Reggae

De Biquipedia
Ir ta: navego, busca
Articlo d'os 1000
Reggae
Orichens musicals: Rhythm & Blues, Rocksteady, Ska, Mento.
Orichens culturals: Meyatos d'os 60 en Chamaica
Instrumentos comuns: Guitarra, baixo, batería, instrumentos etnicos, organo hammond, teclatos, bronzes
Popularidat: Alta en Chamaica, en Anglaterra o early reggae y o skinhead reggae a fins d'os anyos 60 y en ambients rastafaris en os 70. A ran mundial dende l'aparición de Bob Marley and The Wailers en os 70.
Subcheners
Skinhead Reggae, Rockers Reggae, Roots Reggae, Dub, Dancehall.
Fusions
Raggamuffin, Drum'n'bass, Raggamuffin-Hip hop
Enlaces
Categoría:Reggae

O reggae ye un chenero musical que tien o suyo orichen en Chamaica. O termin reggae asobén se usa ta la mayoría d'os ritmos chamaicans, incluyindo o ska, o dub y o rocksteady. Apareixe mientres a zaguera parti d'a decada de 1960, d'a fusión de diversos ritmos d'o calypso, y o jazz, blues y rock and roll nordamericans. Tien un ritmo binario sincopato con desplazamiento de tiempo fuerte como prencipal caracteristica. Se puet entrepitar chenealochicament como una evolución dreita d'o ska enta ritmos más lentos, pasando por o rocksteady.

O reggae incluye dos subcheners: o roots reggae y o dancehall.

A etimolochía d'o termin reggae no se conoixe guaire bien, encara que poderba estar una derivación de ragga, que ye una abreviadura de raggamuffin, que en anglés significa literalment "vestito con andrallos". S'emplega ista etiqueta ta decir a los pobres de Chamaica, y tamién os rastas y os movimientos culturals d'os barrios pobres. Actualment se dicen por un regular ragga u raggamuffin bells subestilos d'o reggae. Atras fuents dicen que o termin reggae proviene d'una canta de The Maytals, tetulata "Do the reggay", en a que a parola "reggay" quererba decir "regular", isto ye, chent normal y corrient.

Caracteristicas[editar | editar código]

Bob Marley en un concierto en Zurich (Suiza) o 30 de mayo de 1980

O reggae se basa en un estilo ritmico caracterizato por tallos regulars sobre una musica de fundo feita con una bateria ritmica, conoixita como "beat", y a bateria, que se tanye en o tercer tiempo de cada compás. Iste ritmo ye más lento que os d'atros estilos precursors d'o reggae como lo ska y o rocksteady.

A lo reggae se l'asocia con o movimiento rastafari, que influyó a muitos musicos prominents d'o reggae en os anyos 1970 y anyos 1980.

A lo prencipio o suyo emplego se limitaba a las cerimonias rasta, más entabant esdevinió en un vehiclo d'expresión musical en os guetos de Chamaica.

A musica reggae asobén toca temas socials, amás de politicos u relichiosos. Iste compromís que adopta asobén o reggae premite relacionar-lo con atros estilos como a canta d'autor u o punk.

A primera aparición d'a musica reggae s'atribuye a la canta Fat man d'o cantaire Derrick Morgan.[1] Encara que bi'n ha que dicen que "Do the reggay" d'o grupo The Maytals liderato por Toots Hibbert, en estió a primera canta.

Estilos[editar | editar código]

En Chamaica s'han feito populars nuevos estilos como lo dancehall y o ragga (tamién conoixito como raggamuffin) consistents en un reggae con bases electronicas, probablement influitas por o hip hop, o drum and bass y atros estilos.

Gracias a la faina de DJ Kool, apareixe un nuevo estilo dito hip-hop u musica rap. En o sentito chamaicán d'a parola ye un DJ (Disc Jockey), que s'encarga de meter-ie a musica, y un "MC" (Master of Ceremonies) u rapero, que i fa rimas vocals. Os termins jaying, toasting o chating s'emplegan en Chamaica. O termin rapper gosa emplegar-se en tot o mundo.

Artistas[editar | editar código]

Beluns d'os entrepites más conoixitos d'o chenero son Bob Marley, Peter Tosh, Jimmy Cliff, Steel Pulse, Bunny Wailer y Black Uhuru, entre atros.

Festivals internacionals de musica reggae[editar | editar código]

Antiga bandera d'Etiopía, simbolo d'os rastafaris

Referencias[editar | editar código]

Filmografía[editar | editar código]

Bibliografía[editar | editar código]

Vinclos externos[editar | editar código]