Plantago
| Plantago | |
|---|---|
 | |
| Denominacions populars | |
| Clasificación scientifica | |
| Eucariotas | |
| Plantae | |
| Magnoliophyta | |
| Magnoliopsida | |
| Lamiales | |
| Plantaginaceae | |
| Plantago | |
| Descripción | |
Linné, 1753 | |
Plantago(Linné, 1753) ye un chenero de plantas d'a división Magnoliophyta, clase Magnoliopsida, orden Lamiales y familia Plantaginaceae. Presenta un porte herbacio. Qualsiquier especie d'este chenero recibe a denominación de plantaina en aragonés.
Presenta unas fuellas con una nerviación bien visible en o envés.
Fitonimia[editar | editar código]
Bell autor considera que o fitonimo latín PLANTAGO se relaciona con a "planta d'o piet" basando-se en o pareixito d'as nerviacions d'a fuella con os tendons d'o piet.
En aragonés as especies d'este chenero se dicen con una parola patrimonial derivata de l'acusativo de PLANTAGO, "plantaina" < PLANTAGINEM, que se troba documentata en muitos lugars actualment castellanoparlants pero on se charró o romanz nabarro-aragonés: a part de lugars d'Aragón como Torrociella d'Alcanyiz,[1] a Riocha Baixa, as comarcas churras, y tamién se documenta en o catalán d'o Mezquín-Guadalop y part d'o Matarranya: Auguaviva, La Chinebrosa, La Torre de Viliella, La Codonyera, La Canyada de Beric, Belmont, Val Chunquera, Fórnols, Mazalión y Maella.[2] En os dos casos representa un aragonesismo, por decir-se en castellán llantén y en catalán plantatge, os dos cognatos d'una parola que por conservar a fonetica aragonesa conserva o grupo inicial PL- latín. A filolochía tradicional espanyola ha considerato que esta parola ye un mozarabismo, pero en mozarabe ye documentato como Plantayn y en aragonés ye relativament común a presencia de fitonimos con o sufixo -aina: "borraina", "ferraina", "tintilaina", ecetra.
Especies[editar | editar código]
Galería[editar | editar código]
flor d'a Plantago lanceolata
Referencias[editar | editar código]
- ↑ José Pardo Sastrón Catálogo o enumeración de las plantas de Torrecilla de Alcañiz así espontáneas como cultivadas Edición facsímil. Instituto de Estudios Turolenses, Centro de Estudios Bajoaragoneses
- ↑ Artur Quintana i Font El parlar de la Codonyera, resultats d'unes enquestes: resumen de la tesis presentada para aspirar al grado de Doctor en Filosofía y Letras. Universidad de Barcelona, 1974 [1]
Vinclos externos[editar | editar código]
Se veigan as imáchens de Commons sobre Plantago.
Biquiespecies tiene un articlo sobre Plantago.
