Real Zaragoza

De Biquipedia
(Reendrezau dende Real Zaragoza CD)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
[[{{{4|Wikipedia:Articlos destacaus|...]]
Real Zaragoza
Datos
Nombre oficial Real Zaragoza, S. A. D.
Embotada(s) Blanquillos
Establito 18 de marzo de 1932
como Real Zaragoza Foot-ball Club
Socios 20.400
Propietario RZ LLC (63,96%)
Juan Forcén (13,46%)
Familia Yarza (13,46%)
Chicoz accionistas
President border Estaus Unius Jorge Más Santos
Dir. esportivo border Espanya Juan Carlos Cordero
Entrenador border Espanya Fran Escribá
Instalacions
Nombre La Romareda
Localidat Zaragoza
Aforo 34.596
Devantad. 8 de setiembre de 1957
Altras inst. Ciudat Esportiva
Zaguera temporada
Liga Segunda división espanyola
2021-22 10eno
Equipacions
Primera
equipación
Segunda
equipación
Tercera
equipación
Pachina oficial d'o club

O Real Zaragoza ye un club de fútbol aragonés, d'a ciudat de Zaragoza. Estió establito en 1932 y actualment chuga en a Segunda división espanyola de fútbol.

Historia[editar | modificar o codigo]

Antecedents[editar | modificar o codigo]

Escudo d'o Zaragoza CD.
Escudo d'o Iberia SC.

En 1903, a tamas d'o esconoiximiento cheneral d'a sociedat sobre o fútbol, naixe o primer equipo local, o Zaragoza Fútbol Club, a on a lo prencipio se impartiban as nocions basicas d'iste esporte ta mirar de reunir prous chugadors ta formar l'equipo. Manimenos, a versión moderna de l'equipo estió establita en 1921 por un grupo de estudiants de Medicina y recibe un nombre diferent, Zaragoza CD, anque ye conoixito con a embotada d'os "tomates" por o suyo uniforme royo. Entre 1924 y 1925 l'equipo se fusiona con os equipos menors Fuenclara y Stadium, alquirindo mayor fuerza aintro d'o fútbol local y tamién trestallando-lo ya que existiba antimás unatro equipo en a ciudat l'Iberia SC.

L'Iberia SC naixe tamién en os primers anyos d'o sieglo XX y se torna en l'equipo dominador d'o fútbol local por a suya estructura, ya que atrayeba gran cantidat de publico a los partius y premitiba a participación d'o sector popular en as suyas filas. En os suyos primers anyos tenió dos oportunidaz de puyar ta la primera división espanyola, anque a la fin no lo consiguió. A iste equipo le metioron a embotada d'os "vriespas".

Fundación[editar | modificar o codigo]

Logo comercial d'o Real Zaragoza mentres os anyos novanta y dosmil.
Escudo d'o Zaragoza Foot-ball Club.

O club estió establito lo 18 de marzo de 1932, con o nombre de Zaragoza Foot-ball Club, dimpués d'a desaparición d'o Iberia SC y o Zaragoza CD como consecuencia d'os suyos problemas economicos, cuan deciden fusionarse per formar aquesto. D'ista traza se respondeba a la demanda d'un gran club por parti d'a Federación Aragonesa de Fútbol. Con a fusión s'hereda la sección de natación que teneba l'Iberia, per lo que se creya tamién la sección de natación d'o Zaragoza Club de Futbol que se zarró con o comienzo d'a Guerra Cívil espanyola en 1936 y ya no tornó a restablir-se, tamién s'hereda a sección d'atletismo d'o Real Zaragoza pero no se formaliza dica 1934. En a temporada 39-40, dimpués d'a Guerra Civil, o Real Zaragoza chugó por primera vegata en Primera división. Estió en ixa decada cuan o Real Zaragoza reunió a suya primera cheneración destacata de chugadors, a conoixita como "Los Alifantes". Se diz que a embotada d'Alifantes apareixió mientres un partiu en Barcelona contra o CE Júpiter, cuan o Real Zaragoza ganaba por 0-3 un periodista aragonés sintió que un aficionato local deciba -"ye imposible de meter-les un gol, son como Alifantes"-, debito segurament a la gran altaria d'os chugadors aragoneses, bels cuantos d'ellos por dencima de 1'90. En l'anyo 2007 se celebró lo 75 cabo d'anyo d'o naiximiento d'o club.

