Milvinae

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Milvinae
Alforocho
Milán negro (Milvus migrans).
Estato de conservación

Seguro.
Dominio: Eukaryota
Reino: Animalia
Filo: Chordata
Clase: Aves
Orden: Accipitriformes
Familia: Accipitridae
Tribu: Milvinae
Cheneros

Os milans/os, localment ditos alforochos[1] u alforrochos,[1] (escentificament a tribu Milvinae adintro d'a familia Accipitridae) son aves rapinyaderas d'una subfamilia adintro d'a familia d'as accipitridas que tienen como caracteristica mas important as suyas alas largas que fan marchar ta planiar en l'aire dende do ellas veyen as suyas presas, por contras de como fan amés gran parte d'as aus de presa que s'estiman mas d'albirar-las dende os árbols u bels altros observatorios. Son animals mayoritariament carnuceros, anque só que ocasionalment tamién se les puede veyer capturar presas vivas.

A demás d'as alas y d'a suya figura fineta, as especies presents en Aragón se pueden destinchir d'altras aves similars como os azors u os esparveros por a suya coda cuadrada u bifurcada, en pendendo de cada especie.

Nombre popular[editar | modificar o codigo]

Os terminos «alforocho» y «alforrocho», que se crei que son un arabismo lexico en l'aragonés, no son populars si que en a metat occidental de l'Alto Aragón. Se documenta «alforocho» en a Chacetania en Xabierregai,[1] Aragüés de lo Puerto[1] y Chaca,[1] y «alforrocho» en Echo,[1] en Embún,[1] en Ansó,[1] en Aragüés de lo Puerto,[1] Xabierregai[1] y Puent d'a Reina.[1] En a Plana de Uesca se i documenta «alforrocho» en Santolaria de Galligo.[1]

Ante parte, en a metat oriental d'a provincia de Uesca no se i conoix altra parola patrimonial especifica ta istes animals que no siga a parola d'etimolochía latina «milano» (lat. «milānus»), común en todas as luengas romances d'a Peninsula Iberica, anque, como pasa con muitas aus de presa, a ormino se les i diz «esparvers/os» de forma inespecifica. Por ixo, as formas como «milán», «milano» y «milaneta»,[1] que dimanan d'o latín «milānus», son con diferencia as mas frequents por tot Aragón, y posiblement patrimonials.

Cheneros y especies concabidas[editar | modificar o codigo]

Imáchens[editar | modificar o codigo]

Referencias[editar | modificar o codigo]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7

Se veiga tamién[editar | modificar o codigo]

Vinclos externos[editar | modificar o codigo]