Indicación Cheografica Protechida Espargo de Navarra
A Indicación Cheografica Protechida Espargo de Navarra ye una indicación cheografica protechida pa regular y controlar a producción y comercialización d'o espargo navarro baixo determinaus parametros de calidat y trazabilidat.
Actualment iste organismo tien a suya seu en l'antigua Escuela de Peritos Agricolas situada en l'Avenida Serapio Huici 22, de Villava, englobada adentro de l'Instituto Navarro de Tecnologías e Infraestructuras Agroalimentarias.[1]
Orichens
[editar | modificar o codigo]En o popular tractau de cocina "El Practicón" escrito por Ángel Muro en 1893 se fa mención a os espargos de Navarra indicando que son de calidat superior.[2]
Redolada
[editar | modificar o codigo]Se tracta d'una zona trescruzada por o río Ebro y os suyos afluyents Arga, Aragón, Cidacos, Ega y Leza. Ye un paisache de suaus tozals, con altarias que oscilan entre os 200 y os 600 m.
Clima
[editar | modificar o codigo]O clima ye mediterranio templau, con unas precipitacions meyas anyals d'alto u baixo 400 mm.[3]
Demarcación cheografica
[editar | modificar o codigo]A zona de producción d'espargo amparaus por a indicación cheografica protechida ye constituyida por terrenos ubicaus en 263 municipios de Navarra, Aragón y La Rioja. Estando en Aragón termins municipals d'as provincias de Uesca y Zaragoza:[4]
- Provincia de Uesca: Bailo, a Canal de Berdún, Chaca, Puent d'a Reina de Chaca, Santa Cilia y Santa Cruz d'as Serors.
- Provincia de Zaragoza: Agón, Ainzón, Alberit de Sant Chuan, Albeta, Ambel, Biota, Bisimbre, Boquinyeni, Borcha, Bulbuent, Bureta, Castiliscar, Exeya d'os Caballers, Lo Bust, Erla, Frescano, Fuent de Xalón, Gallur, Grisel, Grisén, Layana, Los Fayos, Luceni, Luna, Magallón, Maleixán, Mallén, Malón, Novallas, Noviellas, Pozuelo d'Aragón, Pradiella d'Ebro, Remolinos, Sadaba, Santa Cruz de Moncayo, Sos d'o Rei Catolico, Tarazona, Taust, Torrellas, Uncastiello, Val Palmas, Vera de Moncayo y Vierlas.
Caracteristicas
[editar | modificar o codigo]Istos espargos se distinguen por a suya textura suau, a suya nula fibrosidat y una sabor delicada; fruito tanto d'as condicions de cautivo como d'o treballo d'agricultores y conservers.
Variedaz
[editar | modificar o codigo]Os espargos protechius serán obtenius a partir de tallos carnosos d'a esparraguera (Asparragus officinalis, L), blancos, moraus u verdes d'as variedaz Argentuil, Ciprés, Dariana, Desto, Grolim, Jac.Ma.2001, Juno, Steline y Thielim.
Producción y comercialización
[editar | modificar o codigo]O espargo de Navarra se puet trobar fresco en o mercau entre metat d'o mes de marzo y zaguerías de chunio y en conserva tot os meses de l'anyo.
Empresas
[editar | modificar o codigo]I hai 33 empresas de conservas y 6 de producto fresco comercializadoras d'espargos IChP Espargo de Navarra. Todas ellas se troban situadas en Navarra u La Rioja.[5]
Referencias
[editar | modificar o codigo]- ↑ (es) : Contacto. Indicación Geográfica Protegida Ternera de Navarra
- ↑ (es) El Practicon: Tratado completo de cocina, Ángel Muro, 2010, Editorial Maxtor, ISBN 84-9761-743-6.
- ↑ (es) Pliego de condiciones. Espárrago de Navarra
- ↑ (es) Espárrago de Navarra
- ↑ (es) [https://www.reynogourmet.com/alimentos-de-navarra/esparrago-de-navarra/ Listado de empresas
Vinclos externos
[editar | modificar o codigo]
| Alimentos con indicación cheografica protechida (I.Ch.P.) en Aragón | 
|
|---|---|
| Carne d'Ávila | Espargo de Navarra | Pataca negra de Teruel * | Ternasco d'Aragón | Tocín de Teruel | |
| Vins d'a Tierra: Baixo Aragón | Ribera d'o Galligo-Cinco Villas | Ribera d'o Queiles | Ribera de Xiloca | Valle d'a Cinca | Val de Xalón | |
| * en tramite |
| Control d'autoridaz |
|
|---|
Datos: Q60828285
Multimedia: Espárrago de Navarra / Q60828285