Decada d'os 40 y os 50[editar | modificar o codigo]

En as dos siguients decadas, os 40 (conoixita como A epoca negra) y os 50 (caracterizata por l'equipo dito "Los millonarios") o Real Zaragoza dondió por o Campionato de Liga puyando y baxando de contino entre primera y segunda división. En a decada de 1940-50, l'equipo vive a suya pior etapa. En primeras desciende ta la Segunda División dimpués de dos anyos en Primera. Anque tornó ta la primera categoría en un anyo, baixó unatra vegata y dica l'anyo 1951 no tornaría a Primera (o mesmo anyo en o que adotó l'adchectivo "Real" (reyal) en o suyo nombre) baixando mesmo ta la Tercera División en 1947. A la fin d'os 40 y prencipios d'os 50 marcarba la epoca de "Los Millonarios", por a gran cantidat de diners que o president Julián Abril invirtió en os chugadors, pero bellas tensions en a plantilla facioron que ista epoca rematase con a tornata ta la Segunda División en l'anyo 1953.

Decada d'os 60[editar | modificar o codigo]

Ye en a decada d'os 60 cuan o club vive os suyos millors anyos con o mitico equipo d'"Os Magnificos", debantera formada por Canario, Santos, Marcelino, Villa y Lapetra, que levoron l'equipo ta cuatro finals de Copa d'Espanya, (en 1963, 1964, 1965 y 1966) d'as que ganoron dos (1964 contra l'Atlético de Madrid 1-2 con gols de Lapetra y Villa; y 1966 frent a l'Athletic de Bilbao con gols de Villa y Lapetra de nuevas), ta dos finals d'a Copa de Ferias (1964 y 1966) d'a que ganoron a primera contra o Valencia CF con gols de Villa y Marcelino, y una semifinal d'a Recopa de Europa (1965, estando redotatos por o West Ham Utd anglés).

Decada d'os 70[editar | modificar o codigo]

En a decada d'os 70 y d'a man de José Ángel Zalba, unatro equipo marcó una epoca en o Club: "Os Zaraguayos", clamatos asinas en honor a la colla de chugadors uruguayos y paraguayos que feban parti d'ixe equipo; "Cacho" Blanco, Soto, "Lobo" Diarte, Ocampos y "Nino" Arrua, que estió nombrato o millor chugador d'America y yera lo líder de l'equipo. Anque o suyo chuego les fació famosos, de man d'o entrenador Luis Cid Carriega, no consiguioron garra títol, estando un sozcampionato de copa en 1976 o suyo millor momento. Ta par d'alavez s'obtenioron os millors resultatos en a Primera división espanyola, tercers en l'anyada 1973/74 y segundos en a 1974/75, (encara se remera o 6-1 contra o Real Madrid, en dita temporada). Ista racha remató con o descenso de l'equipo en 1976/77, puyando ta Primera unatra vegata en l'anyada siguient.

Decada d'os 80[editar | modificar o codigo]

En a decada d'os 80 a trachectoria esportiva estió prou regular, estando los unicos trunfos destacables a Copa de 1986, ganata a lo FC Barcelona y a semifinal d'a Recopa d'Europa en 1987, a on estioron eliminatos por l'Ajax d'Amsterdam. En 1988 deixó a presidencia d'o club Miguel Beltran y José Ángel Zalba se tornó unatra vegata en president.

Decada d'os 90[editar | modificar o codigo]

O Real Zaragoza mentres o partido final d'a Copa d'o Rei en o Santiago Bernabeu de Madrid, que perdioron debant d'o RCD Espanyol.
José Ángel Zalba, l'hombre que ha presidito mas anyos a lo Real Zaragoza.

En 1991 y baixo a presidencia de José Ángel Zalba prencipia a entrenar por primera vegata Víctor Fernández como entrenador de primera division, en 1992 o club ha de tornar-se en Sociedat Anonima, y ye en ixe inte cuan remata a presidencia de José Ángel Zalba y Alfonso Soláns pai merca a mayor parti d'as accions d'o club. Con un choven Víctor Fernández como entrenador en a temporada 1991/1992 l'equipo se clasifica ta la UEFA y prencipia asinas una etapa de exitos: en 1993 se plega en a setena final de Copa, que remata con una redota debant d'o Real Madrid; en 1994 se gana a copa a lo Celta de Vigo en os tiros de penaltis y quedando tercers en a Liga.

