Batería (instrumento)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Batería
Batería
Batería
1) platos ride y crash, 2) tom de piso, 3) toms, 4) bombo, 5) caixa, 6) hi hat
Clasificación
Instrumento de percusión
Intrumentos relacionaus
Caixa, bombo, platiellos
Desarrollato
Decada de 1890
Musicos
Baterías

A batería (en anglés drum kit u drum set) ye un instrumento musical formato por a combinación de cuantos instrumentos de percusión.

En a suya historia han estato muitas as diferents combinacions d'os instrumentos que han formato a batería, pendendo mas que mas d'o estilo musical que se yera fendo. A confeguración que actualment se troba mas estendillata ye a formata por una caixa, un bombo, cuantos tom-toms (a sobén tres u cuatre), un hi-hat, cuantos platiellos (os mas habituals son crash, ride y splash) y atros instrumentos de percusión como caixas chinesas u cencerros. Manimenos a combinación d'os instrumentos y a suya distribución ye a sobén una elección personal de cada musico y puet cambear muito d'una batería ta atra.

Hue en día tamién existen, amás d'as tradicionals baterías acusticas, as baterías electronicas.

Muito a sobén os termins percusión y batería se fan servir como sinonimos, manimenos a percusión puet incluyir tamién atros instrumentos, amás d'a batería, y en una orquesta sinfonica en a sección de percusión s'incluyen toz os instrumentos de percusión.

Composición d'a batería[editar | modificar o codigo]

Caixa[editar | modificar o codigo]

Ta más detalles, veyer l'articlo caixa (instrumento)veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Caixa de 14″

A caixa (en anglés snare drum) ye o prencipal d'os instrumentos que composan a batería y se sitúa chusto debant d'o musico. Tien o suyo orichen en os grupos musicals militars europeus, habendo-se desembolicau diferents marchas y rudimentos ta batería.

O suyo cuerpo ye formato por cuantas capas de fusta (por un regular entre 6 y 10 capas) u por metal. Ye cubierta por os dos cantos con dos membranas, d'antis mas feitas de piel y actualment feitas de poliester u plastico. A membrana superior ye resistent a os golpes, feita con cuantas capas de material y a sobén de color blanca u grisa. A membrana inferior ye mas lisa y fina, pero tien mas resonancia.

A caixa obtiene o suyo caracteristico sonito a traviés d'un conchunto de cordons, ditos bordons, que trescruzan o casco d'a caixa d'un canto ta l'atro. En tanyer a membrana superior os bordons vibran chunto con a membrana inferior u bordonera, dando-le a la caixa un sonito pareixito a un bomboloneo. Con un solo golpe d'a baqueta sobre a membrana superior se produce a combinación de dos procesos: o golpe d'as baquetas en a dita membrana y o retacule d'os bordons sobre a membrana inferior. Por medio d'un mecanismo especial se puet tamién amortar iste efecto, ya que a vegatas os bordons vibran cuan se tanye atro instrumento con una determinata frecuencia. Ye posible adaptar a tensión d'os bordons, logrando asinas una ampla variedat de sonitos.

As midas mas habituals d'o casco d'a caixa son 14" de diametro y fundarias entre 5" y 6,5". Tamién bi ha caixas mas chicotas con diametros de 8" u 10" (ditas piccolo) y fundarias de dica 3,5", que se fan servir a sobén como instrumento adicional (en anglés side-snare) amás d'a caixa prencipal.

Bombo[editar | modificar o codigo]

Ta más detalles, veyer l'articlo bomboveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O bombo (en anglés Bassdrum) ye o segundo d'os prencipals instrumentos d'una batería. Se composa d'un gran cuerpo feito a sobén de doble capa de fusta, que se refirma en dos patas (retractils ta facilitar o suyo transporte) que se troban en a suya parti debantera. Ta tanyer o bombo s'emplega un pedal, que s'achusta a o bombo con un dispositivo especial. Un batería adreto fa servir o pedal d'o bombo con o suyo pie dreito. Como alternativa a o emplego de dos bombos (doble bombo), existe a posibilidat de fer servir un doble pedal con transmisión mecanica que permite tanyer un solo bombo con os dos piez.

