Isábal

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Isábal
Despoblau medieval d'Aragón
Entidat  • País  • Provincia  • Comarca  • Municipio	Despoblau medieval  Aragón  Uesca Alto Galligo Biescas
Partiu chudicial	Chaca
Población  • Total	0 hab.
Altaria  • Meyana	1.210 m.
Codigo postal	22630
Parroquial  • Diocesi  • Arcipestrau	Chaca Biescas
Coordenadas	42°33’42’’N 0°17’35’’U
Isábal Isábal en Aragón

Isábal estió un lugar medieval, hue ye desapareixiu, situau en arcedianato d'a Camara, a l'este de Casbas, en l'actual municipio de Biescas (Alto Galligo).

A pardina d'Isábal yera encara treballada por as chents de Bergusa dica que iste zaguer lugar tamién fue albandonau en a decada de 1960. A zona presenta sasos tipicos d'o cautivo en costera. En o cobalto d'on se trobaba o lugar bi ha muntonadas de piedras que perteneixirían a las casas d'u lugar, encara que muitas atras se facioron servir dimpués pa construyir as deseparacions entre os campos, asinas como dos cubilars ganaderos.

L'apelliu Isábal encara ye común entre os habitants d'a redolada, más que más en a villa de Biescas.

Toponimia

Apareixe documentau en o sieglo XIII como Isauall u Ysaual. Talment podría venir d'o vascón zabal, con o significau de "paisache amplo".

Historia

Ya en l'anyo 1200 bi ha documentación en a que se nombra a Sancho d'Isábal. En l'anyo 1270 apareixe o lugar en o cartulario de Fanlo:

Dominicum de Isaval habitantem in Ipies

Mientres os sieglos XIII y XIV a suya ilesia teneba o títol de rectoría. Se sabe tamién que en 1279, perteneixeba a l'arcedianato d'a Camara y que o 8 de chunio de 1338, a su parroquia estió vesitada por o procurador Pérez de Hueso y o notario Ramón Pérez pa replegar diners pa a construcción d'a Seu de Santa María de Uesca. O 3 d'octubre de 1405 se sabe que bosó atra vegada chunto con Bergusa una cantidat de 15 sueldos chaqueses como primicia pa las obras d'a mesma seu

Dica l'anyo 1571 encara perteneixeba a la diocesi de Uesca y dende alavez pasó a pender d'a de Chaca. Asso la situó entre Bergusa y Casbas, como un lugar ya desapareixiu en o partiu chudicial de Chaca.

Diz a tradición que o lugar d'Isábal teneba dos casas y que toz os suyos habitants murioron debiu a una gripe. Nomás i quedoron dos viellas que habioron de marchar y buscar asilo en Bergusa, Oliván y Orós a on no las quereban, arribando a la fin a Gavín a on las aculliron, pasando asinas as tierras d'Isábal a Gavín. Mos trobamos una vegada más con o mito d'as viellas pervivients, común en atros puestos d'Aragón.

Se diz que por ixas envueltas Gavín y as suyas tierras perteneixeban a un conde, dito Manuel Gavín, y que os suyos vecins, que yeran fartos d'él, dicidioron asesoraus por o mosen matar-lo o día d'o Corpus, ya que yera de viache en o semontano, y quedar-se con as suyas posesions. Os vecins vendioron istas tierras a o lugar de Bergusa.

Pareixe que en primerías d'o sieglo XX a ilesia d'Isábal encara yera en piet y se feba servir como cubilar pa o ganau. Se i conservaban as pinturas en a puerta d'acceso.

Referencias

• Datos: Q131199009