Club Deportivo Ebro

De Biquipedia
Ir a la navegación Ir a la búsqueda
[[{{{4|Wikipedia:Articlos destacatos|...]]
LinkFA-star Aragon.svg
C. D. Ebro
Escudo
Datos
Nombre oficial Club Deportivo Ebro
Embotada(s) Arlequinaus
Establito 1942
Reestablito 1961
Instalacions
Nombre Estadio L'Almozara-El Carmen
Localidat Zaragoza
Aforo 1.000
Devantad. 9 de setiembre de 1990
Dirección
President Aragón Jesús Navarro
Dir. esportivo Basque Country Ander Garitano
Entrenador Aragón Emilio Larraz
Títols
Nacionals Tercera División (1)
Altros títols Rechional Preferent (1)
Competición
Liga Segunda División B (Grupo III)
2016-17 12eno
Pachina oficial d'o club
Equipacions
Kit left arm.svg Kit body sabadell home.png Kit right arm.svg
Kit shorts.svg
Kit socks.svg
Primera
equipación
Kit left arm.svg Kit body.svg Kit right arm.svg
Kit shorts.svg
Kit socks.svg
Segunda
equipación
Kit left arm.svg Kit body unknown.png Kit right arm.svg
Kit shorts.svg
Kit socks.svg
Tercera
equipación

O Club Deportivo Ebro ye un club de fútbol aragonés, d'o vico zaragozano de L'Almozara. Fue establito en 1942 y actualment chuga en a Segunda División B (Grupo III).

Historia[editar | editar código]

Os primers anyos[editar | editar código]

En l'anyo 1942, en mel meyo d'os anyos de posguerra, una colla de vecins d'o vico zaragozano de l'Almozara encabezaus por o sinyor Calavia fundarán o Club Deportivo Ebro. L'Almozara, conoixida ta par d'alavez popularment como La Quimica por estar o puesto a on se trobaban diferents industrias quimicas d'a ciudat, yera un vico humilde y obrero, caracteristicas que definirian a o nuevo club y serían un d'os suyos sinyals d'identidat. En istos primers anyos l'Ebro feba servir ya a suya tipica chambreta arlequinada azula y blanca con pantalons y calzas de color negra. A suya seu social se trobaba en Paseyo d'Echegaray y Caballero nº 1, en l'antigo Bar Ebro, chunto a l'actual Plaza d'Europa y muit amán d'o río que le da nombre, l'Ebro. O equipe prencipia a competir ixa mesma temporada 1942-43, estando president Ismael Calavia Murillo -fundador d'o club- en Tercera Rechional, a zaguera categoría organizada por a Federación Aragonesa de Fútbol, rematando en seisena posición y puyando ta Segunda Rechional debiu a la reestructuración d'as categorías ixe anyo.

A primera seu d'o club se trobaba en Echegaray Caballero nº 1

En as siguients temporadas chugará en ista nueva categoría en un grupo formau prencipalment por equipes d'a ciudat de Zaragoza y beluno de l'aria metropolitana y d'a capital uescana. Rematará en una sobrebuena tercera posición en a edición de 1943-44 ta conseguir en 1944-45 o subcampionato d'a categoría por dezaga nomás d'o C.D. Lasalle. Por no tener un campo de chuego propio o CD Ebro habió de chugar istos primers anyos en o campo de Sant Antonio, anexo a o Campo de Torrero, estadio d'o Zaragoza C.F. y situau en o vico d'o mesmo nombre. A temporada 1945-46 rematará en ueitena posición y en 1946-47 sieteno, ganando amás iste anyo o Campionato d'Aragón d'Aficionaus y clasificando-se asinas ta chugar o Campionato d'Espanya. L'anyo 1947-48 torna a conseguir a tercera posición en liga por dezaga de C.D. Celta y C.D. Eléctricas Reunidas, puyando asinas a Primera Rechional. Será ista 1948-49 manimenos a suya zaguera temporada en competicions oficials, ya que en 1949 dimpués d'o suyo zaguer partiu en Ayerbe o club se retira d'a competición y desapareixe.

