Indicación Cheografica Protechida Ternasco d'Aragón
A Indicación Cheografica Protechida Ternasco d'Aragón ye una indicación cheografica protechida sobre a carne de ternasco. En primeras fue reconoixida en Espanya como Denominación Especifica, estando a primera carne fresca que obtenió dita protección. Posteriorment, en 1996, se rechistró en a Unión Europea como indicación cheografica protechida (IChP). A zona de producción incluyida en ista IChP ye tot o territorio d'Aragón. O suyo consello regulador, situau en Mercazaragoza, tien como principal misión a trazabilidat d'a carne.
Redolada y clima
[editar | modificar o codigo]O ternasco d'Aragón se cría en toz os puestos d'a cheografía aragonesa, un país de grans contrastes en a suya orografía que van desde as altas montanyas d'os Pireneus y o Sistema Iberico dica as planas d'a depresión d'Ebro con altarias que oscilan dende os mas de 3.000 metros dica os 300 metros.
O clima ye mediterranio continentalizau, estando en a depresión central templau-arido y prou ventolero y fendo-se mas fredo y humedo en puyar ta as montanyas. As temperaturas meyas anyals en o centro d'a depresión d'Ebro oscilan entre os 14 y 15°C, baixando bel par de graus en os semontanos. As plevidas anyals son de bels 300-400 mm en a val meya d'Ebro, de 800 mm en a canal de Berdún y dica 2.000 mm en as cumbres pirenencas y d'o Sistema Iberico. En a depresión de Calatayú-Teruel son 400-500 mm anyals y as suyas sierras se superan os 700-800 mm. Ye tipica a boira preta en a depresión d'Ebro.
A variedat de terrenos y climas deixa tamién una variedat de flora, trobando-se preferentment en os praus hierbas como Eriseteto-Polygonion, Trisetum flavescens, Dactylis glomerata, Trifolium pratense (tefla común) u Festuca rubra (cerriello royo) y en os pastizals Eremopyrum cristatum, Platycapnos echeandiae, Valerianella multidentata, Astragalus alopecuroides, Lappula patula, Medicago minima (meligón), Scorpiurus subuillosa, Astragalus sesamens, Trifolum scabrum u Melitotus sulcatus.[1]
Caracteristicas
[editar | modificar o codigo]O ternasco se sacrifica con una edat de 70 a 100 días, con un peso en canal de 10 a 13 kilogramos siempre que, amás, istos productos sigan emparaus por a indicación cheografica protegida (IChP) Ternasco d'Aragón, y, por lo tanto, cumplan os suyos exichents requisitos de calidat. En Aragón a carne de ternasco ye habitual en a cesta d'a crompa y fa parti de recetas culinarias tradicionals d'ista rechión. Ye una carne especialment sabrosa y terneta.[2]
S'han feito a-saber-los estudios sobre ista carne[3] con l'obcheto de poder determinar a calidad alimentaria y as suyas propiedaz sensorials, asinas como a valoración d'os consumidors fendo comparanzas con atros tipos de carnes.
Razas
[editar | modificar o codigo]
As razas de ganau ovino aptas pa la producción de ternasco d'Aragón son as siguients:[4]
Referencias
[editar | modificar o codigo]- ↑ (es) Pliego de condiciones modificado de la IGP Ternasco de Aragón
- ↑ (es) "Ternasco de Aragón: cocina de ayer y de hoy". C. García Castán. Alcaraván. 2000. ISBN 8495222035. Pach. 76
- ↑ (es) "Efecto de la adición de vitamina E en la dieta sobre la valoración visual de carne de corderos de la I.G.P. Ternasco de Aragón", Begoña Panea, M. Juárez, Carlos Sañudo Astiz, P. Casado, E. Ramas, Eurocarne: La revista internacional del sector cárnico, ISSN 1132-2675, Nº. 142, 2005, pags. 103-106
- ↑ Qué es el ternasco de Aragón
Vinclos externos
[editar | modificar o codigo]
| Alimentos con indicación cheografica protechida (I.Ch.P.) en Aragón | 
|
|---|---|
| Carne d'Ávila | Espargo de Navarra | Pataca negra de Teruel * | Ternasco d'Aragón | Tocín de Teruel | |
| Vins d'a Tierra: Baixo Aragón | Ribera d'o Galligo-Cinco Villas | Ribera d'o Queiles | Ribera de Xiloca | Valle d'a Cinca | Val de Xalón | |
| * en tramite |