Manimenos ye o 10 de mayo de 1995 cuan o Zaragoza obtiene o suyo mayor trunfo: en o Parque d'os Prencipes de París gana a l'Arsenal FC por 2 a 1, proclamando-se campión d'a Recopa d'Europa de 1995. Ista victoria estió encara mas important porque o 2-1 definitivo s'aconsiguió faltando 10 segundos ta la fin d'o partiu con un gol de Nayim dende metat d'o campo, a mas de 60 metros d'a puerta. Iste equipo estió clamato a "Quinta de París" y l'once titular yera formato por: Cedrún, Belsué, Cáceres, Aguado, Solana, Nayim, Poyet, Aragón, Higuera, Esnáider y Pardeza. A l'anyo siguient chugó a Supercopa d'Europa pero la perdió contra l'Ajax d'Amsterdam.

En 1996 Alfonso Soláns fillo se convirtió en president d'a entidat, prencipiando una epoca de piors resultatos economicos y esportivos, sacato un buen puesto en a Liga en l'anyada 1999/2000.

Anyos 2000[editar | modificar o codigo]

En ista epoca l'equipo chuga tres finals de Copa: en 2001, que ganará a lo Celta de Vigo por 1-3, en 2004, cuan vence a lo Real Madrid por 3-2 y en 2006 que pierde con o RCD Espanyol por 4-1. Tanimientres, en a temporada 2001/02 baixa ta la Segunda División tornando ta la primera categoría a temporada siguient. En la temporada 2004/05 se gana la Supercopa d'Espanya a lo Valencia CF, dimpués de perder por 0-1 en La Romareda y ganar en Mestalla por 1-3.

Logotipo per os 75eno aniversario d'o Real Zaragoza.

En l'anyada 2006/07 o club cambea de propietario, estando agora l'empresario Agapito Iglesias o maximo accionista y Eduardo Bandrés o nuevo president, tornando Víctor Fernández ta lo banquet. En a primera temporada d'o nuevo president, o club consigue a clasificación ta chugar a Copa d'a UEFA habendo quedato en a seisena posición en o Campionato espanyol de Liga.

O Real Zaragoza ficha en a primera temporada d'Agapito Iglesias y Eduardo Bandrés a seis chugadors: Aimar, Diogo, Sergio Fernández, Piqué, D'Alessandro y Juanfran. Tamién se produce un cambeo en a estructura administrativa d'o club destacando a baixa de Jerónimo Suárez como director cheneral y l'alta de Manuel de Miguel como director de comunicación.

En a temporada 2007-2008 o Real Zaragoza incorpora de verano a ueito chugadors: López Vallejo, Ayala, Pavón, Matuzalem, Gabi, Paredes, Oliveira y Luccin.

75 anyos d'historia[editar | modificar o codigo]

O club cumple en 2007 os 75 anyos d'historia, y o club organizó diversos actos ta celebrar-lo. En a parti esportiva, antimás d'a gran anyada que tenió l'equipo, o 18 de marzo de 2007 se celebró una fiesta en La Romareda con un partiu homenache entre o Real Zaragoza y l'Atlético de Madrid.

Estadio[editar | modificar o codigo]

O estadio de la Romareda s'inaguró con un partiu entre o Real Zaragoza y l'Osasuna o 8 de setiembre de 1957, estando president d'o club manyo Cesáreo Alierta. Ganoron os locals 4-3 con gols de Vila (o primer gol en La Romareda), Wilson, Murillo y Vila por segunda vegada y Areta, Gabino y Glaría t'os foranos.

O campo tenió cuantos apanyos entre 1977, cuan se construyoron os nuevos escalerons cubiertos de Norte y Sud y en 1982 cuan se construyoron as cubiertas de cheneral posato debito a que o estadio iba a estar seu d'o Mundial d'Espanya '82. As zagueras obras se facioron en 1994 ta adecuar-lo ta la normativa d'a UEFA que obliga a que bi haiga posientos en todas as localidaz.

