Real Zaragoza

De Biquipedia
Ir ta: navego, busca
[[{{{4|Wikipedia:Articlos destacatos|...]]
LinkFA-star Aragon.svg
Real Zaragoza
Real Zaragoza svg logo.svg.png
Datos
Nombre oficial Real Zaragoza, S. A. D.
Establito 18 de marzo de 1932
como Real Zaragoza Foot-ball Club
Socios 30 000
Títols 1 Recopa d'Europa
1 Copa de Ferias
6 Copas d'o Rei
1 Supercopa d'Espanya
Estadio
Nombre A Romareda
Localidat Zaragoza
Aforo 34 596
Devantad. 1957
Dirección
Propietario Fundación Zaragoza 2032
President Christian Lapetra
Entrenador Ranko Popović [1]
Competición
Liga Segunda división espanyola
2014/15 6eno
Pachina oficial d'o club
Equipacions
Kit left arm zaragoza1314h.png Kit body zaragoza1314h.png Kit right arm zaragoza1314h.png
Kit shorts zaragoza1314h.png
Kit socks blue top.png
Primera
equipación
Kit left arm zaragoza1314a.png Kit body zaragoza1314a.png Kit right arm zaragoza1314a.png
Kit shorts zaragoza1314a.png
Kit socks zaragoza1314a.png
Segunda
equipación

O Real Zaragoza ye un club de fútbol aragonés, d'a ciudat de Zaragoza. Estió establito en 1932 y actualment chuga en a Segunda división espanyola de fútbol.

Historia[editar | editar código]

Antecedents[editar | editar código]

Escudo d'o Zaragoza CD.
Escudo d'o Iberia SC.

En 1903, a tamas d'o esconoiximiento cheneral d'a sociedat sobre o fútbol, naixe o primer equipe local, o Zaragoza Fútbol Club, a on a lo prencipio se impartiban as nocions alazetals d'iste esporte ta mirar de reunir prous chugadors ta formar l'equipe. Manimenos, a versión moderna de l'equipe estió establita en 1921 por un grupo de estudiants de Medicina y recibe un nombre diferent, Zaragoza CD, anque ye conoixito con a embotada d'os "tomates" por o suyo uniforme royo. Entre 1924 y 1925 l'equipe se fusiona con os equipes menors Fuenclara y Stadium, alquirindo mayor fuerza aintro d'o fútbol local y tamién trestallando-lo ya que esistiba antimás unatro equipe en a ciudat l'Iberia SC.

L'Iberia S. C. naixe tamién en os primers anyos d'o sieglo XX y se torna en o equipe dominador d'o fútbol local por a suya estructura, ya que atrayeba gran cantidat de publico a los partitos y premitiba a participación d'o sector popular en as suyas filas. A iste equipe le metioron a embotada d'os "vriespas". Entre os suyos primrers anyos tenió dos oportunidatz de puyar t'a primera división espanyola, anque a la fin no lo consiguió.

Fundación[editar | editar código]

Logo comercial d'o Real Zaragoza mentres os anyos novanta y dosmil.
Escudo d'o Zaragoza Foot-ball Club.

O club estió establito lo 18 de marzo de 1932, con o nombre de Zaragoza Foot-ball Club, dimpués d'a desaparición d'o Iberia SC y o Zaragoza CD como conseqüencia d'os suyos problemas economicos, cuan deciden fusionarse per formar aquesto. D'ista traza se respondeba a la demanda d'un gran club por parti d'a Federación Aragonesa de Fútbol. En l'anyo 1934 s'establió a sección d'atletismo d'o Real Zaragoza. En a temporada 39-40, dimpués d'a Guerra Civil, o Real Zaragoza chugó por primera vegata en Primera división. Estió en ixa decada quan o Real Zaragoza reunió a suya primera cheneración destacata de chugadors, a conoixita como "Los Alifantes". Se diz que a embotada d'Alifantes apareixió mientres un partito en Barcelona contra o CE Júpiter, quan o Real Zaragoza ganaba por 0-3 un periodista aragonés sintió que un aficionato local deciba -"ye imposible de meter-les un gol, son como Alifantes"-, debito segurament a la gran altaria d'os chugadors aragoneses, bells quantos d'ellos por dencima de 1'90. En l'anyo 2007 se celebró lo 75 cabo d'anyo d'o naiximiento d'o club.