A refundación[editar | editar código]

Dotze anyos dimpués, en a temporada 1961-62, prencipia a segunda etapa d'o club zaragozano. Un d'aficionaus a o fútbol residents en o vico encabezaus por antigos y futuros directivos d'o CD Ebro como Victoriano Herrando, Santiago Sediles, Paulino Larena, José Cester, José Gallén y Armando Guerra tornan a refundar o club que prencipiará chugando en categorías rechionals. Important ye mas que mas l'aduya de Domingo Vela, ex-portero d'o Real Zaragoza C.D. en a temporada 1953-54 que fació d'entrenador. A seu se troba por ixas envueltas en o Bar Ebro situau en a carrera d'o mesmo nombre. Entre atros torneyos l'Ebro ferá parti d'a Copa Primavera u a Copa Pepsi-Cola, chugando a más quantos partius amistosos. A cifra de socios puyará en os siguients anyos dica os doscientos en 1964, por o que en chinero de 1965 se redactarán os estatutos d'o club con l'obchectivo de constituyir una chunta directiva y dar-se d'alta en a Federación Aragonesa.

O president yera Victoriano Herrando, o tresorero Fernando Gómez y o secretaire Armando Guerra, estando vocals Vicente Sopesens, Paulino Larena, Santiago Sediles, Domingo Vela, José Gallén, Blas González y Miguel Asso. Dau que no teneban campo propio habrán de chugar os suyos partius en o Campo d'os Escolapios, a on chugarán a Copa Primavera de 1965 y ganarán a Copa Pepsi-Cola. Manimenos os problemas asociaus a las chicotas dimensions d'o colechio ta inscribir-se en a Federación Aragonesa, fan que o CD Ebro haiga de tresladar os suyos partius como locals a o campo tierra de Sant Gregorio, situau en o norte d'a ciudat. A temporada 1965-66 prencipia con o cambeo a o nuevo president Joaquín Moncín Anglada por Victoriano Herrando y chugando en Segunda Rechional categoría en a que rematarán en quatreno puesto.

A siguient temporada 1966-67 o president Julio Hernández del Río chestiona a creyación d'un equipe filial chovenil, formau por a fusión con o Club Hesperia y que competirá con o nombre de Ebro-Hesperia en o Campionato de Chovenils. Atra vegada tornan a tresladar-se os partius como local enta o Campo de Delicias, propiedat d'o Club de Fútbol Renfe que ta par d'alavez chugaba en Tercera División, situau chunto a la gara de Delicias.

En a resta d'a decada de 1960 o CD Ebro continará chugando en Segunda Regional, sin trobar un campo propio que le permitise puyar enta a Primera Rechinal. En istos zaguers anyos o suyo president estió José Francisco Gavín Mené.

Pelegrinache por as categorías rechinals[editar | editar código]

En a decada de 1970 se chugo en diferents campos federativos como Sant Gregorio (Cascallo), Picarral u Miralbueno. Andrés Velilla y José Martínez estioron presidents en istas primeras epocas. En rematar a temporada 1972-73 tornó a baixar-se a Tercera Rechional con Domingo Vela Navarro. En l'anyo 1974 con a reestructuración de categorías d'a Federación Aragonesa a Segunda Rechional pasa a decir-se Segunda Rechional Preferent y a Tercera Regional cambea de nombre a Segunda Rechional. Ya en 1975 prene o mando d'a presidencia José María Sánchez y en 1979 o ex-chugador d'a entidat José Luís Bailera Martínez. A seu social d'o club se treslada dende o Bar Ebro enta o Bar Dalmau y o equipe remata a temporada 1979-80 en segunda posición por dezaga d'o C. D. Movera puyando asinas a Primera Rechional.

Puyada a Tercera División[editar | editar código]

Partiu d'a temporada 2009-10 contra o CD Altorricón

Ya en a decada de 1980 o president José Luis Bailera prencipia a modernización o club, tresladando a celebración d'os partius enta o Campo d'Escolapios (en l'actual Pavillón de L'Almozara) y mirando d'embrecar asinas, con l'aduya de nuevos directivos como Jacinto Bailo y José Mª Díez, a os vecins d'o vico en o equipe. Dura poco tiempo o debut d'o club en Primera Rechional, tornando a la fin d'a temporada 1980-81 a Segunda Rechional en rematar decinueno.

Dimpués de rematar seiseno a temporada 1981-82 y dotzeno a temporada 1982-83 ye en iste zaguer anyo, con Manuel Bayo Monterde como president, quan una colla de vecins d'o vico de l'Almozara como Miguel Bernal, Fernando Bermejo, José L. Rived, Romeo, Roy, Abadía, Martínez, Cañete, Cebollada, Iturriaga, Mainar, Friestas, Viñas, Rubio u Herrando entre atros s'unirán a o equipe, formando-se amás categorías inferiors de chovenils, infantils y alevins que serán os alazetz d'o futuro Club Deportivo Ebro. O equipe arlequinau contina chugando en Segunda Rechional, rematando sieteno en a temporada 1983-84 y ueiteno en a 1984-85, puyando en os siguients anyos consecutivament a Primera Rechional y dimpués a Rechional Preferent. Con Benito Ansón como president se rematará a temporada 1988-89 en ueitena posición y se ganará o campionato de liga en a campanya 1989-90, puyando asinas a la fin a Tercera División.

