Sierra de Partara

De Biquipedia
Ir a la navegación Ir a la búsqueda
Iste articlo tracta sobre a sierra de Partara. Ta altros usos d'o toponimo «Partara» se veiga Partara (desambigación).
Sierra de Partara
053.Buil sierra de Bruello Partara.jpg
A sierra de Partara u de Bruello, envista de luent dende o tozal de Buil.
Cheografía
Cordelera
Sector
'
Maxima altaria 831 m
Cimas importants
Largaria ±5 km
Amplaria 2,5 km
Superficie
Subsistemas
Administración
Estato Espanya
País Flag of Aragon.svg Aragón
Municipios L'Aínsa-Sobrarbe
Cheolochía
Edat Eoceno
Materials
Tipo


A sierra de Partara (/paɾ'taɾa/) u sierra de Bruello ye un sarrato menor en Aragón, en o termin municipal de l'Aínsa-Sobrarbe, en a comarca de Sobrarbe y a provincia de Uesca.

Cheografía[editar | editar código]

L'eixe mayor d'a sierra se prolarga en sentido norueste→sudeste dende a collada d'o río Ena, en os arredols de Guaso, dica la Penya Cotón, en a que se troba las restas d'o castiello y o despoblau de Tou. As altarias bailan d'entre os 831 msnm que s'adube a poca distancia d'o cabo norueste, sobre l'Ena, dica os poco más de 730 metros d'altaria que tiene a Penya Cotón.

Por a man norte d'a sierra, bells sarratos (como «o tozal d'a Buxosa») se prolargan cara ta'l norte y noreste, en perpendicular a l'eixe principal d'a sierra, en arribando dica la ribera de l'Ara en a cuentra de la villa de l'Aínsa. Ixa ye a partida que se conoix como «Partara» y que le da nombre a la sierra.

Por Partara, a sierra domina dende o sud o forcallo a on que s'achunta lo río Ara con a Cinca, y ye perfectament envistable de frent debant de l'Aínsa.

En a man sud de a sierra i ha una valleta, que ye la d'o barranco de Bruello, en a que se troba qualques pardinas que feban parte de l'antigo municipio de Santa María de Buil. Son en ixas garras d'a sierra o lugarichón de Bruello y as pardinas de Sarratiars y Coroniellas, mientres que son en a cuentra d'o barranco, tamién en a valleta, anque en as baixants d'o sarrato que s'estendilla d'entre o soaso de Buil y Camporretuno, as pardinas d'o Sarrato, Pelegrín y A Capana. En l'extrimo sudeste d'a sierra, por a on que ista remata en a valle d'a Cinca, se troba Moriello de Tou, y por alto d'ell, o despoblau de Tou.

A crestera d'a sierra se puede pasar por un portichón con camín balizau que comunica l'Aínsa con Bruello, y que se conoix como «cruceta de Bruello». Tamién se puede prener ixe camín dende os arredols de Moriello de Tou, por a on ye una excursión recomendable.

Se veiga tamién[editar | editar código]


Macizos, sierras y sarratos pirenencos y prepirenencos
Macizos Corberas | Cotiella | Maladeta | Infiernos | Plantaurel | Tres Serols | Turbón
Sierras Abodi | Aineto | Alano | Albera | Algaralleta | Arro | Baraguás | Balcetz | Belarra | Beldú | Berganui | Buil-Camporretuno | Caballera | Cadí | Campanué | Canciás | Capitiellos | Carrodilla | Cis | Chía | Chiribeta | Entremont | Erata | Esdolomada | Ferrera | Gabardiella | Gabardón | Gratal | Guara | Illón | Leire | Luesia | Monchoya | Montsec | Muro de Roda | Musera | Nobla | Orba | Partaqua | Partara | Penya | de Peranera | Picardiello | Portiello | Queralt | Sant Chuan d'a Penya | Sant Martín d'a Solana | Santa Quiteria | de Santo Domingo | Sant Quílez | Sant Visorio | Sarbil | Tendennera | Trallata | Vernera | Xabierre
Sarratos Sarrastanyo | Trillo