Ilesia de Sant Salvador d'Agüero

Ilesia de Sant Salvador d'Agüero
Anvista cheneral d'a ilesia.
Situación cheografica
Estau	Espanya
País	Aragón
Comarca	Plana de Uesca
Situación	Agüero
Adreza	C/ d'a Fuent, 1. 22008 Agüero
Coordenatas	42°21′18″N 0°47′41″U
Archidiocesi	Pamplona y Tudela
Diocesi	Chaca
Arcipestrau	Erla-Uncastiello
Información cheneral
Advocación	O Salvador
Culto
Orden
Rector
Vicario parroquial
2.º Vicario parroquial
Mosen
Propietario	Ilesia Catolica
Administrador
Director
Coste	{{{coste}}}
Visitable
Altaria
Pisos
Amplaria
Largaria
Superficie
Diametro
Aforo
Altaria s.l.m.
Atras
Alcance
Iluminación
Potencia
Arquitectura
Tipo	Ilesia
Estilo	Romanico
Función	Ilesia
Catalogación	Molimento Nacional Bien d'Intrés Cultural
Materials	Piedra picada
Construcción
Construcción	Sieglo XI
Fundador
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Pachina web
Localización
Ilesia de Sant Salvador d'Agüero Ilesia de Sant Salvador d'Agüero en Aragón

A ilesia de Sant Salvador d'Agüero ye una ilesia aragonesa d'estilo romanico que se troba en a localidat d'Agüero, en a comarca d'a Plana de Uesca y provincia de Uesca. Dende lo punto d'anvista d'a suya adscripción administrativa en a Ilesia Catolica, pende de l'arcipestrau d'Erla-Uncastiello en a diocesi de Chaca y de l'archidiocesi de Pamplona y Tudela. Adedicada a lo Salvador, ye l'actual ilesia parroquial d'o lugar.^[1]

Ye un edificio d'o sieglo XI a on destaca la suya frontera septentrional, con o suyo timpano y los suyos capitels,^[2] y ye protechida legalment dende 2001 con a suya declaración como Bien d'Intrés Cultural.^[3]

Historia

En os suyos oríchens yera una ilesia vinclada a un monesterio que bi heba en o lugar, y que fue obchecto d'una donación por o rei Sancho Remíriz d'Aragón en 1082 a lo monesterio de Sant Pero de Ciresa. Tanimientres, ya en 1138 lo princeps Aragonum Remón Berenguer IV, conte de Barcelona, donó 3.000 sueldos a la ilesia con a condición de que dixasen de depender d'o monesterio de Siresa.

Anyos dimpués, cuan a población d'Agüero dixó d'estar situada a lo canto d'o castiello y se tresladó enta la plana, l'antiga ilesia monastica se convertió en a ilesia parroquial d'o lugar, condición que ha manteniu dende alavez.

A ilesia

A nau

A primitiva ilesia de construyó mientres o sieglo XI en estilo romanico, estando la suya decoración escultorica obra d'o clamau mayestro d'Agüero. Se tractaba d'un edificio con nomás que una unica nau dividida en dos trampos y cubierta con vuelta de canyón apunchau y con un abside semicircular.

Ista ilesia s'esvielló en o sieglo XVI adibindo-le elementos renaixentistas: se rendrezó la nau orichinal y a ista nau se li adhibioron dos trampos mas enta l'ueste, amás de cuatre capiellas laterals que conforman dos falsas naus, una a cada canto d'a nau orichinal, que poseyen una galería de chicoz arquillos ta dotar de luminosidat a l'interior d'o templo. Amás, as dos capiellas d'o canto sud poseyen una cambra-cripta subterrania.

As fronteras

A ilesia de Sant Salvador d'Agüero tien a peculiaridat de poseyer dos fronteras romanicas, encara que una d'ellas no yera pensada en un primer momento ta montar-se en ella.

A frontera septentrional

En a frontera norte de l'edificio se conservan as restas d'un portegau que cubriba d'antes mas toda la frontera y que la protechiba, y aculle un timpano inicialment concebiu ta instalar-se en l'amanadaa ilesia de sant Chaime pero que en interrumpir-se la suya construcción se recicló ta fer parte d'ista ilesia.

Poseye un arco apunchau con cuatre arquivoltas rematadas con un escacau chawués, tipico d'o romanico aragonés, que reposan sobre cuatre columnas adosadas, con capitels ornamentaus con motivos vechetals y figurativos.

O suyo timpano amuestra lo Pantocrator endintro d'una mandorla y rodiau por os cuatre evanchelistas, o clamau tetramorfos, que encara conserva bellas restas d'os pigmentos policromaus con os que yera cubierto.