Ilesia de Sant Chuan de Busa

Ilesia de Sant Chuan de Busa
Situación cheografica
Estau
País
'
Situación	Biescas (Alto Galligo), Aragón
Adreza
Coordenatas
Archidiocesi	Pamplona y Tudela
Diocesi	Chaca
Arcipestrau	Biescas
Información cheneral
Advocación	Sant Chuan Baptista
Culto	Catolico
Orden
Rector
Vicario parroquial
2.º Vicario parroquial
Mosen
Propietario
Administrador
Director
Coste	{{{coste}}}
Visitable
Altaria
Pisos
Amplaria
Largaria
Superficie
Diametro
Aforo
Altaria s.l.m.
Atras
Alcance
Iluminación
Potencia
Arquitectura
Tipo	Ilesia
Estilo	Mozarabe u romanico
Función
Catalogación	Bien d'Intrés Cultural
Materials
Construcción
Construcción	Entre 1060 y 1070
Fundador	Remón Guillén
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Pachina web
Localización
Ilesia de Sant Chuan de Busa Ilesia de Sant Chuan de Busa en Aragón

A ilesia de Sant Chuan de Busa u Sant Chuan Baptista de Busa ye una ilesia aragonesa que se troba en a comarca aragonesa de l'Alto Galligo, en Sarrablo, en o municipio de Biescas, a o canto d'o camín que puya dende Oliván enta o lugar de Larrede (municipio de Samianigo), a 823 metros d'altaria sobre lo livel d'a mar.

Sant Chuan de Busa.

Estió a ilesia parroquial d'un lugar medieval hue desapareixito, Busa. Agustín Ubieto Arteta cita lo lugar en a suya obra Toponimia aragonesa medieval. Feita construir por Remón Guillén entre 1060 y 1070, ye d'estilo mozarabe u romanico lombardo como a resta d'ilesias d'o grupo de Sarrablo.

Fue restaurada en os anyos 1970 por l'Asociación de Amigos del Serrablo.

Descripción

Exterior

No tiene torre campanal y a vuelta d'o suyo abside mai no fue rematada. A suya unica nau rectangular ye zarrada por un tellau de fusta a dos auguas.

A dentrada a l'edificio se troba en o suyo canto sud en una puerta con dos arcos, un d'éls de meyo punto y l'atro de falsa ferradura con combinación en iste zaguero d'imposta y salmer; l'arco de meyo punto amuestra decoración con feneta de festons y palmetas en baixorrelleu. Sobre la puerta d'a ilesia bi ha una inscripción en caracters cuficos que diz la ilaha illa Allah, en arabe No bi ha (atro) dios que Dios.

En o muro sud se troban tres finestras, pero lo suyo muro norte ye ciego; en o muro occidental se troba una atra puerta (hue zarrada) con arco de meyo punto baixo una finestra trifora.

Interior

Adosadas a los suyos muros bi ha una succesión de columnas dobles que se converten en sencillas en a suya parte inferiory que en l'abside se veyen substituyidas por repalmadors; istas columnas tienen basas y capitels consistents en nomás que una losa de piedra sin garra decoración ni treballo.

Lo suyo abside poseye una decoración d'entalla torada a l'exterior sobre la cual se debantan seis lesenas que soportan cinco arcos ciegos. Dencima d'o candaliello d'istos arcos se troba una atra entalla que fa de soporte d'os baquetons, con una cornisa superior. Y dencima d'o conchunto, un recreiximiento que permite la cobertura con o mesmo tellau que la nau y que dota a lo molimento d'a suya silueta caracteristica.

Protección legal

Ye Molimento Historico-Artistico dende 1982, protechida legalment como Bien d'Intrés Cultural.

Vinclos externos

• Se veigan as imáchens de Commons sobre a ilesia de Sant Chuan de Busa.
• (es) San Juan de Busa en www.aragonromanico.com.
• (es) San Juan de Busa en www.romanicoaragones.com.