Río Guadalop

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Guadalop Guadalope
Río Guadalop en Alcanyiz.
Administración
Estaus	{{{estaus}}}
Territorios	Aragón
Cheografía
Longaria	160 km
Altaria d'o naixedero	2.500 m
Naixedero	Villarroya de los Pinars
Desembocadura	Ebro (Casp)
Hidrolochía
Superficie d'a cuenca	3.890 km²
Cabal meyano	265 m³/s
Mapa
O Guadalop en Aragón

Lo río Guadalop (Guadalope en castellano) ye un afluent d'Ebro por la marguin dreita. Naixe en Villarroya de los Pinars cerca de lo Puerto de Sollavientos, a 2.500 metros d'altaria sobre lo livel d'a mar, y caye en Ebro en la ciudat de Casp dimpués d'un recorriu d'una longaria de 160 km con un cabal meyo de 265 m³/s y una superficie de la suya cuenca hidrografica de 3.890 km². Las auguas de lo río Guadalop y los afluents suyos alimentan una important agricultura de regano, con especial dedicación a lo presco de Calanda. Pa regular l'augua bi ha diferents entibos.

Tien como afluents lo río Alcherez, lo río Guadalopiello y lo río Mezquín.

Hidronimia

Puent medieval sobre lo río Guadalop en Mirabet de la Sierra.

La cuenca hidrografica de lo río Guadalop.

Lo escritor musulmán Yakut, de los sieglos XII y XIII menciona un termin agricola (nahiya) de la redolada de Zaragoza como Wadi al Lawh. Puet interpretar-se como río de los lobos u de las tablas. Tamién s'ha interpretau lo nombre a partir de l'antroponimo Lop, d'orichen romanico. Tamién i ha puesto influir la celebridat de lo Rei Lop en la formación de lo nombre, por analochía, (la zona d'este río la yeran ocupando los cristianos en la suya epoca).

Los musulmans andaluces no deciban igual a los ríos en tot lo suyo recorrido, sino por tramos dependendo de los lugars por a on que pasaba. Por d'encima de Calanda se deciba río de Cutanda u Cotenda, porque Cutanda yera lo nombre de lo districto (iqlim) de la redolada de Mas de las Matas.

S'escribe apocopau sin vocal final ya en 1181:

Los fornos e las justicias que sian al foro de Zaragoza e de los morahales de Guadalof enaca que ajan los senores a medjtate

Encara s'escribiba apocopau sin -e final en 1658, cuan dimpués d'una riada u creixida de lo río en facioron un informe tetulau Acto público de relaçión berdadera de la crecida o habenida del río Guadalop .

Se veiga tamién

• Se veigan as imáchens de Commons sobre lo río Guadalop.

• Datos: Q23141
• Multimedia: Guadalope River / Q23141