Plantilla 2022/23[editar | modificar o codigo]

Ta plantillas d'anyos anteriors se veiga Lista de plantillas d'o Real Zaragoza
Num. Posición Chugador
1 POR Cristian Álvarez
2 ESF Fuentes
3 ESF Jair Amador
4 MEY Petrović
5 MEY Grau
6 ESF Francés
7 DEB Puche
8 MEY Eugeni
9 DEB Azón
10 MEY Bermejo
11 MEY Vada
12 MEY Larrazabal
13 POR Ratón
14 MEY Francho Serrano
Num. Posición Chugador
15 ESF Jairo Quinteros
16 ESF Lasure
17 ESF Nieto
18 ESF Gámez
19 DEB Gueye
20 DEB Giuliano Simeone
21 MEY Zapater (capitán)
22 ESF Vigaray
23 MEY Manu Molina
24 ESF Lluís López
27 ESF Marcos Luna
28 DEB Mollejo
35 POR Rebollo

Como desichen as normas d'a LFP, os chugadors d'a primera plantilla han de levar os dorsals de l'1 a o 25, entre que d'o 25 enta debant serán chugadors de l'equipo filial. Asinas, os chugadors con dorsals superiors a o 25 son, a toz os efectos, chugadors d'o Deportivo Aragón y como tals, podrán compachinar partius con o primer y segundo equipo.

A lista incluye nomás a nacionalidat prencipal de cada chugador. Beluns d'os chugadors no europeus tienen doble nacionalidat de bel país d'a Unión Europea:

Equipo tecnico:

Chugadors famosos[editar | modificar o codigo]

Entrenadors[editar | modificar o codigo]

Se veiga l'articlo: Lista d'entrenadors d'o Real Zaragoza

Entrenadors celebres[editar | modificar o codigo]

Luis Belló Ferdinand Daučík Luis Costa Víctor Fernández Víctor Muñoz

1 Copa d'o Rei
(1963/64)

1 Copa de Ferias
(1963/64)

1 Copa d'o Rei (1965/66)

2 Copas d'o Rei
(1985/86 y 2000/01)

1 Copa d'o Rei
(1993/94)


1 Recopa d'Europa
(1994/95)

1 Copa d'o Rei
(2003/04)

1 Supercopa d'Espanya (2004)

Deportivo Aragón[editar | modificar o codigo]

Articlo prencipal: Deportivo Aragón.

O Deportivo Aragón, ye l'equipo filial d'o club. Estió establito en 1958 y chuga actualment en Tercera División (Grupo XVII).

Secciones d'atros esportes[editar | modificar o codigo]

  • Con a fusión s'hereda la sección de natación que teneba l'Iberia, per lo que se creya tamién la sección de natación d'o Zaragoza Club de Futbol que se zarró con o comienzo d'a Guerra Cívil espanyola en 1936 y ya no tornó a restablir-se.[1]
  • Tamén s'hereda a sección d'atletismo pero no se formalizó dica l'anyo 1934 y que desapareixió en zaguerias d'a decada de 1990 siendo president d'o club Alfonso Solans.[2]
  • Tamién existió una sección de baloncesto masculín que arribó a partecipar en a primera división de baloncesto d'Espanya en a temporata 1960-61, siendo l'11eno claseficato.
  • Durante cuatre anyadas dende 1966 dica 1970 tamién bi habió sección de baloncesto femenín partecipando en Primera División en 1966 y as atras en segunda dica a suya desaparición.[3]
  • Tamién tenió sección de hockey sobre patins encara que se conoixe muito poco sobre la suya actividat. Si ye seguro que disputó la fase de ascenso a la Liga Nacional, per lo que ye probable que disputase cuantas temporadas en a Segunda División en os 1940 u 1950.[4]

Himno[editar | modificar o codigo]

Se veiga l'articlo prencipal sobre l'himno d'o Real Zaragoza

A musica y a letra son de Juan Ignacio Notario Romeo:

Himno en castellano (oficial)

El Zaragoza va a jugar
El Zaragoza va a vencer
El Zaragoza va a luchar
por su afición
Y los mañicos auparán
a los blanquillos del león
Azul y blanco es el color del campeón
Estrebiello:
Aúpa Zaragoza
Arriba y a vencer
Palmadas al viento
que gritan ganareis
La raza en el juego
Nobleza y valor
Bandera y orgullo
de nuestro Aragón
La Romareda vibrará
y el cachirulo se alzará
como un gigante es el equipo aragonés
El Zaragoza es la afición
con once grandes del balón
y una leyenda con trofeos al mejor
Estrebiello
A ganar, a ganar, El Zaragoza va a ganar
A ganar, a ganar, El Zaragoza ganarará
A ganar, a ganar, El Zaragoza va a ganar
A ganar, a ganar, El Zaragoza ganarará