Decada d'os 40 y os 50[editar | editar código]

En as dos siguients decadas, os 40 (conoixita como A epoca negra) y os 50 (caracterizata por l'equipe dito "Los millonarios") o Real Zaragoza dondió por o Campionato de Liga puyando y baxando de contino entre primera y segunda división. En a decada de 1940-50, o equipe vive a suya pior etapa. En primeras desciende t'a Segunda División dimpués de dos anyos en Primera. Anque tornó t'a primera categoría en un anyo, baixó unatra vegata y dica l'anyo 1951 no tornaría a Primera (o mesmo anyo en o que adotó l'adchectivo "Real" (reyal) en o suyo nombre) baixando mesmo t'a Tercera División en 1947. A la fin d'os 40 y prencipios d'os 50 marcarba la epoca de "Los Millonarios", por a gran cantidat de diners que o president Julián Abril invirtió en os chugadors, pero bellas tensions en a plantilla facioron que ista epoca rematase con a tornata t'a Segunda División en l'anyo 1953.

Decada d'os 60[editar | editar código]

Ye en a decada d'os 60 quan o club vive os suyos millors anyos con o mitico equipe d'"Os Magnificos", debantera formada por Canario, Santos, Marcelino, Villa y Lapetra, que levoron l'equipe ta quatro finals de Copa d'Espanya, (en 1963, 1964, 1965 y 1966) d'as que ganoron dos (1964 contra l'Atlético de Madrid 1-2 con gols de Lapetra y Villa; y 1966 frent a l'Athletic de Bilbao con gols de Villa y Lapetra de nuevas), ta dos finals d'a Copa de Ferias (1964 y 1966) d'a que ganoron a primera contra o Valencia CF con gols de Villa y Marcelino, y una semifinal d'a Recopa de Europa (1965, estando redotatos por o West Ham Utd anglés).

Decada d'os 70[editar | editar código]

En a decada d'os 70 y d'a man de José Ángel Zalba, unatro equipe marcó una epoca en o Club: "Os Zaraguayos", clamatos asinas en honor a la colla de chugadors uruguayos y paraguayos que feban parti d'ixe equipe; "Cacho" Blanco, Soto, "Lobo" Diarte, Ocampos y "Nino" Arrua, que estió nombrato o millor chugador d'America y yera lo líder de l'equipe. Anque o suyo chuego les fació famosos, de man d'o entrenador Luis Cid Carriega, no consiguioron garra títol, estando un sozcampionato de copa en 1976 o suyo millor momento. Ta par d'alavez s'obtenioron os millors resultatos en a Primera división espanyola, tercers en l'anyada 1973/74 y segundos en a 1974/75, (encara se remera o 6-1 contra o Real Madrid, en dita temporada). Ista racha remató con o descenso de l'equipe en 1976/77, puyando ta Primera unatra vegata en l'anyada siguient.

Decada d'os 80[editar | editar código]

En a decada d'os 80 a trachectoria esportiva estió prou regular, estando los unicos trunfos destacables a Copa de 1986, ganata a lo FC Barcelona y a semifinal d'a Recopa d'Europa en 1987, a on estioron eliminatos por l'Ajax d'Amsterdam. En 1988 deixó a presidencia d'o club Miguel Beltran y José Ángel Zalba se tornó unatra vegata en president.

Decada d'os 90[editar | editar código]

O Real Zaragoza mentres o partido final d'a Copa d'o Rei en o Santiago Bernabeu de Madrid, que perdioron devant d'o RCD Espanyol.
José Ángel Zalba, l'hombre que ha presidito más anyos a lo Real Zaragoza.

En 1991 y baixo a presidencia de José Ángel Zalba prencipia a entrenar por primera vegata Víctor Fernández como entrenador de primera division, en 1992 o club ha de tornar-se en Sociedat Anonima, y ye en ixe inte quan remata a presidencia de José Ángel Zalba y Alfonso Soláns pai merca a mayor parti d'as accions d'o club. Con un choven Víctor Fernández como entrenador en a temporada 1991/1992 l'equipe se clasifica t'a UEFA y prencipia asinas una etapa de exitos: en 1993 se plega en a setena final de Copa, que remata con una redota debant d'o Real Madrid; en 1994 se gana a copa a lo Celta de Vigo en os tiros de penaltis y quedando tercers en a Liga.