A la fin un estadio propio[editar | editar código]

En prencipiar a suya primera temporada en a maxima categoría d'o fútbol nacional, o club prencipia a chestionar con o Concello de Zaragoza a creyación d'un estadio en uns terrenos d'a carrera Sierra de Vicor situaus chunto a o río Ebro y que será baltizau con o nombre de Campo d'El Carmen y enguerau o 9 de setiembre de 1990 en un partiu oficial de Liga con victoria d'os locals debant de l'A.D. Sabiñánigo. O campo, encara de tierra, ye o primero en a historia d'o club que ye d'a suya titularidat. En ista primera temporada 1990-91 en a categoría o equipe arlequinau rematará en docena posición, quedando dimpués deceno en a campanya 1991-92 y nueno en a temporada 1992-93, tornando a baixar enta Rechional Preferent dimpués de rematar decinueno en a temporada 1993-94.

Asinas, dimpués de rematar quatreno en a temporada 1994-95, se consigue o segundo puesto en a 1995-96 dezaga d'o Club Atlético Monzón, chugando a promoción ta puyar a Tercera División debant d'a S.D. Tarazona; y puyando dimpués d'un 2-1 en casa y una victoria por 1-2 en a localidat turiasonense.

En a suya tornada a la primera división aragonesa, os arlequinaus rematarán a temporada 1996-97 en deciueitena posición baixando atra vegada a Rechinal Preferent. Igual que a zaguera vegada dimpués de dos temporadas en a categoría quedando sietenos en a edición de 1997-98 y segundos en 1998-99 a un punto nomás d'o lider, o C.D. San Gregorio Arrabal, torna a puyar-se automaticament a Tercera división. En ista zaguera temporada 1999-00 se rematará en quincena posición a pocos puntos d'o descenso con Jesús Navarro en a presidencia y Enrique Oviedo en o banquiello.

Confirmación en Tercera División[editar | editar código]

En a temporada 2000-01 se remata en dotzena posición con Julio López como entrenador, encara que en a siguient campanya 2001-02 a plegada de Juan Carlos Arribas como nuevo tecnico fa que o club de l'Almozara remate l'anyo como quatreno clasificau, chugando asinas a liga de promoción a Segunda B que rematará en zaguera posición dezaga de Peña Sport F.C., S.D. Lemona y C.D. Tropezón.

China-chana manimenos o club s'afianza en a Tercera división, quedando por un regular en as posicions de metat de tabla sin guaires opcions de puyar, pero tamién con a tranquilidat de veyer dende luen os puestos de descenso. En a siguient temporada 2002-03 rematará onceno con Pedro Antonio Moreno como entrenador y en 2003-04 será dotzeno con o mesmo técnico, rematando catorceno en 2004-05. Dimpués de rematar onceno succesivament en os anyos 2005-06 y 2006-07, baixa a la fin en a temporada 2007-08 a Rechional preferent dimpués de rematar decisieteno, zarrando asinas un ciclo de nueu temporadas chugando de contino en a Tercera división.

Pasará dos anyadas chugando en Rechinal preferent, rematando quatreno en 2008-09 y campión d'o grupo I en a edición de 2009-10, tornando asinas atra vegada a l'anyo venient a la primera categoría d'o fútbol nacional.

O suenio d'a Segunda B[editar | editar código]

Prencipia a decada de 2010 con Jesús Navarro como president y con a renovación d'o Campo d'El Carmen en l'anyo 2010 instalando-se cespede artificial. L'obchetivo ta os siguients anyos ye prencipiar estabilizando-se en a Tercera división ta mirar de puyar enta a Segunda división B, convertindo-se asinas l'Ebro en o segundo club en importancia d'a ciudat dimpués d'o Real Zaragoza. D'a man de Juan Carlos Ruiz de Lazcano como secretaire tecnico prencipia a reorganizar-se o club, rematando en trecena posición en a temporada 2010-11, dotzeno en 2011-12 y a la fin tercero en 2012-13 por dezaga de C.D. Sariñena y Andorra C.F., chugando asinas a promoción ta puyar a Segunda B, estando eliminaus en quatrenos de final por a S.D. Compostela con un resultau de 4-0 en a capital gallega y empaz 2-2 en casa.

