Río de Calanda

De Biquipedia
(Reendrezato dende Río Guadalopiello)
Ir a la navegación Ir a la búsqueda
río de Calanda
Guadalopillo
Embalse de Gallipuen * Teruel ( Aragon ) (13986027539).jpg
Envista de lo entibo de Gallipuent.
Administración
Estatos {{{estatos}}}
Territorios Flag of Aragon.svg Aragón
Cheografía
Longaria  km
Altaria d'o naixedero  m
Naixedero Sierra de Sant Chust
Desembocadura río Guadalop (Calanda)
Superficie d'a cuenca km²
Cabal meyano m³/s
{{{mapa}}}

Lo río de Calanda (río Guadalopillo en castellán) ye un afluent de lo río Guadalop por la marguin ezquierda.

Naixe baixo lo puerto de Majalinos a lo norte de la sierra d'Exulve (que bell autor incluye en la sierra de Sant Chust).

Traviesa superficies calsinosas a lo nordeste d'Exulve y recibe barrancos que baixan dende las versants occidentals y septentrionals de la sierra de Caballos.

Localidatz por a on que pasa, por lo menos por lur termin son: Exulve, Molinos, Berche, Alcorisa, Foz Calanda y Calanda.

Toponimia[editar | editar código]

Lo hidronimo río de Calanda fa referencia a la localidat a on que caye en Guadalop y con mayor identidat historica que las atras de la suya cuenca.

En textos relacionaus con las comandas aragonesas de la Orden de Calatrava escritos en latín medieval se nombra como rivum de Molinos:

...profequitur Barranchum usque ad Campum de Vivas, ubi funt olivæ , & cadit in rivum de Molinos, deinde venit per podium, quod dicitur Cabeza de los Dentales,...[1]

Cheronimo Zurita fa mención de la suya en los "Anales de la Corona de Aragón":

...Y se ganó Caspe, lugar muy principal junto a las riberas de Ebro. Y de allí se continuó la guerra por las riberas de Guadalob y del río de Calanda...

Lo cartografo y astronomo portugués Labanha fa mención de lo río de Calanda en lo suyo "Itinerario del Reyno de Aragón (1610-1611)":

...está arrimada a huās Penhas da Serra de Calanda, que lhe fica a parte do meyo dia, passa por Alcoriza o Rio de Calanda md. que rega seus campos...[2]

En castellán actual s'ha cheneralizau la denominación sufixada con -illo que lo fa derivar de Guadalop como diminutivo toponimico (río Guadalopillo), sin que s'haiga puesto documentar esta denominación antes de lo sieglo XIX, quan bell cheografo u cheologo encara escribiba río Calanda o Guadalopillo.[3]

Cheomorfolochía[editar | editar código]

En bell tramo ye paralelo a sierras como la de Caballos, travesando las depresions que bi ha entre ellas, en lo suyo orichen cuencas marguinals. Entalla la roca fendo una foz en los monts a lo sud de Calanda (Foz Calanda).

Aproveitamientos[editar | editar código]

Bi ha un entibo con nombre aragonés (de Gallipuent), que regula las escasas auguas. En la depresión d'Alcorisa riega una ribera a on que se cultiva lo presco. Tamién se riega con augua de lo río de Calanda en Foz Calanda y en bell regano de lo sudueste de lo termin municipal de Calanda.

Referencias[editar | editar código]

  1. (la) Bullarium Ordinis militiae de Calatrava. Editor: Antonius Marin, 1761, p 141.
  2. (es)(pt) João Baptista Lavanha, Lupercio Leonardo y Argensola, Tomás Fermín de Lezaún y Tornos: Itinerario del reino de Aragón por don Juan Bautista Labaña. Editors: Faustino Sancho y Gil, Establecimiento tipográfico del Hospicio provincial, 1895. p 190.
  3. (es) Juan Villanova y Piera: Ensayo de descripción geognóstica de la provincia de Teruel: en sus relaciones con la agricultura de la misma. Editor: Imprenta Nacional, 1863. p 487.


Ríos de la cuenca hidrografica de Guadalop
Marguin izquierda La Val | Campos | Calanda
Marguin dreita Pitarc | Bordón | Alcherez | Mezquín