Bombo

A resonancia d'o bombo en a suya parti debantera s'asocia a sobén con os foratos que se fan en a membrana ta deixar salir a l'aire. O mesmo forato tamién permite ficar microfonos en o bombo ta fer gravacions u amplificar o sonito. Atra forma d'amplificar o sonito d'o bombo son os triggers, que s'emplegan tamién cuan se quiere tanyer mas rapedo, pero sin baixar guaire a intensidat d'o sonito.

D'atra man tamién gosan emplegar-se a vegatas mantas, almadas u dispositivos especials[1] que se fican entre as dos membranas t'amortar o sonito. Istos s'apoyan en a membrana a on que golpea a maza t'amortar o golpe y lograr asinas un sonito mas sordo.

En os prencipios d'a batería os bombos yeran prou grans con grandarias de dica 28" u 30", dimpués se fuoron imposando chino chano bombos mas chicoz. Mientres muito tiempo a grandaria estandar d'os bombos estió de 14" de fundaria y 22" de diametro, pero hue en día os mas emplegatos van dende as 16" dica as 18" de fundaria. Tamién pendendo d'o estilo de musica que se fa os diametros d'os bombos en l'actualidat varían entre as 16" y as 26".

A ormino se montan sobre o mesmo bombo os tom-toms, escusando asinas espacio y evitando a necesidat d'instalar unatro dispositivo especifico ta penchar os toms. Os baterías profesionals gosan personalizar a membrana debantera d'os bombos con o logo u nombre d'o grupo

Tom-Toms u timbals[editar | modificar o codigo]

Tom base de 14″
Ta más detalles, veyer l'articlo tom-tomveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Os Tom Toms u simplament toms (tamién ditos a begatas timbals) son instrumentos de percusión con doble membrana (por a parti superior y inferior) con diametros entre as 6 y as 18 pulgadas. Pendendo de como se situen en a batería bi ha dos tipos de toms. Os toms mas chicoz gosan meter-se dencima d'o bombo con un dispositivo especial (en anglés de dicen "rack toms"). D'atra mas os toms grans, toms de base u piso u timbalas (en anglés "floor toms") se sitúan en tierra sobre as suyas propias patas.

Bels baterías, como Phil Collins, prefieren toms sin de resonancia (concert-toms). Istos toms tienen un tono muito mas definito, parellán a os timbals. S'emplegaba muito iste tipo de toms en a decada de 1970.

O numero de toms en una batería pende muito a sobén d'o estilo musical. Asinas mientres que en o pop u en o jazz clasico gosan emplegar-se dos u tres toms, en o jazz rock u heavy metal pueden emplegar-se dica ueito toms diferents. Manimenos o numero de toms siempre ye una elección personal d'o musico seguntes o suyo estilo de tanyer a batería. Una batería estandar gosa levar tres toms, dos chicoz (d'entre 10 y 13 pulgadas) dencima d'o bombo y un tom de piso (entre 14 y 16 pulgadas).

Platiellos[editar | modificar o codigo]

Ta más detalles, veyer l'articlo platiellosveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En primeras podemos distinguir entre cinco tipos diferents de platiellos. Seguntes as caracteristicas d'o suyo sonito pueden tener funcions diferents en a batería:

Ride[editar | modificar o codigo]

Ride Zildjian Armand 19"
Ta más detalles, veyer l'articlo rideveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O ride (en anglés ride cymbal) tien por un regular un diametro d'entre 16 y 24 pulgadas y o material de que son feitos puet tener diferents durezas.

En trucar-lo, o ride fa un sonito mas sostenito y brillant que o curto y decayito sonito d'un crash. O diametro mas habitual ta un ride ye de 20", estando manimenos una grandaria estandar entre as 18" y as 22". Os rides mas chicoz y finos gosan tener un sonito mas fosco y brillant, mientres que os rides mas grans responden millor en situacions de mayor volumen.