Ta par d'alavez o equipe chovenil prencipia a obtener muit buenos resultaus, dando asinas a cantera buenos chugadors ta o futuro d'o primer equipe. En a temporada 2013-14 se remata en trecena posición, por o que se ferán nuevas incorporacions ta amillorar en a siguient campanya. Asinas ye como en 2014-15, dimpués de luitar toda a temporada contra o C.D. Teruel, l'Ebro se proclama campión d'o Grupo XVII de Tercera división por primera vegada en a suya historia. Con Rodríguez Loreto como entrenador se chugara a eliminatoria de campions de tercera contra o C.D. Varea, primer clasificau d'o Grupo XVI rioxán, ganando por 1-0 en El Carmen y empatando en Logronyo y puyando asinas a Segunda B.

Estadio[editar | editar código]

Campo de l'Almozara

Chuga en Campo Municipal de Fútbol L'Almozara-El Carmen de Zaragoza, situato en o vico de L'Almozara, chunto a o río Ebro.

En a suya historia o Club Deportivo Ebro ha chugau tamién en atros campos d'a ciudat de Zaragoza:

Equipación[editar | editar código]

  • Primera equipación: Camiseta azul y blanca arlequinada, pantalons azuls y calzas azuls.
  • Segunda equipación: Camiseta verda, pantalons verdes y calzas verdas.

Evolución de l'uniforme[editar | editar código]

Kit left arm.svg Kit body lightbluequarters14.png Kit right arm.svg
Kit shorts.svg
Kit socks 2 stripes white.png
1945
Kit left arm.svg Kit body sabadell home.png Kit right arm.svg
Kit shorts.svg
Kit socks tranmere1112dom.png
1965
Kit left arm.svg Kit body sabadell home.png Kit right arm.svg
Kit shorts.svg
Kit socks AFSU131.png
1974
Kit left arm.svg Kit body brirovers1112h.png Kit right arm.svg
Kit shorts.svg
Kit socks AFSU131.png
1985
Kit left arm.svg Kit body brirovers1112h.png Kit right arm azul baixo.png
Kit shorts.svg
Kit socks AFSU131.png
1993
Kit left arm.svg Kit body brirovers1112h.png Kit right arm.svg
Kit shorts.svg
Kit socks.svg
2002
Kit left arm.svg Kit body brirovers1112h.png Kit right arm.svg
Kit shorts.svg
Kit socks.svg
2008
Kit left arm.svg Kit body sabadell home.png Kit right arm.svg
Kit shorts brentford 15-16a.png
Kit socks.svg
2014

Escudo[editar | editar código]

O escudo ha evolucionau dende a fundación d'o club dica l'actualidat, encara que s'han conservau os elementos prencipals. O primer escudo d'o Club Deportivo Ebro en l'anyo 1942 yera un escudo de forma suiza dividido en quatre quartels en cruz, o primero y tercero d'archent y o segundo y quatreno d'azur, con as divisions entre quartels y o canto d'o escudo d'oro. En o segundo quartel se trobaba, centrada, una pilota de fútbol d'archent. Sobre o tot una banda d'archent con a leyenda C.D.Ebro de sable.

En 1965, ya dimpués d'a refundación d'o club, i apareixen as primeras modificacions. O canto d'o escudo ye d'archent, fusionau con a banda que agora ye nomás sobre os dos quartels superiors. A leyenda con o nombre d'o club ye d'azur y a pilota d'o segundo quartel ye descentrada enta a cucha. Ta rematar as dos modificacions mas important, en punta mantelau s'encluyen tres franchas d'azur sobre fundo d'archent y as colors d'os quartels s'invierten, trobando-se agora o primer y tercer quartels d'azur y o segundo y quatreno d'archent.

As modificacions posteriors serán menors. En 1982 desapareixe o borde d'o escudo y a pilota d'o segundo quartel torna a trobar-se centrada. En 2001 os cantos d'a banda con o nombre d'o club son d'archent. O zaguer cambeo dica l'actualidat ye en 2014, quan se moderniza o escudo, achustando a suya amplaria y deixando nomás dos barras d'archent entre as barras d'azur d'a punta que amás son mas gordas (antis mas bi'n heba cinco). A pilota d'o segundo quartel se'n torna d'azur. Tamién en iste anyo se fa una versión simplificada d'o escudo ta fer-la servir como logo corporativo. As diferencias mas importants entre o escudo y o logo son que en iste zaguero o tono d'azul ye mas claro que no en o escudo oficial, a pilota ye sustituida por un punto azul y a banda con o nombre d'o club ye centrada sobre tot o escudo y no nomás sobre os dos quartels superiors.

