Naixedero d'o Tacho

De Biquipedia
Ir a la navegación Ir a la búsqueda
Naixedero d'o Tacho

O naixedero d'o Tacho ye un puesto d'a Val de l'Alto Tacho en una prolongación u "manga" d'o termin municipal d'Albarrazín, pero no guaire luent de Guadalaviar y Fridas y d'o Puerto del Cubiello.

Representa un conchunto de vals con fondón plan que se recullen en una de prencipal, egualment con fondón plan, ixas vals son poljes karsicos capturaus por o rete fluvial d'o Tacho. Como en atros poljes d'o sistema de Navas de Villar del Cobo os fondons de val s'embadinan en epocas de fuertes plevias.

Oficialment y tradicionalment o naixedero d'o Tacho s'ha establiu en un puesto a on bi ha un monumento de fierro dedicau a o Padre Tajo, a lo norueste de Fuente García. En realidat as auguas d'o Tacho provienen d'os poljes u navas que bi ha més ta o norte como Nava Seca, que fluyen tanto superficialment como con auguas sotorranas enta ixe puesto.

A vechetación n'ixe puesto ye a pineta con sabina chaparra, pero os fondons d'a val tienen praus y chuncals.