A función prencipal d'o ride ye levar un ritmo mas que meter accentos. Por ixo os baterías sitúan o ride amán d'a suya man dominant. Manimenos, a vegatas cuan se tanye prou fuerte tamién se puet fer servir o ride ta accentugar como si fuese un crash. Tamién en tanyer suau gosan emplegar-se atros tipos de platos ta fer a función de ride como por eixemplo os chinas, sizzles, pangs u suizos.

Hi-hat u charles[editar | modificar o codigo]

Hi-Hat
Ta más detalles, veyer l'articlo hi-hatveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O hi-hat u charles ye formato por dos platiellos montatos en una estructura metalica que permite a traviés d'un pedal ubrir u zarrar o dispositivo. Cuan se preta o pedal, o platiello superior (móvil) truca a o platiello inferior (que ye fixo) y en deixar libre o pedal o platiello superior torna a la suya posición inicial. O diametro estandar d'os platos gosa estar arredol d'as 14", estando o plato inferior mas pesato que o superior.

En zarrar o charles con o pedal se produce un sonito relativament suau pareixito a una cabasa. Cuan se tanye con o pedal ubierto o sonito ye muito mas cerenyo y sostenito, se puet variar a fuerza d'o sonito ubrindo u zarrando mas o pedal. Cuan se tanye con o pedal zarrato de tot s'aconsigue un sonito muito mas curto y xuto.

O hi-hat gosa emplegar-se, igual que o ride ta levar un ritmo, podendose tanyer amás diferents feguras ritmicas y accentos sobre él, variando tamién a suya apertura.

En a confeguración estandar o pedal d'o charles se manella con o piet ezquierdo, encara que isto puet variar si o batería ye zurdo. Existe tamién a posibilidat de fixar-lo con una determinata apertura ta poder liberar o piet ezquierdo y emplegar-lo en atro pedal (por eixemplo en un doble bombo).

Crash[editar | modificar o codigo]

Ta más detalles, veyer l'articlo platiello crashveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O crash (en anglés crash cymbal) con uns platiellos que gosan estar en comparación mas chicoz y delgatos que o ride (entre 13 y 20 pulgadas de gordaria) y que producen una mayor proporción de "rudio blanco". Se fan servir a sobén ta meter accentos y tamién, a vegatas, en os ritmos.

China[editar | modificar o codigo]

Ta más detalles, veyer l'articlo platiello chinaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Dos platos chineses.

Os platiellos chineses (en anglés China cymbal) producen un sonito diferenciado a on que predominan os sonitos en a faixa d'os meyo agudos. Lo fan servir os musicos ta meter efectos u accentos. O sonito que produce ye rapedo, fosco y explosivo. O suyo nombre proviene d'o aspecto parellán a un gong tanto en sonito como en forma.

Son facilment identificables por o suyo canto curvato enta l'exterior, a o contrario d'os platos turcos que praticament no tienen garra curvatura. A suya grandaria varia muito, dende 8 dica 26″ en bels casos. A suya cupula puet tener forma celindrica u de cono truncato con a base en o cobalto d'a cupula.

Se gosan montar invertidos en un soporte ta platos y se tanyen con as baquetas por un regular en a suya aria de curvatura fendo un sonito caracteristico, no ye guaire habitual tanyer-los en a suya cupula.

Splash y atros[editar | modificar o codigo]

Ta más detalles, veyer l'articlo platiello splashveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Un splash de 10″ con soporte de tom

O platiello splash (en anglés splash cymbal) ye un platiello comparable en tipo y función a o crash, pero que gosa estar de grandaria mas chicota (alto u baixo entre 6 y 12 pulgadas) y tien un sonito caracteristico: agudo, brillant y de breve durada. Se fa servir ta accentos curtos y que no amenistan d'un sonito alto. Especialment Stewart Copeland y Manu Katché, entre atros, fan servir prou en as suyas composicions ista mena de platiellos.

