Lecinacorba

Lecinacorba
Municipio d'Aragón
Anvista de Lecinacorba.
Entidat  • País  • Provincia  • Comarca	Municipio Aragón  Zaragoza Campo de Carinyena
Superficie	36,68 km²
Población  • Total	205 hab. (2016)
Altaria	762 m.
Distancia  • 48 km	enta Zaragoza
Codigo postal	50470
Coordenatas	41°17’ 6’’N 1°16’26’’U
Lecinacorba Situación de Lecinacorba en Aragón

Lecinacorba (Lecina Corva en grafía SLA, Encinacorba en castellán) ye un municipio aragonés d'a provincia de Zaragoza, situato en a comarca d'o Campo de Carinyena.

A suya población ye de 264 habitants (2009), en una superficie de 36,68 km² y una densidat de población de 7,19 hab/km².

Cheografía

Lecinacorba ye situato a lo piet d'a Sierra d'Algairén, a 762 metros d'altaria dencima d'o ran d'a mar, a una distancia de 48 km d'a ciudat de Zaragoza, a capital d'a suya comarca y d'Aragón.

Historia

O rei Alifonso II atorgó Lecinacorba a os templers en 1175. Os templers daron Carta Puebla en 1177. Perteneixeba a la comanda de Ricla. Dimpués pasó a l'Orden d'o Hespital en 1317.

Toponimia

Apareixe en textos antigos como Encinacorba. Seguntes Borao quan os templers concedioron en 1135 Carta de Puebla a lurs vecins y vasallos, estos fundan un lugar cristián en o terreno dito Media Villaamán de una carrasca tuerta que i destacaba en o paisache, y d'on prenió nombre o lugar. Agustín Ubieto Arteta data a mención más antiga Encinacorva en 1176. En un documento latín de 1293 d'o Libro vermello de l'Archivo colechial de Daroca podemos leyer Lezinacorba y Lazinacorba bellas vegatas:

prefatum terminum de Villar de Teylo non est in termino de Lezinacorba, et ecclesiam de Lezinacorba, sive comentadorem ipsius

En 1495 s'escribiba separato Encina Corva en o standard escrito de finals de sieglo que ya castellanizaba la fonetica de tot:

fecho fue aquesto en el lugar de Encina Corva a vintiquatro dias del mes de Mayo del año de la Natividad de nuestro Señor mil cuatrocientos noventa y cinco

Juan Antonio Pellicer y Pilares, un cervantista de Lecinacorba, fació una edición d'O Quixot a fins d'o sieglo XVIII y i escribe:

Lo que se ignora de las villas de Cosuenda y Carinyena, que es su origen, se sabe de la de Encinacorba. Poblola el Gran Maestre de los Templarios Artaldo de Torroga en el mes de marzo del anyo de 1215, imponendo a sus colonos la obligación de estar a las costumbres y fueros de la Casa del Templo de Salomón, y a los de las ciudad de Zaragoza. Una copia de ella se conserva en el archivo de la villa en que se la llama Lecina-corba. Llamose antes este sitio (según se dice) la Gran Selva, por los muchos y espesos montes que había en él

Demografía

Evolución demografica

1362 f 1495 f 1842 1857 1860 1877 1887 1897 1900 - - 789 1.182 1.132 1.092 1.207 960 1.036

1910 1920 1930 1940 1950 1960 1970 1981 1991 919 851 921 814 826 665 505 340 323

1992 1994 1996 1997 1998 1999 2000 2001 2002 - - 347 - 325 321 304 319 337

2003 2004 2005 2006 2007 2008 2009 2010 2011 311 294 293 279 271 271 264 - -

2012 2013 2014 2015 2016 2017 2018 2019 2020 - - - - - - - - -

2021 2022 2023 2024 2025 2026 2027 2028 - - - - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular									4
Partido de los Socialistas de Aragón									3
Total									7

Alcaldes

Lista d'alcaldes

Lechislatura	Nombre	Partito politico
1979–1983	Jesús Casanova Ubide
1983–1987	Jesús Casanova Ubide
1987–1991	Jesús Casanova Ubide
1991–1995	José Ramón Arregui Auré	Partido de los Socialistas de Aragón
1995–1999	Javier Gil Casanova	Partido de los Socialistas de Aragón
1999–2003	Bienvenida Gil Cucalón	Partido Popular
2003–2007	Luis Mateo Gasca Guillén	Partido de los Socialistas de Aragón
2007–2011	Luis Mateo Gasca Guillén	Partido de los Socialistas de Aragón
2011–2015	Jesús Martín Casanova Gasca	Partido Popular

Molimentos

• Ermita de Santa Quiteria, declarata Bien Catalogato d'o Patrimonio Cultural Aragonés en 2002, encara que d'antis mas estió Bien d'Intrés Cultural. Ye un edificio d'o sieglo XIII en estilo pre-gotico u romanico tardano.
• Ilesia, d'estilo mudéchar, catalogata como Patrimonio d'a Humanidat por a UNESCO chunto a tot lo mudéchar d'Aragón.
• Portal de Santa Cruz u portal d'a fuent, esviellato.
• Peirón de Sant Esteban.
• Peirón de Sant Roque.
• Casas-palacio renaixentistas en a Carrera Mayor.
• Fuent y abrebadero d'arte renaixentista, con una inscripción que sinyala a calendata en a que esleyoron churatos: INTITUIDOS JURADOS MIGUEL ROMERO MIGUEL RUAN AÑO 1616.
• Virchen d'a Mar, una entretalla gotica en alabastro d'o sieglo XIV.

Presonaches

• Juan Antonio Pellicer y Pilares, investigador d'a figura de Miguel de Cervantes, descubridor d'a suya partita de naiximiento en Alcalá de Henares, y autor d'una edición d'o Quixot en 1798 important pa ixa epoca.
• Mariano Lagasca y Segura (1776-1839). Estió un important botanico d'o sieglo XIX, director d'o Chardín Botanico de Madrit.

Vinclos externos

• Se veigan as imáchens de Commons sobre Lecinacorba.