentoron en o sud d'a isla, fendo fuera en l'anyo 1642 a los espanyols y dominando per primera vegada a la población orichinaria d'a isla, establindo un gubierno colonial conoixiu como Formosa neerlandesa mientres un periodo de 40 anyos. La presencia d'os neerlandeses en a isla, frenó l'abance territorial de Chapón, que s'intresó en conquerir o territorio.

En l'anyo 1683 las islas quedoron en mans chinas per primera vegada, integrando-se en os dominios d'a dinastía Qing, situación que se mantenió dica 1895, cuan la redota en a primera guerra chino-chaponesa obligó a los chinos a entregar-las a los chaponeses como parte d'o Tratau de Shimonoseki. Manimenos, los chaponeses se troboron con a oposición d'a población local, d'orichen prencipalment chino, y estes proclamoron la independencia d'o territorio, formando la Republica de Taiwán, que tenió una breu duración a causa d'a invasión de l'exercito chaponés, que redotó a la resistencia en 5 meses. Dende este momento, lo territorio de Taiwán estió administrau per Chapón dica la fin d'a II Guerra Mundial.

Dimpués d'a rendición de Chapón lo 25 d'octubre de 1945, l'Armada d'os Estaus Unius transportó tropas d'a Republica de China a Taiwán pa acceptar la rendición formal d'as fuerzas militars chaponesas en Taipéi en nombre d'as Potencias Aliadas, como parte d'a Orden Cheneral nº 1 pa la ocupación militar temporal. Lo cheneral Rikichi Andō, gubernador cheneral de Taiwán y comandante en chefe de totas las fuerzas chaponesas en a isla, sinyó lo recibimiento y li l'entregó o poder a lo cheneral Chen Yi de l'exercito d'a Republica de China pa completar la rotación oficial. Chen Yi proclamó que ixe día yera lo "Día d'o Retorno de Taiwán", pero los Aliaus consideroron que Taiwán y las Islas Penghu yeran baixo ocupación militar y encara baixo sobiranía chaponesa dica 1952, cuan dentró en vigor lo Tratau de Sant Francisco a on Chapón renunció a totas las reclamacions d'os territorios sin especificar a que país s'entregarían.

Esporte

Ta más detalles, veyer l'articlo Esporte en a Republica de Chinaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

China Taipéi ye o nombre con que o país participa en competicions esportivas internacionals. ^[2]

O esporte nacional y mas popular ye o béisbol, esporte que tien una liga profesional en o país a Chinese Professional Baseball League y replega mas de 5.000 espectadors por partiu. Os millors chugadors d'o país chugan en a Major League Baseball (MLB) estausunidense u en a Nippon Professional Baseball (NPB) chaponesa. D'entre os chugador destacan Chien-Ming Wang y Wei-Yin Chen.

Atro esporte popular en zaguerías ye o baloncesto, chunto a atros esportes exitosos y populars entre los países asiaticos como o badminton, o tenis de mesa y as artes marcials en especial o taewondo.

Competicions esportivas

A livel nacional cal destacar a suya liga profesional de béisbol a Chinese Professional Baseball League (CPBL), y a Liga Premier de Fútbol de Taiwán, tamién profesional dende l'anyo 2017.

Per lo que fa a las competicions internacionals, destaca la organización d'a Universiada en a suya edición de 2017.

Chuegos Olimpicos

Republica de China en os Chuegos Olimpicos.

A Republica de China, compite en os Chuegos Olimpicos baixo lo nombre de China Taipéi, ye representada per lo Comité Olimpico de China Taipéi, creau en 1960 y reconoixiu per lo Comité Olimpico Internacional en ixe mesmo anyo. Ha participau dende la suya primera aparición en Melbourne 1956 en totas las edicions, habendo aconseguiu un total de 46 medallas, dica l'anyo 2024. La suya participación mas exitosa estió en Tokio 2020, celebraus en 2021 en Chapón, an s'aconsiguioron un total de 12 medallas: 2 d'oro, 4 de plata y 6 de bronce. Per lo que fa a los Chuegos Olimpicos d'Hibierno, no ha aconseguiu garra medalla dica la actualidat (2024).

Vinclos externos

Se veigan as imáchens de Commons sobre a Republica de China.
Se veigan as imáchens de Commons sobre a Republica de China.

Estaus d'Asia

¹ Perteneix a Europa por razons culturals y historicas, pero cheograficament ye en Asia. ² Territorios controlaus por Israel y gubernaus por l'Autoridat Palestina.

Datos: Q865
Multimedia: Taiwan / Q865

↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ ¿Por qué Taiwán participa en los Juegos Olímpicos como “China Taipéi”?.

[DORTO-1] (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[2] ¿Por qué Taiwán participa en los Juegos Olímpicos como “China Taipéi”?.

[1]

[2]