D'atra man existe una gran variedat de platiellos con tot tipo de formas y disposicions ta enamplar o sonito d'a batería. A creatividat d'os fabricants de platiellos asinas como a variedat de nombres ye prou gran. Tenemos entre muitos atros os "sizzle", os "swish", os "pang" u as campanas.

Midas estandars[editar | modificar o codigo]

As midas mas comuns de platiellos y tambors gosan estar:

Instrumento Grandaria
Bombo 22" (entre 16" y 30")
Caixa 14" (entre 8" y 16")
Tom Tom 10", 12" y 14" u 12", 13" y 16" (entre 6" y 18 ")
Hi-Hat 14" (entre 8" y 16")
Ride 20" (entre 16" y 24")
Crash 16" (entre 14" y 24")
Splash 10" (entre 6" y 14")
China 18" (entre 6" y 24")

Accesorios[editar | modificar o codigo]

Un dispositivo opcional: o doble pedal

Existen cuantos dispositivos y accesorios que pueden fer parti d'a batería, asinas amás d'os diferents soportes ta platos y timbals tamién existen pedals especials. O doble pedal por eixemplo se fa servir ta tanyer un solo bombo con os dos piez como si fuese un doble bombo. Tamién existen atros pedals que se pueden achustar ta tanyer atros instrumentos como por eixemplo cencerros.

Tamién fan parti d'os accesorios, mas que mas en baterías que gosan fer chiras de conciertos, as fundas ta o transporte d'os instrumentos. Bi'n ha duras y blandas, sobretot seguntes o tipo de viache y medio de transporte que s'haiga d'emplegar, as primeras ofreixen un mayor grau de protección, pero tamién son mas caras y dificils d'almadazenar.

Os baterías profesionals tamién gosan levar microfonos en os suyos conciertos. Particularment o bombo amenista un microfono especial, ya que produce un sonito d'alta presión y un microfono normal de voz no ye parato ta recullir os sonitos d'un bombo. Amás d'os microfonos cal portiar un sistema de dispositivos que permitan achustar-los a os instrumentos.

En bels estilos musicals u situacions, como os clubs de musica country u as ilesias, os musicos gosan portiar una pantalla de plexiglass ta amortiguar o sonito d'a batería. D'atra man muitos baterías fan servir alfombras ta prevenir que o bombo se pueda eslizar por o suelo en trucar-ie.

Ta estudiar se gosan emplegar una gran variedat d'accesorios. Asinas os metronomos aduyan a levar o ritmo y bels parches especials de goma reducen o sonito d'os tambors y platos a la hora de practicar.

Baquetas[editar | modificar o codigo]

Ta más detalles, veyer l'articlo baquetaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A caixa, os timbals y os platiellos se gosan tanyer con dos palos de feitos por un regular de fusta y ditos baquetas. As baquetas s'agafan con as mans y se fan servir ta trucar dreitament sobre os instrumentos. O bombo se tanye con o piet, fendo servir un u dos pedals que levan una maza u mallet que truca sobre a membrana d'iste. D'atra man o charles tamién se puet ubir y zarrar con un atro pedal que se puet, si ye menester, deixar fixo. En bels estilos musicals como o jazz se fan servir as escobetas (en anglés "brushes"), que no son que baquetas feitas con muitas variellas metalicas ficatas en fundas de nylon. Seguntes a traza d'agafar as baquetas (en angles "grip") se pueden distinguir o agarre tradicional (popularizato por Sanford A. Moeller) u o muderno (popularizato por Ringo Starr) que se divide a la vegata en agarre alemán (con o dorso d'a man entalto, lo que nos permite ganar mayor fuerza en o golpe), francés (con o pulgar entalto, lo que permite fer servir millor a tecnica de didos) u americano (ye una mezcla d'os anteriors).

As caracteristicas d'o sonito y as sensacions fisicas varian prou con o material, a longaria y a gordaria d'as baquetas. Encara que muitas vegatas se gosa asociar un tipo de baqueta con un determinato estilo musical, en zagueras ye decisión de cada musico fer servir un tipo u atro de baqueta.

