Plantaginaceae
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Plantaginaceae | |
|---|---|
.jpg) | |
| Denominacions populars | |
Plantachinacias
| |
| Clasificación cientifica | |
| Eukaryota | |
| Plantae | |
| Magnoliophyta | |
| Magnoliopsida | |
| Lamiales | |
| Plantaginaceae | |
| Descripción | |
Plantaginaceae
JUSS., 1789 | |
As plantachinacias (cientificament, en latín, Plantaginaceae (JUSS., 1789)) son una familia de plantas vasculars dicotiledonias dentro d'a orden Lamiales, a mayoría d'as cuals son hierbas.
Prenen o nombre d'o suyo chenero tipo, Plantago, que comprende as hierbas que se conoix popularment como «plantainas». A familia incluye dica 12 tribus (seguntes as clasificacions) y un numero muit variable de cheneros, entre os cuals a mas de Plantago se troba diferents cheneros de hierbas a-saber lo comuns, como Antirrhinum, Veronica y Linaria.
Descripción[editar | modificar o codigo]
Son plantas de porte herbacio, pocas vegadas arbustos u subarbustos. As fuellas solen amaneixer basals y alternas, pero tamién en i puede haber caulinars y alternas u oposadas. Gosan tener una base abrazadera, en bels casos a fuella filoidial tiene una lamina paralelinervia que asemella un peciolo expandiu. No i hai estipulas.
As flors creixen en inflorescencia, a sobén con forma d'espiga. De regular son tetrameras y menos vegadas trimeras. O cáliz ye lobau u dividiu. Corola escariosa, con petalos unius (sinpetala). L'androceu tiene estambres isomeros (toz de mida parellana). Os filamentos s'insertan en o tubo d'a corola, pero as anteras son exertas; ixo ye, que sobresalen difuera d'a corola. A polinización ye mayoritariament anemofila.
O chineceu, dicarpelar, ye formau por un ovario supero con estilo largo y fino y estigmas dilobulars.
Enlaces externos[editar | modificar o codigo]
Se veigan as imáchens de Commons sobre Plantaginaceae.
Wikispecies tiene un articlo sobre Plantaginaceae.
