Cosculluela de Sobrarbe (municipio)

De Biquipedia
Ir a la navegación Ir a la búsqueda
Iste articlo tracta sobre o municipio de Cosculluela de Sobrarbe. Ta o lugar que le daba nombre, se veiga Cosculluela de Sobrarbe.
Cosculluela de Sobrarbe
Municipio desapareixito d'Aragón
001.Cosculluela de Sobrarbe.JPG
Cosculluela de Sobrarbe.
Entidat
 • País
 • Provincia
 • Comarca
 • Capital
Municipio desapareixito
Flag of Aragon.svg Aragón
Flag of Huesca (province).svg Uesca
Sobrarbe
Cosculluela de Sobrarbe
Población
 • Total

131 hab. (1960)
Altaria 601 m.
Distancia
 • 104 km

enta Uesca
Ríos Cinca
Coordenatas 42°21’36’’N 0° 9’36’’E
Cosculluela de Sobrarbe en Aragón
Cosculluela de Sobrarbe
Cosculluela de Sobrarbe
Situación de Cosculluela de Sobrarbe en Aragón

Cosculluela de Sobrarbe (oficialment, en castellano, «Coscojuela de Sobrarbe»[1]) ye un municipio historico d'Aragón, en o que en l'actualidat ye a comarca de Sobrarbe y en a provincia de Uesca.

Se'l puede documentar dende os primers censos mudernos de 1842[1] dica la suya absorción en o municipio de l'Aínsa en os anyos 1960.[1]

Cheografía[editar | editar código]

O municipio en primeras no incluiba sique o lugar de Cosculluela de Sobrarbe, que mientres toda la suya existencia en fue a capital.

Cosculluela se troba en un plano que forma una colladeta d'entre as dos alturas mayors que tiene o dito «tozal de Cosculluela», y domina d'una mano a valleta d'o barranco de a Capana, corso d'augua menor que desembocaba en a Cinca aman d'ixa localidat, y por l'altra la valle d'a Cinca, que en l'actualidat ye ocupada a ran de Cosculluela por o pantano de Mediano.

Tot lo termin municipal, por tanto, se trobaba comprendíu en a valle principal d'o río Cinca, y teneba mugas con os municipios de l'Aínsa en norte (que remataría por absorver-lo), Cherbe y Griébal por o noreste, Mediano por o sudeste, Castillón de Sobrarbe por o sudueste, y Santa María de Buil por l'ueste y o norueste. D'entre ellos, os nuclios que perteneixeban a los achuntamientos de l'Aínsa, Cherbe y Griébal, Castillón de Sobrarbe y Santa María de Buil se troban concabidos en o municipio actual de l'Aínsa-Sobrarbe, mientres que os de Mediano pasón a incorporar-se a la Fueva en os anyos 1970.[2]

Nuclios[editar | editar código]

Gosón perteneixer a o municipio de Cosculluela un numer maximo de 4 lugars, d'entre os quals uno, Tou, no se guarda conoixencia que haiga estau poblau en os zaguers sieglos.

Con Cosculluela, s'unión os achuntamientos de Moriello de Tou y Plampalacios en o periodo intercensal 1842-1857,[1] tot formando-se o municipio tal como lo conoixió lo sieglo XX. Moriello de Tou lievaba con ell a o despoblau medieval de Tou, que se tornó lo quatreno nuclio d'o municipio.

Plampalacios y Moriello de Tou, con 51 habitants cadagún,[3] se despoblón en os anyos 1960 como conseqüencia d'a construcción d'o pantano de Mediano, porque os dos lugars quedaban en l'aria d'incidencia directa de l'afogue y a Confederación Hidrografica de l'Ebro ells expropió, de forma que a partir de 1969, quan o pantano tancó as compuertas definitivament, no i quedó poblau sique Cosculluela.

Manimenos, Cosculluela, que tamién basaba la suya economía en o sector primario no pasó indemne por o trango que suposó a inundación de numerosas fincas agricolas con Mediano, y en os anyos siguients continó con a sangría demografica de camín ta la emigración. O proceso de despoblación d'o nuclio de Cosculluela de Sobrarbe no s'ha comenzau a revertir dica istos zaguers anyos, en os que i han dido arribando paulatinament bells vecinos nuevos, sobre tot d'oríchens foranos, que i han trobau un puesto tranquilo ta reposar-se y ta pasar-ie a chubilación.

Demografía[editar | editar código]

Evolución demografica
1362 f 1495 f 1842 1857 1860 1877 1887 1897 1900
- - 193 384 393 371 358 360 368

1910 1920 1930 1940 1950 1960 1970 1981 1991
372 332 270 264 250 131 - - -

2003 2004 2005 2006 2007 2008 2009 2010 2011
- - - - - - - - -

2012 2013 2014 2015 2016 2017 2018 2019 -
- - - - - - - - -

 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Evolución d'a población de Cosculluela de Sobrarbe dende 1857.

Imáchens[editar | editar código]

Os altros municipios absorvidos en l'Aínsa-Sobrarbe[editar | editar código]

O municipio de l'Aínsa-Sobrarbe se formó en 1981 por a fusión d'os achuntamientos de l'Aínsa y d'Alto Sobrarbe. Pero dende denantes cadagún d'ellos ya s'heba absorvido belaltros municipios.

En a siguient lista se describe l'orden d'absorcions y/o fusions municipals dica formar-se l'Aínsa-Sobrarbe, con os subepigrafes que indican achuntamientos que fuén absorvidos por o suyo respective achuntamiento epigrafe.

Ista información s'extrai de l'aplicación «Intercensal» de municipios en a pachina de l'«Insitituto Nacional de Estadística».[4]

Referencias[editar | editar código]