Materials[editar | modificar o codigo]

Membranas[editar | modificar o codigo]

En primeras as membranas d'as baterías se feban de piel natural. Hue en día, por un regular, se fan con una u dos capas de plastico. Se montan en o casco d'os tambors fendo servir uns aros que son por un regular feitos de metal. Os aros varían en función d'o diametro de cada tambor y s'achustan a iste con entre cuatre y doce torniellos, seguntes a suya grandaria. D'ista traza, amás se pueden afinar as membranas, pretando u floixando-las. Existen por un regular dos membranas en cada tambor, a superior sobre a que se truca y a inferior que vibra. Conoixitos fabricants de membranas son Remo, Evans u Aquarian.

Casco[editar | modificar o codigo]

O casco d'o bombo y d'os toms se fa por un regular de fusta. A fusta mas popular en a fabricación de baterías ye l'acirón, ya que ofreixe un sonito calido y equilibrato con tonos graus relativament cerenyos. Manimenos atra fusta muit emplegata tamién hue, mas que mas por o suyo buen comportamiento en os estudios de gravación ye l'abetullo. Atras fustas que tamién se gosan emplegar son o fabo, o chopo, a tillera u o caixico.

Platiellos[editar | modificar o codigo]

Os platiellos se construyen por un regular con aliacions como o latón u diferents menas d'aliacions de vronce, como o cobre-niquel-vronce u o estanyo-vronce. O porcentache d'estanyo varía dende un 8% dica un 20%. Tamién existen platiellos d'alta calidat que incluyen una chicota cantidat d'archent. D'antis mas se feban tamién platiellos con archent sterling. Conoixitos fabricants de platiellos son Zildjian, Meinl, Sabian u Paiste. A la uembra d'istos cuatre grans se troban atras marcas, no de pior calidat, como Masterworks, Anatolian u Ufip.

Baquetas[editar | modificar o codigo]

As baquetas se gosan fer de fusta (por un regular de hickory, un árbol de norteamerica), plastico u fibra de carbono (baquetas de carbono) y muit poquetas vegatas de metal. Ta a suya fabricación se fan servir tochos delgatos de fusta u cuantas tiras finas de plastico, unitas en un faixo. As escobiellas se fan por un regular de plastico u metal. Bi ha una gran variedat de fabricants, pero entre as mas conoixitas se troban Promark y Vic Firth. Amás muitos fabricants de baterías tamién distribuyen baquetas, por eixemplo o fabricant de platiellos Zildjian u o fabricant alemán de baterías Sonor.

Historia[editar | modificar o codigo]

Joe LaBarbera tanyendo a batería

Decisiva ta l'aparición d'as baterías estió a invención por parti de J. R. Olney d'o primer pedal de bombo en l'anyo 1887. A isto le sigue en 1899 a producción por parti de William F. Ludwig d'os primers productos en serie y as leis "No-Drumming-Laws" (en anglés "leis sin de tambors") en os Estaus Unius. Istas leis prohibiban a os esclavos tanyer os suyos intrumentos tradicionals (mas que mas timbals y tambors que se tanyeban con as mans), feito que fa que a musica ritmica africana prencipie a fer servir instrumentos de percusión europeus y orientals. A primera batería completa apareixió en o mercato en l'anyo 1918 d'a man de Ludwig Drum Corporation.

Como en muitos atros sectors d'a economía, a fabricación de baterías luego s'internacionalizó y globalizó. Dica a decada de 1960, a mayoría de productos proveniban de fabricants americanos (Ludwig y Gretsch), britanicos (Premier) u alemans (Sonor y Trixon).

Manimenos, dende a decada de 1960, prencipió a apareixer una mayor competencia, con pres cada vegata mas competitivos. As baterías mas baratas plegaban dende Chapón, y dimpués dende Taiwan y Corea d'o Sud. Chapón y Corea prencipioron a quitar productos de buena calidat dende a decada de 1970 (con marcas como Tama u Yamaha), fendo una gran competencia a las tradicionals companyías americanas, britanicas y alemanas y sacando-les una buena cuota de mercato.

