Indicación Cheografica Protechida Vin d'a Tierra Valle d'a Cinca

Localización d'a d'a IChP Vin d'a Tierra Valle d'a Cinca

A Indicación Cheografica Protechida Vin d'a Tierra Valle d'a Cinca ye una indicación cheografica protechida emplegada pa designar os vins d'a Tierra orichinarios d'a zona viticola d'a valle baixa d'o río Cinca. Ista indicación cheográfica fue reglamentada en 2005 y admite categorías de vins blancos con grau alcolico natural minimo de 11°, rosaus con 11'5° y tintos con 12°.

Redolada

Ye una zona vitivinicola situada en o semontano entre a parti oriental d'o Pireneu aragonés y a depresión d'Ebro. As tierras de cautivo se troban mayorment en a marguin ezquierda d'o río Cinca en pasar por ista comarca natural.

Clima

A temperatura meya anyal d'ista zona ye de 13,8°C, estando a meya maxima de 20,1°C, con o mes de chulio como o mes mas calido, con una meya de 24,3°C. A meya minima anyal ye de 7,4°C y o mes mas fredo ye aviento con una temperatura meya de 0,3°C. Dende zaguerías d'o mes d'abril dica metat d'octubre no i hai cheladas. A pluviometría meya anyal ye de 334 mm, estando octubre o mes con mas plevidas.

Demarcación cheografica

S'incluyen os municipios d'a provincia de Uesca: Albalat de Cinca, Alcampell, Alfantega, Altorricón, Belver de Cinca, Binacet, Binéfar, Esplús, Fraga, Monzón, Osso-Almudafar, Pueyo de Santa Cruz, Sant Istevan de Litera, Tamarit de Litera, Vencillón, Zaidín y l'Almunia de Sant Chuan.

Caracteristicas

Ugas

• Blancas: macabeu, garnacha blanca, chardonnay, moscatel d'Alexandría, sauvignon blanc, chenin, gewürtztraminer, malvasía y riesling.

• Tintas: mazuela, cabernet sauvignon, merlot, tempranillo, garnacha graciano, syrah, cabernet franc, moristel, parraleta y pinot noir.

Vinclos externos

• (es) Asociación de Vins d'a Tierra d'Aragón.
• (es) IChP Valle d'a Cinca