Milvus migrans

*Milvus migrans*
Un esparvero negro (Milvus migrans)
Denominacions populars
esparvero negro
Estau de conservación
Seguro (IUCN)
Clasificación cientifica
Reino:	Animalia
Subreino:	Eumetazoa
Filo:	Chordata
Clase:	Aves
Subclase:	Carinatae
Orden:	Falconiformes
Familia:	Accipitridae
Subfamilia:	Milvinae
Chenero:	Milvus
Especie:	M. migrans
Descripción
Milvus migrans Boddaert, 1783
Distribución cheografica
Narancha: Estiu. Verde: Tot l'anyo. Azul: Hibierno.

O esparvero negro^[1] (nombre cientifico Milvus migrans (Boddaert, 1783)) ye un au de presa d'a familia d'os accipitridos, subfamilia Milvinae.

Tiene habitos mas migradors que no altras especies d'esparveros (o suyo nombre cientifico significa "esparvero migrador" en latín) en viachando cada anyada cientos de kilometros d'entre os suyos puestos d'hibernada y os d'estiache. En a Peninsula Iberica ye una especie que nomás i estiva, y no existe garra poblacions residents en tot Europa, anque se i reproduz. En a epoca estival, de marzo a setiembre, ye a especie d'esparvero mas numerosa en Aragón, superando en numer a os Milvus milvus que i residen de perén. En hibierno, marchan ta l'Africa subsahariana.

Descripción

Ye un au d'entre 47 y 56 cm, a suya coloración ye marrón fusca cheneral con a capeza mas clara y a parte de baixo d'una color mas royo. En volido s'identifican por a color mas fusca que la resta de aus de presa, y por a lonchitut d'as alas. A coda remata en recto.

Nombres populars

En Cinco Villas ye conoixita como "esparvero" y "abadejo".^[2]

Alimentación

Ye una au que no gosa estar buena cazataire por o que a suya alimentación ye principalment d'animals viellos, con feridas o directament de carnuz, ye un au frequent en os cursos de rios y verteders alimentando-se de peixes muertos y despullas. Tamién ye frequent a suya aparición en lugars poblaus ta aconseguir cazar polletz de gurrions y atros muixons.