En a decada de 1980 Taiwan se convirtió en o prencipal proveedor de materials ta as marcas de baterías mas importants d'o mercato internacional. Con a globalización en a decada de 1990 a situación inicial cambeyó de raso, agora totas as marcas precipals pendeban d'os que antis yeran os fabricants de baixo coste (por eixemplo Sonor d'os fabricants chineses).

En os zaguers anyos Brasil ha dentrato en o mercato d'as baterías con a marca RMV que produce baterías con una calidat relativament buena a unos pres prou asequibles.

Baterías electronicas[editar | modificar o codigo]

Ta más detalles, veyer l'articlo batería electronicaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
A batería electronica Roland Roland V-Stage Series TD-12S V-Drum. En a imachen tamién s'amuestra un pad de tom PD-105 extra, un plato CY-8, un doble pedal Axis Longboard, y un soporte de hi-hat Iron Cobra.

Bels baterías fan servir toz os suyos components electronicos. Bi ha dos prencipals trazas d'emplegar baterías de tipo electronico. A primera ye l'uso de triggers en toz os diferents instrumentos que fan parti d'a batería. Istos triggers son pads de goma que se meten en o mesmo puesto a on que se i meterían os tradicionals instrumentos con os suyos parches. Cadagún d'istos contiene un transductor piezoelectrico que transmite un sinyal electrico cuan se truca sobre él. Cada pad s'une con un cordón a un modulo sintetizador que se encargará de reproducir o correspondient sonito d'ixe instrumento. Asinas, si o batería truca sobre o pad que ye designato como a caixa, o modulo sintetizador producirá o sonito d'una caixa. Como o sonito ye feito por un sintetizador, o mosito puet trigar entre un amplo rango de sonitos, como pueden estar os sonitos de cualsiquier tambor u platiello real u tamién sonitos electronicos. Un batería puet incluso fer que o sintetizador produzca sonitos que no son propios d'una batería, como chapadas, chuflitos u cualsiquier atro efecto de sonito.

L'avantalla de tanyer en una batería electronica pura ye que no fa dengún atro sonito que no sía o producito por un amplificador (lo volumen d'o cual puet estar facilment regulato u desenchegato). Isto puet estar important en eventos a on que se deseya que o sonito d'a batería no sía muit cerenyo como puet estar una ilesia u una actuación en un teatro. Amás tamién os baterías que fan servir equipes electronicos pueden practicar sin amolestar a os suyos vecins u companyers de piso. Atra avantalla important ye que as baterías electronicas no han d'estar afinatas ni tampoco no s'han d'instalar microfonos si se quieren gravar. D'atra man, as disavantallas d'as baterías electronicas son que no tienen un rango tonal tan amplo como as baterías acusticas y que os pads y platiellos de plastico u goma no tienen o mesmo tacto ta o musico que los tanye que os parches d'una batería acustica. Asinas por eixemplo una batería electronica de gama baixa tendrá un sonito de caixa, manimenos probablement o pad d'a caixa no incluyirá un sensor ta detectar o golpes en l'aro. Atra disavantalla potencial ye que o batería amenistará un amplificador u sistema parellán ta poder sentir-se en un ensayo.

A segunda traza de tanyer una batería electronica ye fer servir una batería acustica tradicional (con cuerpo de fusta y platiellos metalicos) y meter triggers en toz os diferents tambors y platiellos. Os sensors, igual que en o caso d'a batería purament electronica, s'unen a un modulo sintetizador que reproducirá os sonitos. L'avantalla d'ista batería ye que o musico puet combinar os sonitos tradicionals d'una batería acustica con os peculiars sonitos d'a batería electronica en una mesma actuación.