Himno en aragonés (no oficial)

O Zaragoza va a chugar
O Zaragoza va a vencer
O Zaragoza va a luitar
por a suya afición
y os manyicos puyarán
a os blanquiellos d'o lión
azul y blanca ye a color d'o campión
Estrebiello:
Aupa Zaragoza
Entalto y a vencer
Chapadas ta l'aire
que chilan ganarez
A rasmia en o chuego
Nobleza y valor
Bandiera y orgüello
d'o nuestro Aragón
La Romareda vibrará
y o cachirulo bandiará
como un chigant ye l'equipo aragonés
O Zaragoza ye l'afición
con once grans d'o pilotón
y una leyenda de trofeus ta o millor
Estrebiello
A ganar a ganar, O Zaragoza va a ganar
A ganar, a ganar, O Zaragoza ganará
A ganar a ganar, O Zaragoza va a ganar
A ganar, a ganar, O Zaragoza ganará

Temporadas[editar | modificar o codigo]

  • Como Zaragoza Foot-ball Club:
Temporada División Posición Copa d'o Rei
1932/33 Ueitenos de final
1933/34 Ueitenos de final
1934/35 Cuatrenos de final
1935/36 Cuatrenos de final
1939/40 7eno Semifinals
1940/41 11eno Tercera ronda
 
  • Como Zaragoza Club de Fútbol:
Temporada División Posición Copa d'o Rei
1941/42 Ueitenos de final
1942/43 13eno Ueitenos de final
1943/44 6eno Deciseisenos de final
1944/45 7eno Primera ronda
1945/46 10eno Primera ronda
1946/47 13eno Primera ronda
1947/48 Tercera ronda
1948/49 Primera ronda
1949/50 4eno Segunda ronda
1950/51
  • Como Real Zaragoza Club Deportivo:
Temporada División Posición Copa d'o Rei
1951/52 12eno Cuatrenos de final
1952/53 16eno
1953/54 9eno
1954/55
1955/56
1956/57 9eno Ueitenos de final
1957/58 14eno Ueitenos de final
1958/59 9eno Ueitenos de final
1959/60 11eno Dieciseisenos de final
1960/61 Ueitenos de final
1961/62 4eno Semifinals
1962/63 5eno Sozcampión
1963/64 4eno Campión
1964/65 Sozcampión
1965/66 4eno Campión
1966/67 5eno Deciseisenos de final
1967/68 5eno Cuatrenos de final
1968/69 13eno Ueitenos de final
1969/70 8eno Semifinals
1970/71 16eno Ueitenos de final
1971/72 Cuatrena ronda
Temporada División Posición Copa d'o Rei
1972/73 8eno Cinquena ronda
1973/74 Cuatrenos de final
1974/75 Semifinals
1975/76 14eno Sozcampión
1976/77 16eno Cuatrenos de final
1977/78 Ueitenos de final
1978/79 14eno Cuatrenos de final
1979/80 10eno Primera ronda
1980/81 14eno Primera ronda
1981/82 11eno Cuatrenos de final
1982/83 6eno Segunda ronda
1983/84 7eno Tercera ronda
1984/85 10eno Semifinals
1985/86 4eno Campión
1986/87 5eno Ueitenos de final
1987/88 11eno Dieciseisenos de final
1988/89 5eno Dieciseisenos de final
1989/90 9eno Cuatrenos de final
1990/91 17eno Ueitenos de final
1991/92 6eno Cinquena ronda
  • Como Real Zaragoza, S. A. D. :
Temporada División Posición Copa d'o Rei
1992/93 9eno Sozcampión
1993/94 Campión
1994/95 7eno Ueitenos de final
1995/96 13eno Cuatrenos de final
1996/97 14eno Tercera ronda
1997/98 13eno Semifinals
1998/99 9eno Tercera ronda
1999/00 4eno Ueitenos de final
2000/01 17eno Campión
2001/02 20eno Primera ronda
2002/03 Segunda ronda
2003/04 12eno Campión
2004/05 12eno Segunda ronda
2005/06 11eno Sozcampión
2006/07 6eno Cuatrenos de final
2007/08 18eno Ueitenos de final
2008/09 Segunda ronda
2009/10 14eno Dieciseisenos de final
2010/11 13eno Dieciseisenos de final
2011/12 16eno Dieciseisenos de final
2012/13 20eno Cuatrenos de final
Temporada División Posición Copa d'o Rei
2013/14 14eno Segunda ronda
2014/15 6eno Segunda ronda
2015/16 8eno Tercera ronda
2016/17 16eno Segunda ronda
2017/18 3eno Dieciseisenos de final
2018/19 15eno Tercera ronda
2019/20 3eno Ueitenos de final
2020/21 15eno Segunda ronda
2021/22 10eno Dieciseisenos de final