Chugadors[editar | editar código]

Categoría prencipal: Futbolistas d'o CD Ebro
Aliniación d'o CD Ebro en o estadio de l'Almozara en un partiu d'a temporada 2008/09.

Plantilla 2017/18[editar | editar código]

Ta plantillas d'anyos anteriors se veiga a lista de plantillas d'o Club Deportivo Ebro
Num. Posición Chugador
Flag of Serbia.svg POR Matić
Flag of the Land of Valencia (official).svg POR Salva
Flag of Castile-La Mancha.svg ESF De la Cruz
Flag of Andalucía.svg ESF Pajarero
Flag of Andalucía.svg ESF Regino
Flag of the Basque Country.svg ESF Simón
Flag of the Canary Islands.svg ESF Ubay
Flag of Catalonia.svg ESF Cristian Márquez
Flag of the Land of Valencia (official).svg MEY Iván Forte
Num. Posición Chugador
Flag of Andalucía.svg MEY Adri Cuevas
Flag of the Land of Valencia (official).svg MEY Borja Martínez
Flag of the Community of Madrid.svg MEY Teo Tirado
Flag of the Land of Valencia (official).svg MEY Stoeten
Flag of the Canary Islands.svg MEY Alex Cruz
Flag of Andalucía.svg DEB Javi Cabezas
Flag of Aragon.svg DEB Mainz
Flag of Castile-La Mancha.svg DEB Javi Martínez

Temporadas[editar | editar código]

Temporada División Posición Copa d'o Rei
dende 65/66 Rechionals
dica 72/73 Rechionals
1973/74 3ª Rech. 1uparrow green.svg
1974/75 2ª Rech.
1975/76 2ª Rech.
1976/77 2ª Rech.
1977/78 2ª Rech.
1978/79 2ª Rech.
1979/80 2ª Rech. 1uparrow green.svg
1980/81 1ª Rech. 19eno 1downarrow red.svg
1981/82 2ª Rech. 6eno
1982/83 2ª Rech. 12eno
1983/84 2ª Rech. 7eno
1984/85 2ª Rech. 8eno
1985/86 2ª Rech. 1uparrow green.svg
1986/87 1ª Rech.
1987/88 1ª Rech. 1uparrow green.svg
Temporada División Posición Copa d'o Rei
1988/89 Pref. 8eno
1989/90 Pref. 1uparrow green.svg
1990/91 11eno
1991/92 10eno
1992/93 9eno
1993/94 19eno 1downarrow red.svg
1994/95 Pref. 4eno
1995/96 Pref. 1uparrow green.svg
1996/97 18eno 1downarrow red.svg
1997/98 Pref. 7eno
1998/99 Pref. 1uparrow green.svg
1999/00 15eno
2000/01 12eno
2001/02 4eno
2002/03 11eno
2003/04 12eno
2004/05 14eno
Temporada División Posición Copa d'o Rei
2005/06 11eno
2006/07 11eno
2007/08 17eno 1downarrow red.svg
2008/09 Pref. 4eno
2009/10 Pref. 1uparrow green.svg
2010/11 13eno
2011/12 12eno
2012/13
2013/14 13eno
2014/15 1uparrow green.svg
2015/16 2ª B 10eno 3ª ronda
2016/17 2ª B 12eno
2017/18 2ª B

Records d'o club[editar | editar código]

Títols[editar | editar código]

Vinclos externos[editar | editar código]

Oficials
Altros


Esporte d'elite en Aragón Flag of Aragon.svg
Olympic flag.svg Seleccions: Selección de baloncesto | Selección de balonmán | Selección de fútbol
Athletics pictogram.svg Atletismo: Simply - Scorpio 71 (masculín) | Simply - Scorpio 71 (femenín) | At. Intec-Zoiti | Hinaco Monzón
Basketball pictogram.svg Baloncesto: Tecnyconta Zaragoza | Mann Filter | Peñas Huesca
Handball pictogram.svg Balonmán: Bada Huesca
Football pictogram.svg Fútbol: Zaragoza CFF | Real Zaragoza | SD Huesca | CD Ebro | Deportivo Aragón
Rugby union pictogram.svg Fútbol americán: Zaragoza Hurricanes | Zaragoza Hornets| Zaragoza Dark Knights
Football pictogram.svg Fútbol sala: Ríos Renovables Zaragoza
Ice hockey pictogram.svg Hockey chelo: Club Hielo Jaca
Rugby union pictogram.svg Rugby: Fénix Rugby
Volleyball (indoor) pictogram.svg Voleibol: Club Voleibol Teruel
Water polo pictogram.svg Waterpolo: EW Zaragoza | Gersan Helios