Tecnica[editar | modificar o codigo]

Función d'a batería[editar | modificar o codigo]

A prencipal función d'una batería en un grupo musical ye construir o ritmo de fundo d'a canción, y chunto con os atros instrumentos ritmicos (o baixo y o teclato) levar o groove (literalment en angles, o "sulco") d'a musica. O batería gosa creyar un pulso fixo, que se repite, mantenendo a velocidat d'a canción constant. Las bases d'o ritmo gosan estar una alternancia entre o sonito grieu d'o bombo y o sonito alto d'a caixa. Antiparti d'ista función basica, a percusión se fa servir tamién ta adornar y destacar as partis importants d'a canción con efectos y modificaciones. Ta isto se fan servir platiellos como os crashes u atros platiellos especials ta creyar efectos y accentuar. Os rudimentos y accentos, en tanyendo en a caixa, contribuyen tamién a destacar partis concretas d'a canción. A vegatas se fan servir tamién istos dos zaguers en os solos de batería, ye alavez cuan iste instrumento pasa a tener un papel protagonista en a canción y a resta son en un segundo plan.

Notación[editar | modificar o codigo]

Distribución d'os instrumentos d'a batería en un pentagrama. 1) Bombo, 2) Caja, 3) Tom 1, 4) Tom 2,) 5. Timbala, 6) Hi-hat (pedal), 7) Hi-hat (zarrato), 8) Hi-hat (ubierto), 9) Ride y 10) Crash

Debito a la gran variedat de trazas de combinar os diferents instrumentos de percusión en una batería, no existe hue en día una notación estandar. Por ixo a vegatas s'incluye chunto con a partitura un diagrama con a explicación d'a distrubución d'os instrumentos (conoixito en anglés como drum key).

Asinas pues bi ha muitas convencions ta escribir as partituras de batería. En cuentas d'a tipica clau se i fa servir a clau de percusión u neutra, ya que como toz os instrumentos de percusión a batería no s'achusta a denguna nota musical. Amás en os instrumentos de metal (como os platiellos) s'emplega una nota con cabeza en forma de "X", mientres que ta os tambors se fa servir a tipica nota con cabeza de forma redonda. Cuan bi ha instrumentos que s'han de tanyer de traza conchunta as suyas notas s'achuntan a vegatas en a partitura. Tamién ye habitual, que os instrumentos que s'han de tanyer con os pies se metan en a parte baixa d'a partitura y con os palos d'as feguras musicals entabaixo, mientres que as partis que s'han de tanyer con as mans se meten en as ringlas mas altas y con os palos d'as feguras entalto. Una excepción a ista regla ye o hi-hat ya que se puet tanyer tanto con os piez como con as mans.

Cada instrumento se representa con una sola nota, ya que o sonito d'un instrumento de batería no se puet fer durar en o tiempo. Os silencios se fan simplament no tanyendo mientres a duración d'iste. De contino se veye un tipico ritmo de batería de ueito notas. Se veiga como se tanye o charles en as ueito corcheas, a caixa en as negras 2 y cuatre (coindindo en notación con as correspondients corcheas d'o charles) y o bombo en as negras 1, 3 y a corchea d'o tiempo 3. Os silencios d'o bombo en os tiempos 2 y 4 indican que no s'ha de tanyer:

Un ritmo simple de batería de ueito notas

Analís y aprendizache[editar | modificar o codigo]

L'aprendizache ye estreitament relacionau con a propia estructura d'a batería. A batería ye diferent d'a mayoría d'os atros instrumentos, ya que no se tracta nomás de tanyer con as dos mans, sino tamién con os dos piez. Amás no ye un solo instrumento, sino un conchunto de cuantos instrumentos, que s'han de meter de forma que se pueda acceder a éls de traza rapeda y comoda con mans y pietz. En primeras s'ha d'aprender a tanyer a caixa, ta dimpués pasar a la resta de instrumentos, estando especialment important aprender a combinar correctament o bombo con a caixa. Iste zaguer punto se puet describir como l'adquisición d'una correcta coordinación entre mans y piez y ye una parti important d'o proceso d'aprendizache d'o instrumento. Manimenos, ye o conchunto d'istos dos, as diferents combinacions en a caixa (y tamién en os toms) y o groove completo entre hi-hat, caixa y bombo, lo que fa a base d'un grupo de musica.