Manimenos ye o 10 de mayo de 1995 quan o Zaragoza obtiene o suyo mayor trunfo: en o Parque d'os Prencipes de París gana a l'Arsenal FC por 2 a 1, proclamando-se campión d'a Recopa d'Europa de 1995. Ista victoria estió encara más important porque o 2-1 definitivo s'aconsiguió faltando 10 segundos t'a fin d'o partito con un gol de Nayim dende metat d'o campo, a más de 60 metros d'a puerta. Iste equipe estió clamato a "Quinta de París" y l'once titular yera formato por: Cedrún, Belsué, Cáceres, Aguado, Solana, Nayim, Poyet, Aragón, Higuera, Esnáider y Pardeza. A l'anyo siguient chugó a Supercopa d'Europa pero la perdió contra l'Ajax d'Amsterdam.

En 1996 Alfonso Soláns fillo se convirtió en president d'a entidat, prencipiando una epoca de piors resultatos economicos y esportivos, sacato un buen puesto en a Liga en l'anyada 1999/2000.

Anyos 2000[editar | editar código]

En ista epoca l'equipe chuga tres finals de Copa: en 2001, que ganará a lo Celta de Vigo por 1-3, en 2004, quan vence a lo Real Madrid por 3-2 y en 2006 que pierde con o RCD Espanyol por 4-1. Tanimientres, en a temporada 2001/02 baixa t'a Segunda División tornando t'a primera categoría a temporada siguient. En la temporada 2004/05 se gana la Supercopa d'Espanya a lo Valencia CF, dimpués de perder por 0-1 en La Romareda y ganar en Mestalla por 1-3.

Logotipo per os 75eno aniversario d'o Real Zaragoza.

En l'anyada 2006/07 o club cambea de propietario, estando agora l'empresario Agapito Iglesias o maximo accionista y Eduardo Bandrés o nuevo president, tornando Víctor Fernández ta lo banquet. En a primera temporada d'o nuevo president, o club consigue a clasificación ta chugar a Copa d'a UEFA habendo quedato en a seisena posición en o Campionato espanyol de Liga.

O Real Zaragoza ficha en a primera temporada d'Agapito Iglesias y Eduardo Bandrés a seis chugadors: Aimar, Diogo, Sergio Fernández, Piqué, D'Alessandro y Juanfran. Tamién se produce un cambeo en a estructura administrativa d'o club destacando a baixa de Jerónimo Suárez como director cheneral y l'alta de Manuel de Miguel como director de comunicación.

En a temporada 2007-2008 o Real Zaragoza incorpora de verano a ueito chugadors: López Vallejo, Ayala, Pavón, Matuzalem, Gabi, Paredes, Oliveira y Luccin.

75 anyos d'historia[editar | editar código]

O club cumple en 2007 os 75 anyos d'historia, y o club organizó diversos actos ta celebrar-lo. En a parti esportiva, antimás d'a gran anyada que tenió l'equipe, o 18 de marzo de 2007 se celebró una fiesta en La Romareda con un partito homenache entre o Real Zaragoza y l'Atlético de Madrid.

Estadio[editar | editar código]

O estadio d'A Romareda s'inaguró con un partito entre o Real Zaragoza y l'Osasuna o 8 de setiembre de 1957, estando president d'o club manyo Cesáreo Alierta. Ganoron os locals 4-3 con gols de Vila (o primer gol en a Romareda), Wilson, Murillo y Vila por segunda vegada y Areta, Gabino y Glaría t'os foranos.

O campo tenió quantos apanyos entre 1977, quan se construyoron os nuevos escalerons cubiertos de Norte y Sur y en 1982 quan se construyoron as cubiertas de cheneral posato debito a que o estadio iba a estar seu d'o Mundial d'Espanya '82. As zagueras obras se facioron en 1994 ta adequar-lo t'a normativa d'a UEFA que obliga a que bi haiga posientos en todas as localidatz.