Datos d'o club[editar | modificar o codigo]

Palmarés[editar | modificar o codigo]

Títols internacionals[editar | modificar o codigo]

Títols nacionals de primer ran[editar | modificar o codigo]

Atros títols nacionals[editar | modificar o codigo]

Torneus regionals[editar | modificar o codigo]

  • Campión d'o Campionato Mancomunado Navarra-Guipuzcoa-Aragón (1): 1940.
  • Sozcampión d'o Campionato Mancomunado Castiella-Aragón (1): 1936.

Torneus amistosos[editar | modificar o codigo]

  • Trofeu Emma Cuervo (1): 1959.
  • Trofeu Ramón de Carranza (1): 1965.
  • Trofeu Ciudat de Zaragoza (26): 1974, 1975, 1976, 1978, 1979, 1981, 1983, 1986, 1987, 1989, 1991, 1992, 1994, 1995, 1996, 1999, 2000, 2001, 2002, 2003, 2005, 2006, 2007, 2011, 2012 y 2013.
  • Trofeu Ciudat de Barcelona (1): 1980.
  • Trofeu Ciudat de Valladolit (2): 1986 y 1989.
  • Trofeu Festa d'Elx (1): 1990.
  • Trofeu Cervantes (1): 1991.
  • Trofeu Colombino (1): 1994.
  • Torneu Città di Rieti (1): 1998.
  • Trofeu Caja Duero (3): 2006, 2009 y 2010.
  • Trofeu Concepción Arenal (1): 2008.
  • Trofeu del Día del Blusa y de la Neska (1): 2010.
  • Trofeu Ciudat de Teruel (1): 2010.
  • Trofeu Ciudat de Vigo (1): 2010.
  • Trofeu Ciutat de Tarragona (2): 2013, 2016.
  • Trofeu Virgen Blanca (1): 2016.

Referencias[editar | modificar o codigo]

Vinclos externos[editar | modificar o codigo]

Pachinas oficials:

Pachinas no oficials:


Segunda División - Anyada 2023/24
Albacete BP | Burgos CF | CD Eldense | CD Leganés | CD Lugo | CD Mirandés | CD Tenerife | Elche CF | FC Andorra | FC Cartagena | Levante UD | Racing de Ferrol | RCD Espanyol | Racing de Santander | Real Oviedo | Real Sporting | Real Zaragoza | SD Amorebieta | SD Eibar | SD Huesca | UD Las Palmas | Villarreal B


Esporte d'elite en Aragón
Seleccions: Selección de baloncesto | Selección de handbol | Selección de fútbol
Atletismo: Simply - Scorpio 71 (masculín) | Simply - Scorpio 71 (femenín) | At. Intec-Zoiti | Hinaco Monzón
Baloncesto: Casademont Zaragoza | Casademont Zaragoza femenín | Peñas Huesca
Fútbol: Real Zaragoza | SD Huesca | Zaragoza CFF | CD Brea | CD Ebro | CD Teruel | Deportivo Aragón | SD Tarazona | Utebo FC
Fútbol americano: Zaragoza Hurricanes | Zaragoza Hornets | Zaragoza Dark Knights
Fútbol sala: Fútbol Emotion Zaragoza | Sala Zaragoza Femenino
Handbol: Bada Huesca
Hockey chelo: Club Hielo Jaca
Rugby: Fénix Rugby
Voleibol: Club Voleibol Teruel
Waterpolo: EW Zaragoza | Gersan Helios