L'aprendizache a sobén se fa analizando y practicando una pieza musical. En primeras, ye prou important observar o tiempo y a estructura d'a obra. Dimpués s'analiza y aprende a parti de batería, ta dimpués pasar a tanyer chunto a la resta d'instrumentos. Emplegar y escribir partituras facilita muito, mas que mas en grans grupos, una correcta interpretación. Amás siempre ye important tamién tener en primerías conoiximientos chenerals de solfeo y adoptar una correcta posición sobre a batería.

Pedagochía[editar | modificar o codigo]

Se puet aprender a tanyer a batería en muitos conservatorios musicals. Atra traza de aprendizache prou popular son as clases particulars. Amás como un trango mas entabant en l'aprendizache d'a batería se puet estudiar percusión. Por un regular son uns estudios que se pueden cursar nomás en bella escuela superior u instituto privato como o Drummers Focus en Alemanya u o prestichioso Berklee College of Music en os Estaus Unius.

A batería chuga un papel muit important en a educación musical. Se fa servir a sobén t'amostrar a comprensión basica d'o ritmo y o compás en a musica. Debito a la rapeda sensación de exito, o ran de motivación entre os prencipiants ye prou alto. Iste grado de motivación s'ha de refirmar, ya que a complexidat d'o aprendizache aumenta a escape. Asinas o mayestro tien una gran responsabilidat. A traviés d'una motivación correcta a o prencipio de l'aprendizache se consigue que l'alumno contine con intrés l'aprendizache cuan a largo plazo puya a complexidat d'iste. Isto se puet y s'ha d'amillorar a traviés de l'uso d'o instrumento entre un grupo mas gran d'instrumentos como un grupo musical.

Se veiga tamién[editar | modificar o codigo]

Referencias[editar | modificar o codigo]

  1. Se veiga, por eixemplo, o Protection Racket bass drum muffler

Bibliografía[editar | modificar o codigo]

  • Joachim Fuchs-Charrier: History of Drumsetplaying, LEU-Verlag, ISBN 3-89775-041-4
  • James Holland: Das Schlagzeug. (= Yehudi Menuhins Musikführer). 2. durchges. u. aktualisierte Auflage. Edition Bergh im Verlag Ullstein, Frankfurt am Main u. a. 1994, ISBN 3-7163-0136-1
  • Tom Börner: Stimmen der Trommel. Im Handumdrehen zum guten Sound, Tipps zum Stimmen des Schlagzeugs. Verlag musiktotal, ISBN 3-9809547-9-X
  • Geoff Nicholls: The Drum Book. A history of the rock drum kit. Miller Freeman, San Francisco 1997, ISBN 0-87930-476-6
  • Peinkofer/Tannigel: Handbuch des Schlagzeugs. 2., rev. u. erg. Aufl., 1981
  • Christian Wenzel: Taschenlexikon Drumset und Percussion. PPVMEDIEN, Bergkirchen 2002, ISBN 3-932275-32-2
  • Tom Börner: Modern Snare Drum. Die snare Drum als eigenständiges Instrument erlernen. Verlag musiktotal, ISBN 3-9809547-4-9
  • Peter Wicke, Kai-Erik und Wieland Ziegenrücker: Handbuch der populären Musik. Überarb. und erw. Neuausgabe, 4. Auflage. Atlantis-Schott, Mainz 2001, ISBN 3-254-08363-6, S. 477–479, S. 437–46 u. a.
  • Stefan Schütz: Fundamentale Konzepte für Schlagzeuger. Ein Lesebuch. Leu Verlag, ISBN 3-89775-103-8; ISBN 978-3-89775-103-3
  • Tom Börner: Basisbuch Schlagzeug. Ein pädagogisch erprobtes Lern- und Spielkonzept mit vielen Solos und Duos. Verlag musiktotal, ISBN 3-9809547-1-4

Vinclos externos[editar | modificar o codigo]