Plantilla actual[editar | editar código]

Ta plantillas d'anyos anteriors se veiga Lista de plantillas d'o Real Zaragoza
Num. Posición Chugador
1 Flag of Aragon.svg POR Alcolea
3 Flag of the Canary Islands.svg ESF Mario Abrante
4 Flag of Uruguay.svg ESF Cabrera
5 Flag of Galicia.svg ESF Rubén
8 Flag of Andalucía.svg MEY Lolo
15 Flag of the Valencian Community (2x3).svg MEY Pedro
17 Flag of Andalucía.svg ESF Fernández
18 Flag of Catalonia.svg MEY Dorca
23 Flag of the Canary Islands.svg MEY Javi Álamo
Num. Posición Chugador
26 Flag of Castile and León.svg ESF Rico
28 Flag of Aragon.svg MEY Tierno
29 Flag of Aragon.svg DEB Muñoz
30 Flag of Aragon.svg DEB Whalley
31 Flag of Aragon.svg ESF Vallejo Capitán
32 Flag of Aragon.svg ESF Nieto
35 Flag of Aragon.svg DEB Suárez
36 Flag of Aragon.svg ESF Meseguer

Equipe tecnico

A lista encluye nomás a nacionalidat prencipal de cada chugador. Beluns d'os chugadors no europeus tienen doble nacionalidat de bell país d'a Unión Europea:

Como desichen as normas d'a LFP, os chugadors d'a primera plantilla han de levar os dorsals de l'1 a o 25, entre que d'o 26 enta debant serán chugadors d'o equipe filial. Asinas, os chugadors con dorsals superiors a o 25 son, a toz os efectos, chugadors d'o Real Zaragoza B y como tals, podrán compachinar partius con o primer y segundo equipe.

Chugadors famosos[editar | editar código]

Entrenadors[editar | editar código]

Se veiga l'articlo: Lista d'entrenadors d'o Real Zaragoza

Entrenadors celebres[editar | editar código]

Luis Belló Ferdinand Daučík Luis Costa Víctor Fernández Víctor Muñoz
RFEF - Copa del Rey.svg
1 Copa d'o Rei
(1963/64)
UEFA - Inter-Cities Fairs Cup.svg
1 Copa de Ferias
(1963/64)
RFEF - Copa del Rey.svg
1 Copa d'o Rei (1965/66)
RFEF - Copa del Rey.svg RFEF - Copa del Rey.svg
2 Copas d'o Rei
(1985/86 y 2000/01)
RFEF - Copa del Rey.svg
1 Copa d'o Rei
(1993/94)

Coppacoppe.png
1 Recopa de Europa
(1994/95)
RFEF - Copa del Rey.svg
1 Copa d'o Rei
(2003/04)
RFEF - Supercopa de España.svg
1 Supercopa de Espanya (2004)

Real Zaragoza B[editar | editar código]

Articlo prencipal: Real Zaragoza B.

O Real Zaragoza B, ye l'equipe filial d'o club. Estió establito en 1958 y chuga actualment en Tercera división (Grupo XVII).

Secciones d'atros esportes[editar | editar código]

  • En l'anyo 1934 s'establió a sección d'atletismo que desapareixió en zaguerias d'a decada de 1990 siendo president d'o club Alfonso Solans. [3]
  • Tamién existió una sección de baloncesto masculín que arribó a partecipar en a primera división de baloncesto d'Espanya en a temporata 1960-61, siendo l'11eno claseficato.
  • Durante quatre anyadas dende 1966 dica 1970 tamién bi habió sección de baloncesto femenín partecipando en Primera División en 1966 y as atras en segunda dica a suya desaparición. [4]

Himno[editar | editar código]

Se veiga l'articlo prencipal sobre l'himno d'o Real Zaragoza

A musica y a letra son de Juan Ignacio Notario Romeo:

Himno en castellán (oficial)

El Zaragoza va a jugar
El Zaragoza va a vencer
El Zaragoza va a luchar
por su afición
Y los mañicos auparán
a los blanquillos del león
Azul y blanco es el color del campeón
Estrebiello:
Aúpa Zaragoza
Arriba y a vencer
Palmadas al viento
que gritan ganareis
La raza en el juego
Nobleza y valor
Bandera y orgullo
de nuestro Aragón
La Romareda vibrará
y el cachirulo se alzará
como un gigante es el equipo aragonés
El Zaragoza es la afición
con once grandes del balón
y una leyenda con trofeos al mejor
Estrebiello
A ganar, a ganar, El Zaragoza va a ganar
A ganar, a ganar, El Zaragoza ganarará
A ganar, a ganar, El Zaragoza va a ganar
A ganar, a ganar, El Zaragoza ganarará

Himno en aragonés (no oficial)

