Guaso

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Guaso
Lugar d'Aragón
A ilesia de Guaso, d'o sieglo XVII, ye en o puesto mes altero d'o lugar se vei dende tot lo Viello Sobrarbe y parti baixa d'a Val de l'Ara.
Entidat  • País  • Provincia  • Comarca  • Municipio	Lugar  Aragón  Uesca Sobrarbe L'Aínsa-Sobrarbe
Partiu chudicial	Boltanya
Población  • Total	106 hab. (2018)
Altaria  • Meyana	780 m.
Distancia  • 122 km  • 3 km	enta Uesca enta l'Aínsa
Codigo postal	22330
Parroquial  • Diocesi  • Arcipestrau	Balbastro-Monzón Sobrarbe-Ribagorza
Coordenadas	42°25’ 0’’N 0° 5’52’’E
Guaso Guaso en Aragón

Guaso ye un lugar d'o municipio de l'Aínsa-Sobrarbe, en a provincia de Uesca. A suya población ye de 106 habitants.

Toponimia

En l'anyo 1187 ye citato como Baso seguntes Antonio Ubieto Arteta. En as Corz de Maella de 1404 ye mencionato como Guaso de la Val de Serraulo chunto con unas localidaz preperinencas baixo o epigrafe Fanlo de la Val de Serrabllo:

Los diputados et cetera, a los muyt honrados los jurados et hombres de los lugares de Fanlo, Secoron, Haverca, Casvas, Torrellyas, Ariella, Atos, Castellezal, Savinianego, Xarlata, Ul, Guaso de la Val de Serraulo, salut e talant de buen amor.

O toponimo ye interpretato por Chesús Vázquez Obrador como derivato de l'antroponimo celta Bosiu.

Cheografía

Ye un nuclio de población formato por casals arredol d'un tozal. Os vicos de Guaso son O Tozal, O Puyal, Santa Quiteria, A Closa, L'Arrabal, Bestreguí, Sant Per y lo mes apartato, O Grau.

Molimentos

L'esconchurador de Guaso, con a penya Montanyesa dezaga, ye una d'as mes grans y mes conoixidas d'ixas construccions en tot Uesca.

• Esconchurador de Guaso, protechito legalment con a suya declaración como Bien d'Intrés Cultural.
• Ilesia d'o Salvador de Guaso, una ilesia adedicata a Chesús de Nazaret en a suya faceta d'o Salvador, en estilo romanico d'o sieglo XII (encara que muit esviellata dimpués), protechita legalment con a suya declaración como Bien d'Intrés Cultural.

Personaches celebres

• Carmen Broto Buil (Carmen Broto), protagonista d'un escandalo mediatico en a fins d'a decada de 1940.
• María Victoria Broto, politica y consellera d'o Gubierno d'Aragón dende 2007 dica 2011.

Baixa val de l'Ara, con Malgurguet y la villa de Boltanya, tot envisto dende Guaso.