O Zaragoza va a chugar
O Zaragoza va a vencer
O Zaragoza va a luitar
por a suya afición
y os manyicos puyarán
a os blanquiellos d'o lión
azul y blanca ye a color d'o campión
Estrebiello:
Aupa Zaragoza
Entalto y a vencer
Chapadas ta l'aire
que chilan ganaretz
A rasmia en o chuego
Nobleza y valor
Bandiera y orgüello
d'o nuestro Aragón
A Romareda vibrará
y o cachirulo bandiará
como un chigant ye l'equipe aragonés
O Zaragoza ye l'afición
con once grans d'o pilotón
y una leyenda de trofeus ta o millor
Estrebiello
A ganar a ganar, O Zaragoza va a ganar
A ganar, a ganar, O Zaragoza ganará
A ganar a ganar, O Zaragoza va a ganar
A ganar, a ganar, O Zaragoza ganará

Temporadas[editar | editar código]

  • Como Zaragoza Foot-ball Club:
Temporada División Posición Copa d'o Rei
1932/33 Ueitenos de final
1933/34 1uparrow green.svg Ueitenos de final
1934/35 Quatrenos de final
1935/36 1uparrow green.svg Quatrenos de final
1939/40 7eno Semifinals
1940/41 11eno 1downarrow red.svg Tercera ronda
  • Como Zaragoza Club de Fútbol:
Temporada División Posición Copa d'o Rei
1941/42 1uparrow green.svg Ueitenos de final
1942/43 13eno 1downarrow red.svg Ueitenos de final
1943/44 6eno Deciseisenos de final
1944/45 7eno Primera ronda
1945/46 10eno Primera ronda
1946/47 13eno 1downarrow red.svg Primera ronda
1947/48 Tercera ronda
1948/49 1uparrow green.svg Primera ronda
1949/50 4eno Segunda ronda
1950/51 1uparrow green.svg
  • Como Real Zaragoza Club Deportivo:
Temporada División Posición Copa d'o Rei
1951/52 12eno Quatrenos de final
1952/53 16eno 1downarrow red.svg
1953/54 9eno
1954/55
1955/56 1uparrow green.svg
1956/57 9eno Ueitenos de final
1957/58 14eno Ueitenos de final
1958/59 9eno Ueitenos de final
1959/60 11eno Dieciseisenos de final
1960/61 Ueitenos de final
1961/62 4eno Semifinals
1962/63 5eno Sozcampión
1963/64 4eno Campión
1964/65 Sozcampión
1965/66 4eno Campión
1966/67 5eno Deciseisenos de final
1967/68 5eno Quatrenos de final
1968/69 13eno Ueitenos de final
1969/70 8eno Semifinals
1970/71 16eno 1downarrow red.svg Ueitenos de final
1971/72 1uparrow green.svg Quatrena ronda
Temporada División Posición Copa d'o Rei
1972/73 8eno Cinquena ronda
1973/74 Quatrenos de final
1974/75 Semifinals
1975/76 14eno Sozcampión
1976/77 16eno 1downarrow red.svg Quatrenos de final
1977/78 1uparrow green.svg Ueitenos de final
1978/79 14eno Quatrenos de final
1979/80 10eno Primera ronda
1980/81 14eno Primera ronda
1981/82 11eno Quatrenos de final
1982/83 6eno Segunda ronda
1983/84 7eno Tercera ronda
1984/85 10eno Semifinals
1985/86 4eno Campión
1986/87 5eno Ueitenos de final
1987/88 11eno Dieciseisenos de final
1988/89 5eno Dieciseisenos de final
1989/90 9eno Quatrenos de final
1990/91 17eno Ueitenos de final
1991/92 6eno Cinquena ronda
  • Como Real Zaragoza, S. A. D. :
Temporada División Posición Copa d'o Rei
1992/93 9eno Sozcampión
1993/94 Campión
1994/95 7eno Ueitenos de final
1995/96 13eno Quatrenos de final
1996/97 14eno Tercera ronda
1997/98 13eno Semifinals
1998/99 9eno Tercera ronda
1999/00 4eno Ueitenos de final
2000/01 17eno Campión
2001/02 20eno 1downarrow red.svg Primera ronda
2002/03 1uparrow green.svg Segunda ronda
2003/04 12eno Campión
2004/05 12eno Segunda ronda
2005/06 11eno Sozcampión
2006/07 6eno Quatrenos de final
2007/08 18eno 1downarrow red.svg Ueitenos de final
2008/09 1uparrow green.svg Segunda ronda
2009/10 14eno Dieciseisenos de final
2010/11 13eno Dieciseisenos de final
2011/12 16eno Dieciseisenos de final
2012/13 20eno 1downarrow red.svg Quatrenos de final
Temporada División Posición Copa d'o Rei
2013/14 14eno Segunda ronda
2014/15 6eno Segunda ronda
2015/16

Datos d'o club[editar | editar código]

  • Participacions en competicions europeas:
    • Recopa: 5 (1964/65, 1966/67, 1986/87, 1994/95 (Campión), y 1995/96).
    • Copa d'a UEFA (incluyendo Copa de Ferias): 13.
      • Copa de Ferias: 5 (1962/63, 1963/64 (Campión), 1965/66, 1967/68 y 1968/69).
      • Copa d'a UEFA: 8 (1974/75, 1975/76, 1989/90, 1992/93, 2000/01, 2001/02, 2004/05 y 2007/08).
    • Supercopa d'Europa: 1 (1995).

Palmarés[editar | editar código]

Títols internacionals[editar | editar código]

Títols nacionals de primer ran[editar | editar código]

Atros títols nacionals[editar | editar código]

Torneus regionals[editar | editar código]

  • Campión d'o Campionato Mancomunado Navarra-Guipuzcoa-Aragón (1): 1940.
  • Sozcampión d'o Campionato Mancomunado Castiella-Aragón (1): 1936.

Torneus amistosos[editar | editar código]

  • Trofeu Emma Cuervo (1): 1959.
  • Trofeu Ramón de Carranza (1): 1965.
  • Trofeu Ciudat de Zaragoza (26): 1974, 1975, 1976, 1978, 1979, 1981, 1983, 1986, 1987, 1989, 1991, 1992, 1994, 1995, 1996, 1999, 2000, 2001, 2002, 2003, 2005, 2006, 2007, 2011, 2012 y 2013.
  • Trofeu Ciudat de Barcelona (1): 1980.
  • Trofeu Ciudat de Valladolit (2): 1986 y 1989.
  • Trofeu Festa d'Elx (1): 1990.
  • Trofeu Cervantes (1): 1991.
  • Trofeu Colombino (1): 1994.
  • Torneu Città di Rieti (1): 1998.
  • Trofeu Caja Duero (3): 2006, 2009 y 2010.
  • Trofeu Concepción Arenal (1): 2008.
  • Trofeu del Día del Blusa y de la Neska (1): 2010.
  • Trofeu Ciudat de Teruel (1): 2010.
  • Trofeu Ciudat de Vigo (1): 2010.
  • Trofeu Ciutat de Tarragona (1): 2013.

Referencias[editar | editar código]

Vinclos externos[editar | editar código]

Pachinas oficials:

Pachinas no oficials:


Segunda División · Temporada 2015/16 Flag of Spain.svg
Deportivo Alavés | Albacete Balompié | AD Alcorcón | UD Almería | Córdoba CF | Elche CF | Gimnàstic de Tarragona | Girona FC | CD Leganés| UE Llagostera | CD Lugo | RCD Mallorca | CD Mirandés | CD Numancia | CA Osasuna | Real Oviedo | SD Ponferradina | CD Tenerife | Real Valladolid | Real Zaragoza


Esporte d'elite en Aragón Flag of Aragon.svg
Olympic flag.svg Seleccions: Selección de baloncesto | Selección de balonmán | Selección de fútbol
Basketball pictogram.svg Baloncesto: CAI Zaragoza | Mann Filter | Peñas Huesca
Handball pictogram.svg Balonmán: Bada Huesca | Balonmano Aragón
Football pictogram.svg Fútbol: Real Zaragoza | SD Huesca | Transportes Alcaine
Rugby union pictogram.svg Fútbol americán: Zaragoza Hurricanes | Zaragoza Hornets| Zaragoza Dark Knights
Football pictogram.svg Fútbol sala: D-Link Zaragoza
Ice hockey pictogram.svg Hockey chelo: Club Hielo Jaca
Rugby union pictogram.svg Rugby: Fénix Rugby
Volleyball (indoor) pictogram.svg Voleibol: CAI Voleibol Teruel
Water polo pictogram.svg Waterpolo: EW Zaragoza | Gersan Helios